Skírnir - 01.09.2005, Blaðsíða 246

aði ímyndunarafl og hugarheim Íslendinga fram á 20. öld. Torfbæ-
irnir voru dimmir og drukku í sig öll hljóð eins og svartholin sem
hann setur saman úr hljóðeinangrandi tex efnum (i8, 2003).
Haraldur hefur kallað verk sín sállíkamleg.22 Tilfinningarnar
og hin efnislega líkamlega skynjun hafa verið helsta viðfangsefni
hans allt frá upphafi ferilsins. Hann hefur áhuga á þeim líkamlegu
viðbrögðum sem verða þegar tilfinningar svo sem tómleiki og til-
hlökkun, eða þrá og sorg, fléttast saman við það sem blundar bak-
við minnið. Verk hans miða flest að því að hlutgera þessi líkam-
legu viðbrögð við ákveðnar ytri aðstæður. Þau fjalla um þau áhrif
sem tilfinningar og hugsanir hafa á líkamann og efnisheiminn eða
miða með öðrum orðum að því að gera líkamlegt ferli og tilfinn-
ingar sýnilegar. Þannig hefur hann gert ýmsar tilraunir til að
efnisgera innra rými líkamans, rými sem við höfum aldrei séð,
þekkjum ekki, en finnum fyrir daglega, og smæstu frávik í sálarlíf-
inu hafa áhrif á.
Haraldur hefur lýst því yfir að það sé mikilvægt „að myndlist
veiti manni afgerandi upplifun, lífsreynslu; hún á að gefa manni
möguleika á að horfast í augu við eitthvað sem skiptir máli“.23
Hann kortleggur tilfinningar sínar í nýjum teikningum sem hann
kallar „frottage“ eða „diagram“ af tilfinningalegu ástandi. „Þegar
ég teikna byrja ég með lokuð augun. Ég er eins og blindur mað-
ur á gangi í glampandi sólskini og ég þreifa mig áfram eftir papp-
írnum. Teikningarnar eru sýni sem eru tekin úr stærra samhengi,
þau geta verið blóðsýni, ryksýni, gróðursýni eða jarðsýni.“24
Teikningarnar eru ekki myndir af því sýnilega, þær eru eintak af
einhverju, stimpill af einhverju, afsteypa af því ósýnilega og
ósegjanlega, hliðarspor við rannsóknir læknavísindanna á boð-
leiðum tilfinninganna og nýjustu tilraunum þeirra til að gera inn-
vols líkamans sýnilegt á tölvuskermum sjúkrahúsanna og því
annað dæmi um hvernig ólíkir myndheimar nálgast.
Æsa Sigurjónsdóttir
æsa sigurjónsdóttir476 skírnir
22 DV, 15. febrúar 2003.
23 DV, 15. febrúar 2003.
24 Viðtal við Harald Jónsson í ágúst 2005.
Skírnir haust 05 RÉTTUR 23.11.2005 13:54 Page 476