Morgunblaðið - 31.05.2018, Qupperneq 4

Innlent
MORGUNBLAÐIÐ FIMMTUDAGUR 31. MAÍ 2018
nýr matseðill
fylg ganum
WWW.FABRIKKAN.IS BORÐAPANTANIR: 575 7575
Ragnhildur Þrastardóttir
ragnhildur@mbl.is
Körfuboltaliðið Harlem Globetrott-
ers skemmti börnum og fullorðnum á
Barnaspítala Hringsins í gær. Liðið
sérhæfir sig í eins konar körfubolta-
sirkus og hefur sýnt listir sínar úti
um allan heim frá árinu 1926. Nú er
liðið komið til Íslands í sjötta skipti
og sýnir tvisvar til viðbótar við
skemmtunina á Barnaspítalanum.
Það var mikil eftirvænting á
Barnaspítalanum á meðan beðið var
eftir þeim Thunder, Cheese og
Swoosh sem mættu á staðinn fyrir
hönd liðsins. Körfuboltarnir þeirra
sátu reyndar fastir á Keflavíkur-
flugvelli en liðið gerði gott úr stöð-
unni með því að draga fram litla
körfuboltakörfu og nokkra bolta.
Andlit barnanna lýstust upp þegar
liðið mætti á svæðið og óhætt er að
segja að þeir fullorðnu hafi skemmt
sér jafn vel og börnin. Liðsmennirnir
fengu börnin til að skjóta á körfuna
og hver og einn uppskar mikil fagn-
aðaróp þegar boltinn rataði rétta leið.
Færa börnunum bros
Thunder segir liðið gjarnan heim-
sækja þau börn sem ekki geti komið
á sýningar hjá þeim. „Við viljum gefa
af okkur í samfélögum sem við heim-
sækjum. Sum börn vilja mæta á
skemmtanir hjá okkur en hafa ekki
tækifæri á því. Við leysum vandann
með því að mæta með skemmtan-
irnar til þessara barna. Eitt af verk-
efnum okkar kallast Broslestin og
hún gengur út á það að færa brosin til
barnanna.“ Ánægjan af heimsókn
liðsins á spítalann liggur ekki ein-
ungis hjá börnunum. „Að heimsækja
staði eins og Barnaspítala Hringsins
er eitt af því sem mér finnst
skemmtilegast að gera,“ segir
Thunder.
Heimsækja Hringinn reglulega
Gróa Gunnarsdóttir, leikskóla-
kennari og starfsmaður á barnaspít-
alanum, segir uppákomur sem þessar
mikilvægar fyrir börnin.
„Þetta gefur krökkunum mjög
mikið. Liðið hefur komið til okkar
fjórum sinnum. Þau komu hingað
fyrst árið 2002 og heimsækja okkur
því nánast í hvert skipti sem þau
heimsækja Ísland.“
Hvort foreldrarnir eða börnin séu
spenntari fyrir sýningum Globetrott-
ers er ekki gott að segja. „Við drög-
um fram barnið í hjarta hvers og
eins. Margir foreldrar eru spenntir
fyrir sýningunum okkar þar sem þeir
muna eftir að hafa séð okkur fyrir
löngu. Þegar foreldrarnir sjá börnin
sín gleðjast eins og þeir glöddust einu
sinni kallar það auðvitað fram bros,“
segir Thunder.
Morgunblaðið/Arnþór
Spenna Drengur á Barnaspítala Hringsins miðar einbeittur á körfuna og Thunder stendur spenntur hjá.
Færðu börnum á Barna-
spítala Hringsins bros
 Körfuboltaliðið Harlem Globetrotters er statt hérlendis
Hittinn Þessi drengur átti auðvelt með að koma boltanum ofan í netið.
Guðrún Erlingsdóttir
ge@mbl.is
Yfirkjörstjórnir í nýafstöðnum
sveitarstjórnarkosningum eru marg-
ar hverjar ósáttar við kröfur frá
Hagstofunni um upplýsingagjöf sem
þær telja að brjóti jafnvel í bága við
lög um persónuvernd.
Að sögn Þorsteins Hjaltasonar,
þaulreynds kjörstjórnarmanns sem
situr í yfirkjörstjórn á Akureyri,
barst kjörstjórnum á síðustu dögum
fyrir kosningar beiðni frá Hagstof-
unni um að merkja við í kjörskrá þá
einstaklinga sem ekki nýttu atkvæð-
isréttinn og senda til Hagstofunnar.
„Miðað við hvernig við fram-
kvæmdum merkingarnar urðum við
að velja milli þess að brjóta hugsan-
lega lög um sveitarstjórnarkosning-
ar og að sinna ekki beiðni Hagstof-
unnar um ákveðnar upplýsingar eða
svara Hagstofunni og verða hugsan-
lega sökuð um brot á persónu-
verndarlögum,“ segir Þorsteinn.
Hann segir að kjörstjórn fái lista
með kjósendum í ákveðinni röð þar
sem búið er að úthluta hverjum ein-
staklingi kjörskrárnúmeri.
Atkvæði gætu verið rekjanleg
„Við fáum lista frá Hagstofunni
þar sem við eigum að merkja við
kjörskrárnúmer hvers kjósanda sem
ekki kýs og senda til Hagstofunnar.
Þar á bæ segjast menn ekki bera
kjörskrárnúmerið saman við kenni-
tölu kjósanda. En með henni er hægt
að sjá kjördeild, ríkisfang og fleiri
breytur sem okkur finnst að ætti
ekki að vera hægt að lesa út úr kjör-
skrárnúmeri,“ segir Þorsteinn.
Hann bætir við að yfirkjörstjórn sé
gert að eyða kjörskrá að kosningum
loknum og það geti ekki verið í anda
laganna að yfirkjörstjórnir séu að ná
í upplýsingar úr gögnum sem á að
eyða samkvæmt lögum. Upplýsing-
um sem jafnvel geta verið rekjan-
legar.
„Ef við fengjum að eyða rað-
númerum og rugla röðinni þá væru
upplýsingarnar ekki rekjanlegar að
okkar mati,“ segir Þorsteinn sem tel-
ur að beiðni um meiri skráningu
megi rekja til þingsályktunartillögu
frá 2016 um könnun á kjörsókn unga
fólksins. „Það er hægt að beita skoð-
anakönnunum til þess og við eigum
að færa okkur til nútímans þegar
kemur að kosningum.“
Kjörstjórnir neita að upplýsa
Pétur Kjartansson, formaður yfir-
kjörstjórnar á Seltjarnarnesi, tekur í
sama streng og Þorsteinn varðandi
óskir Hagstofunnar um upplýsinga-
gjöf sem hann telur að brjóti í bága
við persónuverndarlög.
Pétur segir kjörstjórnir hafa neit-
að að gefa slíkar upplýsingar og það
sé ekki hlutverk kjörnefnda að veita
meiri upplýsingar um kjósendur en
lög segja til um þrátt fyrir óskir frá
Hagstofu og dómsmálaráðuneyti.
Kjörstjórnir hunsa Hagstofu
Morgunblaðið/Eggert
Leynilegt Gæta þarf að leynd sem
ríkja á yfir atkvæðum kjósenda.
 Kjörstjórnir þurfa að velja á milli hvaða lagagrein þarf að brjóta  Eiga að gefa
upp þá sem ekki kjósa  Telja þá mögulegt að hægt sé að rekja atkvæði kjósenda
Agnes Bragadóttir
agnes@mbl.is
Steingrímur J. Sigfússon, forseti
Alþingis, segir að minni líkur en
meiri séu á því að Alþingi takist að
fresta fundum sínum næsta
fimmtudag, 7.
júní, eins og
starfsáætlun
þingsins gerir
ráð fyrir.
„Það gerist nú
líklegra en hitt
að það muni
þurfa að bæta
einhverjum dög-
um við, en það
skýrist ekki fyrr
en kemur fram í
næstu viku,“ sagði Steingrímur í
samtali við Morgunblaðið í gær.
Aðspurður hvort það væru
nokkuð hundrað í hættunni þótt
bæta þyrfti við einhverjum starfs-
dögum Alþingis sagði Steingrímur:
„Neinei, alls ekki. Í fyrsta lagi
höfum við föstudag og laugardag
upp á að hlaupa í þessari viku, sem
getur væntanlega komið okkur vel
áleiðis.
Það getur vel farið svo að við
verðum að bæta við einhverjum
dögum og það verður þá bara svo
að vera. Við munum væntanlega
halda okkur við starfsáætlun
þingsins fram í næstu viku og svo
sjáum við bara til hvernig þing-
störfin ganga þegar við nálgumst
fimmtudaginn eftir viku.“
Gæti skapast óvissuástand
Steingrímur var spurður hvort
það væri ekki deginum ljósara að
Alþingi yrði að afgreiða frumvarp
dómsmálaráðherra um persónu-
vernd áður en þingfundum yrði
frestað með þingsályktunartillögu:
„Jú, það er líklegt, því annars gæti
skapast óvissuástand í sumar,“
sagði Steingrímur.
„Ég skil það þannig að það sé
mjög æskilegt að frumvarpið verði
afgreitt fyrir frestun funda til þess
að fyrirbyggja að eitthvert óvissu-
ástand skapist í sumar. Það er þó
ekki fyrr en í júlímánuði sem þess-
ar nýju reglur um persónuvernd
verða teknar upp á evrópska efna-
hagssvæðinu, þannig að við höfum
einhvern tíma upp á að hlaupa.
Það er meiri spurning um það
hvaða staða verður uppi í júlí,
ágúst og september ef frumvarpið
verður ekki afgreitt á Alþingi fyrir
þingfrestun,“ sagði Steingrímur J.
Sigfússon, forseti Alþingis, enn-
fremur.
Þingið gæti þurft
að starfa lengur
 Gæti skapast óvissuástand í sumar
Steingrímur J.
Sigfússon
„Flestar útstrikanir í sveitar-
stjórnarkosningunum á Akur-
eyri voru hjá frambjóðendum
Sjálfstæðisflokks, Gunnar Gísla-
son fékk 58 og Þórhallur Jóns-
son 26. Hjá Samfylkingu fékk
Hildur Jana Gísladóttir 26 og
Dagbjört Pálsdóttir 25. Mið-
flokkurinn og Píratar voru með
fæstar útstrikanir, 6 hvor
flokkur. Allir frambjóðendur
Sjálfstæðisflokks nema einn
voru strikaðir út af einum kjör-
seðli, að sögn Helgu Eymunds-
dóttur, formanns yfirkjör-
stjórnar á Akureyri.
Pétur Kjartansson, formaður
yfirkjörstjórnar á Seltjarnar-
nesi, staðfesti að um 100 út-
strikanir hefðu verið í kosning-
unum á laugardaginn, flestar
hjá Sjálfstæðisflokknum.
Strikaði
yfir alla
nema einn
ÚTSTRIKANIR
4 FRÉTTIR