Skírnir - 01.09.2005, Page 95

Dvergurinn lýsir hugarheimi ungs snáða sem er farinn að finna
til óljósrar kynhvatar. Hann er orðinn skotinn í stelpu en skilur
illa kenndir sínar og er farinn að velta fyrir sér hvernig börn verða
til. Auk þess hefur hann lært ýmis ný orð eins og t.d. orðið
„mella“ og njósnað um foreldra sína að næturlagi án þess að verða
nokkurs vísari. Mella býr í nágrenninu og fær stundum fulla karla
í heimsókn á næturnar. Dvergur kemur á heimili snáðans til að
drepa rottur og hann reynir að nálgast hann til að fá einhverja leið-
sögn í kynferðismálum vegna þess að hann veit að dvergurinn
þekkir melluna. Dvergurinn skellihlær að spurningum snáðans og
veitir honum nokkuð vafasama úrlausn á þeim. Þar kemur að
drengurinn kemur við kaun þegar hann spyr hvort hann hafi ein-
hvern tíma verið trúlofaður. Fordómalaus drengurinn væntir þess
að dvergurinn sé gjaldgengur á trúlofunarmarkaði eins og annað
fólk. Þá umturnast dvergurinn skyndilega með óvönduðu orð-
bragði þegar hann er minntur á afbrigðilegt útlit sitt og vankunn-
áttu í ástalífi af þeim sökum. Hann dregur þá upp úr poka sínum
rottuna sem hann hafði drepið á heimili drengsins. Ófullnægja
hans í kynferðismálum og afneitun umhverfisins á afbrigðileika
hans brýst út í sadistískum limlestingum á rottunni fyrir framan
drenginn. Við það verður snáðinn hræddur og fær óbeit á dvergn-
um. Hann hefur öðlast lífsreynslu með innsýn í fláráðan og for-
dómafullan heim fullorðinna.
Rottufárið í sögunni vekur hér hugrenningatengsl við skáld-
söguna Pláguna eftir Camus.
Hótelgestir segja frá sambandsleysi hjóna sem reyna að blása í
glæður kulnaðrar ástar með því að hverfa aftur til fortíðarinnar.
Þau fara á hótel þar sem þeim leið vel fyrir tíu árum. Þau skilja
ekki lengur hvort annað, hafa jafnvel óbeit hvort á öðru enda er
uppátæki þeirra dæmt til að mistakast því að fortíðin er löngu
týnd. Tilvistin í núinu er minnislaus.
Matthías Viðar benti á að tímanleika mannsins sé lýst á svipað-
an hátt í fyrrnefndri sögu Sartres, Ógleðinni.22
réttaður að viðstöddu miklu fámenni 325skírnir
22 Matthías Viðar Sæmundsson 1981:88.
Skírnir haust 05 RÉTTUR 23.11.2005 13:53 Page 325