Morgunblaðið - 01.06.2018, Side 18
18 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 1. JÚNÍ 2018
Rauðagerði 25 · 108 Reykjavík · Sími 440 1800 · www.kaelitaekni.is
Okkar þekking nýtist þér
Þín eigin skrifborðskæling!
Stjórnaðu hitastiginu við
vinnustöðina þína.
Kælitæki, rakatæki og lofthreinsitæki,
allt í einu tæki. Til í hvítu og svörtu.
Kynningarverð aðeins kr. 37.227 m.vsk.
1. júní 2018
Gengi Kaup Sala Mið
Dollari 104.96 105.46 105.21
Sterlingspund 139.79 140.47 140.13
Kanadadalur 81.81 82.29 82.05
Dönsk króna 16.461 16.557 16.509
Norsk króna 12.838 12.914 12.876
Sænsk króna 11.932 12.002 11.967
Svissn. franki 106.41 107.01 106.71
Japanskt jen 0.9633 0.9689 0.9661
SDR 148.62 149.5 149.06
Evra 122.56 123.24 122.9
Meðalgengi/Viðskiptavog þröng 150.6353
Hrávöruverð
Gull 1298.6 ($/únsa)
Ál 2264.5 ($/tonn) LME
Hráolía 75.37 ($/fatið) Brent
Skannaðu kóð-
ann til að sjá
gengið eins og
það er núna á
● Hagfræðideild Landsbankans spáir
því að hagvöxtur á yfirstandandi ári
verði 4,1%, en næstu tvö ár hægi
nokkuð á hagvexti og hann verði rétt
undir langtímameðaltali, eða um
2,4% bæði árin.
Spá bankans fyrir árið í ár er
nokkru hærri en bæði Íslandsbanki og
Seðlabanki Íslands spáðu á dögunum.
Eins og sagt var frá í Morgunblaðinu
hljóðaði þjóðhagsspá Íslandsbanka
upp á 2,6% hagvöxt á þessu ári, en
2,4% á næsta ári. Til samanburðar
þá spáði Seðlabankinn 3,3% hagvexti
í ár og 3% á næsta ári.
Í Þjóðhag, þjóðhags- og verðbólgu-
spá Hagfræðideildar Landsbankans,
segir að efnahagsástandið hér á landi
sé á flesta mælikvarða mjög gott.
Hagvöxtur hafi verið kröftugur og
verðbólga lítil síðustu ár. „Á næstu
árum er útlit fyrir að það hægi all-
nokkuð á hagvexti
samhliða aðlög-
unartímabili í
ferðaþjónustugeir-
anum sem vaxið
hefur á ofurhraða
á síðustu sjö ár-
um,“ segir í hag-
spánni.
Þá segir í
spánni að verð-
bólguhorfur séu
almennt góðar enda sé „líklegt að
það dragi verulega úr spennu í ljósi
þess að umsvif í hagkerfinu verða
meira í samræmi við langtíma-
hagvaxtargetu þjóðarbúsins en verið
hefur á síðustu árum,“ eins og það er
orðað í spánni.
Þá telur hagfræðideildin ekki þörf
fyrir neina sérstaka aðlögun eða
lendingu hagkerfisins. tobj@mbl.is
Landsbankinn spáir meiri hagvexti á þessu ári
en bæði Íslandsbanki og Seðlabanki Íslands
Landsbankinn Spá
hagvexti 4,1% í ár.
STUTT
BAKSVIÐ
Stefán E. Stefánsson
ses@mbl.is
Það verð sem fjárfestum og almenn-
ingi býðst nú að kaupa hluti í Arion
banka á er talsvert lægra miðað við
eigið fé en rætt var um þegar for-
svarsmenn Kaupþings áttu í viðræð-
um við íslenska lífeyrissjóði um
mögulega aðkomu þeirra að bankan-
um. Samkvæmt nýrri lýsingu sem
gefin hefur verið út í aðdraganda
frumútboðs á bréfum í bankanum
verða hlutir í honum seldir á bilinu
0,6 til 0,7 sinnum bókfært virði eigin
fjár bankans. Í fyrrnefndum viðræð-
um við sjóðina var gengið út frá því
að hlutirnir myndu skipta um hend-
ur á margfaldaranum 0,8 en við þau
mörk lá einnig forkaupsréttur ríkis-
ins að hlutum í bankanum. Sá for-
kaupsréttur var í gildi allt frá því að
ríkissjóður kom að stofnun Arion
banka á rústum Kaupþings banka
undir lok árs 2008.
Þann 12. febrúar í fyrra var geng-
ið frá kaupum fjögurra erlendra fjár-
festa á 29% hlut í Arion banka. Þar
voru á ferðinni vogunarsjóðirnir
Och-Ziff Capital, Taconic Capital,
Attestor Capital og fjárfestingar-
bankinn Goldman Sachs. Kaupverð-
ið reyndist 48,8 milljarðar króna og
miðað við stöðu eigin fjár bankans á
þeim tíma gengu kaupin því í gegn
nálægt margfaldaranum 0,8.
Tveir seljendur
Þeir aðilar í hópi eigenda Kaup-
þings sem nú hyggjast losa um hlut
sinn eru annars vegar Kaupskil og
hins vegar Trinity Investment
Designated Activity Company. Hinu
síðarnefnda er stýrt af Attestor
Capital LLP. Heildareign þessara
aðila í bankanum í dag nemur rétt
ríflega 68%.
Samkvæmt lýsingunni er gengið
út frá því að hver hlutur í bankanum
seljist á 68 til 79 krónur á hlut. Úti-
standandi hlutir í bankanum, þegar
eigin hlutir hans hafa verið dregnir
frá, eru samtals liðlega 1,8 milljarðar
hluta. Því er bankinn samkvæmt út-
boðinu metinn að lágmarki á 123
milljarða króna en að hámarki á 143
milljarða.
Grunnstærð útboðsins er að lág-
marki 452,5 milljónir hluta, sem jafn-
gildir fjórðungshlut í bankanum.
Hins vegar er mögulegt að stækka
grunnstærð útboðsins í allt að 724
milljónir hluta. Þá hafa seljendur
einnig heimild til að fjölga þeim hlut-
um sem til sölu eru um tæplega 67,9
milljónir og upp í 108,6 milljónir
hluta, að því gefnu að það geti mætt
mögulegri umframeftirspurn. Verði
sú eftirspurn að veruleika nemur
heildarvirði útboðsins þá á bilinu
35,4 milljörðum króna og upp í 41,1
milljarð króna.
Seljendur skuldbinda sig til þess
að halda í eftirstandandi hlut sinn í
bankanum í að minnsta kosti 6 mán-
uði. Þá verður Kaupþingi, sem á
Kaupskil, gert kleift að halda á hlut
sínum í bankanum með beinum hætti
og án milligöngu Kaupskila.
Skuldbinda sig til þátttöku
Tveir erlendir fjárfestar hafa
skuldbundið sig til þátttöku í útboð-
inu. Hafa þeir lýst því yfir að þeir
hyggist kaupa 20% af þeim hlutum
sem að lágmarki verða boðnir til
sölu. Eru þeir með þátttökunni skil-
greindir sem svokallaðir hornsteins-
fjárfestar (e. conerstone investors).
Skuldbinding Lansdown nemur 38
milljónum bandaríkjadala, jafnvirði
tæplega 4 milljarða króna og nemur
skuldbinding Milton 22,5 milljónum
dala, jafnvirði tæplega 2,4 milljarða
króna.
Stefnt er að því að endanlegt út-
boðsgengi liggi fyrir föstudaginn 15.
júní næstkomandi eða tveimur dög-
um eftir að sjálfu útboðinu lýkur
gagnvart almennum fjárfestum.
Fagfjárfestar munu hins vegar hafa
frest allt fram til 14. júní til að til-
kynna um þátttöku sína.
Sama dag og útboðsgengið verður
tilkynnt verður bankinn tekinn til
skráningar. Hún verður tvíhliða, þ.e.
bæði í Kauphöll Íslands og Kaup-
höllinni í Stokkhólmi (Nasdaq Stock-
holm). Að lokinni skráningu verður
Arion banki fyrstur íslensku við-
skiptabankanna til að fara á markað
í kjölfar bankahrunsins 2008.
Kaupaukagreiðsla
Sem stendur á Arion banki 9,5%
hlut í sjálfum sér. Samkvæmt þeirri
lýsingu sem nú hefur verið gefin út í
tengslum við frumútboðið stefnir
bankinn á að ógilda þessa hluti að
stórum hluta og færa með því niður
hlutafé bankans. Hins vegar verður
ákveðinn hluti þess nýttur sem
kaupaukagreiðsla til starfsfólks
bankans. Mun sú greiðsla nema allt
að mánaðarlaunum starfsfólks en þó
ekki verða hærri en ein milljón
króna. Gengið er út frá því að kaup-
aukinn nemi í heildina 675 milljónum
króna.
Lægra verð en lífeyr-
issjóðunum bauðst
Morgunblaðið/Eggert
Arion banki Metinn á 123 til 143 milljarða króna, samkvæmt útboði.
Arion fer á markað 19. júní Metinn á allt að 143 milljarðaÁrsfundur Frjálsa lífeyrissjóðsins,
sem haldinn var á miðvikudag, stóð
yfir í tæpar sjö klukkustundir. Voru
tæplega 200 sjóðfélagar mættir með
umboð frá nokkur hundruð öðrum
sjóðfélögum.
Fráfarandi stjórnarformaður, Ás-
geir Thoroddsen, fór yfir starfsemi
sjóðsins en þar var fyrirferðarmest
umfjöllun um fjárfestingu sjóðsins í
United Silicon í Helguvík. Sjóðurinn
hefur afskrifað um 1,2 milljarða fjár-
festingu sína í verkefninu.
Að lokinni ræðu formanns fór
Hjörleifur Arnar Waagfjörð frá
Arion banka yfir ferlið að baki fjár-
festingunni og einnig Stefán Árni
Auðólfsson lögmaður, sem sjóðurinn
hafði fengið til þess að gera úttekt á
málinu og stöðu sjóðsins gagnvart
þeim sem að verkefninu komu.
Spunnust langar umræður um fjár-
festinguna í kjölfarið.
Á fundinum var einnig kosið um
tvö stjórnarsæti af sjö og höfðu fimm
frambjóðendur boðið sig fram. Flest
atkvæði hlaut Anna Sigríður Hall-
dórsdóttir, eða 29,9%. Hún hefur átt
sæti í stjórn sjóðsins frá 2013. Næst-
flest atkvæði hlaut svo Halldór Frið-
rik Þorsteinsson, eða 27,4%, og kem-
ur hann nýr inn í stjórnina. Í
varastjórn hlutu kosningu þeir
Hrafn Árnason með 37% og Sigurð-
ur H. Ingimarsson með 36%.
Fyrir fundinum lá tillaga stjórnar
um að allir stjórnarmenn skyldu
kosnir af sjóðfélögum en fram til
þessa hefur Arion banki, rekstrar-
aðili sjóðsins, tilnefnt þrjá af sjö. Sú
tillaga hlaut brautargengi að undan-
gengnum ákveðnum breytingum.
Tillaga þess efnis að nafn Arion
banka yrði fellt út úr samþykktum
þar sem fjallað er um rekstraraðila
sjóðsins hlaut ekki brautargengi.
Lengi rætt um
United Silicon
Sjö klukkustunda ársfundur Frjálsa
Halldór Friðrik
Þorsteinsson
Anna S.
Halldórsdóttir