Morgunblaðið - 28.06.2018, Qupperneq 66

66 MENNING
MORGUNBLAÐIÐ FIMMTUDAGUR 28. JÚNÍ 2018
Gunnar Valgeirsson,
skrifar frá Los Angeles
„Ég hef engan lagalista og í raun vit-
um við lítið hvað við ætlum að gera.
Það fer sjálfsagt eftir því hvaða gítar
þeir láta mig hafa næst,“ sagði Neil
Young eftir að hann og hljómsveitin
Promise of the Real höfðu lokið
tveimur löngum lögum í lok fyrsta
dags Arroyo Seco-tónlistarhátíð-
arinnar hér í Los Angeles á laugar-
dagskvöld. Reyndar hafði kappinn
hafið þriðja lagið með sveit sinni en
stöðvaði hana eftir aðeins tíu sekúnd-
ur. „Þetta virkar ekki. Við þurfum að
æfa þetta betur. Get ég fengið annan
gítar?“ sagði hann um leið og hann
skýrði ruglinginn.
Þetta var klassísk Neil Young-
uppákoma. Hann er listamaður sem
aldrei fer troðnar slóðir og hefur
nægilega trausta sjálfsmynd til að
láta ekki smá erfiðleika á sviði raska
því sem hann vill gera. Það hjálpaði
honum einnig að hljómsveitin unga
sem hann hefur með sér er frábær og
orkumikil. Þar er leikið af mikilli
gleði, sem sýnilega smitar Young
þessa dagana.
Ótrúlegt framboð tónlistar
Arroyo Seco-tónlistarhátíðin hér í
Los Angeles fór fram í annað sinn um
helgina og var fulltrúi Morgunblaðs-
ins á staðnum – fyrst og fremst til að
ná að sjá og heyra Young – en eins og
oft gerist á slíkum hátíðum er eitt-
hvað nýtt sem vekur athygli manns,
eða maður hreinlega dregst að ein-
hverju sviðinu þar sem flutt er tónlist
sem heltekur mann óvænt.
Vegna hins ótrúlega framboðs á
tónleikum hér í Los Angeles í viku
hverri geta tónlistarunnendur hér
reglulega fundið eitthvað við sitt
hæfi. Fyrir undirritaðan hefur það
þýtt að ég hef haft lítinn áhuga á að
fara á tónleika með listafólki eða
hljómsveitum sem aðeins spila gömlu
lögin sín. Young er ekki einn af þeim.
Hann er listamaður sem ávallt er að
gera eitthvað nýtt, þótt hann láti allt-
af eitthvað af eldri lögum sínum með
á lagalistann. Í þetta sinn lék hann í
tæpa tvo tíma og endaði á rólega lag-
inu „Roll Another Number (for the
Road)“ af plötu sinni Tonight’s the
Night frá 1975, eftir að hafa keyrt
upp hraðann áður en hann var klapp-
aður aftur á sviðið.
Neil Young svíkur aldrei.
Af gömlum sveitum
og ungu fólki
Á fyrsta degi hátíðarinnar á laug-
ardag mættum við síðdegis á staðinn
rétt til að sjá Pretenders. Chrissie
Hynde og trommuleikarinn Martin
Chambers eru nú ein eftir af upp-
runalegu sveitinni, en gítaristinn
James Walbourne er hreint út sagt
frábær og þau þrjú halda manni svo
sannarlega við efnið. Það er auðvelt
að vera svartsýnn á margar hinna
eldri rokkhljómsveita en maður verð-
ur að vera tilbúinn að skilja bæði vilja
og ánægju listafólks í að halda áfram
að gera það sem það hefur ást á. Það
virkaði hjá Pretenders og maður var
snortinn þegar Hynde söng frábær-
lega útfærslu á „I’ll Stand by You“.
Í viðtali við Los Angeles Times
daginn fyrir tónleikana var Hynde
spurð um muninn á að vera með ný
og gömul lög á tónleikum. „Fyrir mér
er þetta allt það sama. Umbunin er
öll í ferlinu við að vera með sveitinni á
sviði þar sem við öll fáum það besta
úr hverju öðru og getum gert það
sem við höfum gaman af,“ svaraði
hún. „Ef áhorfendum líkar nýju lögin
er það fínt. Ef þeir vilja heyra gömlu
lögin látum við þá heyra þau líka.“
Í fjölmiðlatjaldinu var mér sagt að
heimamaðurinn og djasssaxófónist-
inn Kamasi Washington hefði gert
það gott fyrr um daginn. Ég var hins
vegar á gangi um hátíðarsvæðið til að
fá góða hugmynd um útfærslu þess
þegar ég heyrði tónlist kántrísöng-
konunnar Margo Price á litla sviðinu
í Willow-tjaldinu fjarri tveimur stóru
sviðunum.
Hún og sveit hennar, The Price-
tags, voru hreint út sagt frábær. Allt
öðruvísi reynsla að koma frá því að
sjá Pretenders – jafn góð og sú sveit
var. Orka og leikgleði Price og hljóm-
sveitar hennar var smitandi, jafnvel
þótt undirritaður hafi gefið kántrí-
tónlistina upp á bátinn fyrir mörgum
áratugum.
Mettaður markaður
Goldenvoice-tónleikafyrirtækið
heldur hátíðina og er þekkt fyrir að
hafa haldið Coachella-tónlistarhátíð-
ina úti í eyðimörkinni hér austur af
Los Angeles undanfarna tvo áratugi.
Það setti síðan á stofn þessa hátíð hér
Klassarokkarar halda sér ferskum
Spuni „Ég hef engan lagalista og í raun vitum við lítið hvað við ætlum að
gera,“ sagði Neil Young og lék af fingrum fram á Arroyo Seco.
 Neil Young og Robert Plant voru í fínu formi á Arroyo Seco-hátíðinni sem fram fór í Los Angeles
um liðna helgi  Áhersla lögð á fjölbreytileika í stað þess nýjasta og heitasta í tónlistargeiranum
Ljósmyndir/Arroyo Seco
Mannmergð Það var
þröng á þingi á tón-
leikum Neil Young.
Vagnhöfði 7, 110 Reykjavík | Sími: 517 5000 | stalogstansar.is
Ekki bara jeppar
2013
- 2017
ota, Hyundai, Nissan,
, og fleiri gerðir bíla
ER BÍLLINN ÞINN
ÖRUGGUR
Í UMFERÐINNI?
Varahlutir í...