Morgunblaðið - 31.05.2018, Side 56

MORGUNBLAÐIÐ FIMMTUDAGUR 31. MAÍ 2018
Marta María
mm@mbl.is
Á föstudaginn verður hún með tónleika í
Bæjarbíói í Hafnarfirði ásamt Gunna Hilmars
en þau eru saman í hljómsveitinni Sycamore
Tree.
„Við í Sycamore Tree urðum ástfangin af
töfraheimi Bæjarbíós í Hafnarfirði. Við héld-
um okkar fyrstu tónleika þar um páskana og
eftir það langar mig bara að spila þar. Þetta
var bara eins og draumur, allt saman, og
þessir tónleikar eru ekki síður haldnir fyrir
okkur en áhorfendur. Við njótum þess svo
innilega að skapa og flytja tónlistina, detta
inn í þennan hliðarveruleika, þennan töfra-
heim listarinnar,“ segir Ágústa Eva.
Hún og Gunni eru á fullu að undirbúa tökur
á nýrri plötu og verður eitthvað af því efni
flutt á föstudaginn.
„Ég get sagt að okkur klæjar í lófana af
spenningi yfir því.“
Mánuði eftir barnsburð var Ágústa Eva aft-
ur farin að vinna og þá aðallega í tónlistinni.
Hún segir að leiklistin detti svo inn þegar
dóttirin verður örlítið eldri.
„Ég hef unnið mikið í tónlistinni eftir að
dóttir mín fæddist og auðvitað líka þegar hún
var í bumbunni. Það leynir sér ekki, hún
dansar og hlær af mikilli innlifun. Það er mús-
ík í henni. Þannig að hún nýtur þess ekki síð-
ur. Við erum eins og blómi í eggi núna,“ segir
hún.
Einhvern veginn er ekki hægt annað en að
spyrja Ágústu Evu örlítið um móðurhlut-
verkið, hlutverk sem reynir á konur á allt
annan hátt og umturnar tilverunni. Svo er það
yfirleitt þannig að eitt barn er sem ekki neitt
en tvö sem tíu. Ágústa Eva segir að hennar
börn séu ákaflega stillt og prúð.
„Nú á ég sex ára dreng fyrir sem er algjör
engill og nú eru þau tvö og einhvern veginn
eins og hugur manns sem var eitthvað sem ég
bjóst ekki við. Samt sem áður er þetta mest
krefjandi verkefni sem ég hef fengist við, það
að vera tveggja barna móðir. Aðstæður eru
líka einkennilegar því faðir dóttur minnar
starfar erlendis og því er landamæraflakk og
það að horfa á lífið í köflum og tímabilum
óumflýjanlegt. Börnin okkar eru ótrúleg,
samrýnd og með mikla aðlögunarhæfni þann-
ig að þetta er bæði æðislegt og krefjandi á
sama tíma eins og lífið er jú oftast. En þessi
systkinaást er eitthvað sem kemur mest á
óvart. Það að verða vitni að því fær mann til
að kikna í hnjánum,“ segir hún.
Við erum eins og blómi í eggi
Söng- og leikkonan Ágústa Eva Erlendsdóttir er komin aftur í
vinnuna eftir að hafa eignast dóttur í nóvember ásamt unnusta
sínum, Aroni Pálmarssyni handboltastjörnu.
Falleg fjölskylda Aron og Ágústa Eva með börnin tvö. Hér er dóttir þeirra nýlega fædd.
Systkinaást Þorleifur Óðinn Jónsson 6 ára
og Rebekka Aronsdóttir tæplega sjö mánaða.
Sycamore Tree Gunni Hilmarsson og Ágústa Eva Erlendsdóttir
verða með tónleika í Bæjarbíói í Hafnarfirði á föstudaginn. Sönn móðurást Ágústa Eva hefur unnið mikið í tónlistinni síðustu mánuði og segir að dóttir hennar sé mjög músíkölsk.