Skírnir - 01.09.2005, Blaðsíða 11
tæknivæða íslenskt samfélag.19 Hannes batt þá sýn hins vegar
aldrei í ljóð um Gullfoss en orti um hann í rómantískum anda í
kvæði sínu „Gullfoss“. Þar lýsir hann mikilfengleika og fegurð
fossins sem væri hann lifandi og tilkomumikið sköpunarverk með
anda og tilgang. Afl fossins og litadýrð regnbogans sem hann
myndar á sólríkum dögum hrífur skáldið sem finnur til smæðar
sinnar eigin andagiftar andspænis sjónarspili vatnsfallsins en ósk-
ar sér um leið að geta sökkt sálu sinni í fossinn og snert regnbog-
ann í fossúðanum.20 Gullfosskvæði sitt orti Hannes í þeim nátt-
úrurómantíska anda og með stílbrögðum sem settu svip á íslenska
ljóðagerð á síðari hluta 19. aldar og fyrri hluta þeirrar tuttug-
ustu.21 Náttúruljóð rómantísku skáldanna voru hástemmdar lýs-
ingar í bundnu máli. Hér verður ekki frekar staldrað við skáldlega
upplifun Hannesar Hafsteins á Gullfossi. Hún er aðeins nefnd hér
til að sýna hversu samofin rómantísk ættjarðarljóð voru náttúru-
sýn þessa tíma, þ.e. upphafs 20. aldarinnar og að ort var um Gull-
foss á þann hátt.
Rómantísk hrifning á Gullfossi sem náttúrufyrirbæri og skáld-
leg sýn á fossinn var hins vegar fjarri þegar rætt var um virkjun
hans á þessum tíma, en sökum fallhæðarinnar höfðu þeir augastað
á fossinum sem leituðu að virkjanakostum á Íslandi. Dæmi um
hreina nytjasýn á Gullfoss og aðra sunnlenska fossa er grein eftir
Jón Þórarinsson verkfræðing í Þjóðólfi vorið 1907. Jón sá fyrir sér
að Árnessýsla byði ekki aðeins upp á mikla möguleika sem land-
búnaðarhérað heldur ekki síður sem „iðnaðarhérað“, að því til-
skildu að fossar sýslunnar yrðu virkjaðir og járnbraut lögð frá
þeim til Reykjavíkur, bæði til að tengja væntanleg athafnasvæði
gulls ígildi 241skírnir
19 Hannes Hafstein, „Aldamótin“, Ljóðmæli, útg. Vilhjálmur Þ. Gíslason
(Reykjavík 1944), bls. 5.
20 Hannes Hafstein, „Gullfoss“, Ljóðmæli, útg. Vilhjálmur Þ. Gíslason (Reykja-
vík 1944), bls. 58–60.
21 Um íslenska rómantík, sjá: Sveinn Yngvi Egilsson, Arfur og umbylting. Rann-
sókn á íslenskri rómantík (Reykjavík 1999). Sjá um rómantík og sýn á íslenska
náttúru: Sveinn Yngvi Egilsson, „„Og andinn mig hreif upp á háfjallatind.“
Nokkrar birtingarmyndir hins háleita á 19. öld“, Skorrdæla (Reykjavík 2003),
bls. 155–177.
Skírnir haust 05 RÉTTUR 23.11.2005 13:52 Page 241