Skírnir - 01.09.2005, Blaðsíða 176
fjórða og fimmta áratugarins og nemendur þeirra hafi verið klass-
ískir „orientalistar“ sem höfðu takmarkaðan áhuga á efnahags- og
pólitískum vandamálum samtímans.4 Þeir voru svo mikið úr
tengslum við veruleikann að þegar bandaríska leyniþjónustan og
utanríkisþjónustan leitaði að sérfræðingum í málefnum Mið-
Austurlanda fljótlega eftir heimsstyrjöldina síðari, sótti hún þá
ekki til háskólanna heldur frekar til barna eða afkomenda banda-
rískra trúboða í Mið-Austurlöndum sem höfðu alist upp í Líb-
anon eða Sýrlandi og voru vel að sér í menningu þessa svæðis.5
Þessi hópur myndaði kjarnann af þeim sem sátu í lykilstöðum
innan stjórnkerfisins og höfðu umtalsverð áhrif fyrstu árin eftir
stríðið.6
Fræðigreinin fer ekki að þróast og breytast fyrir alvöru fyrr en
upp úr 1960. Á sjötta áratugnum juku bandarísk stjórnvöld fjár-
veitingar sínar til alþjóðlegra fræða. Við það jókst fjöldi fram-
haldsnema til muna og ný tegund einstaklinga kom inn í fagið.
Þessi nýja kynslóð var mótuð af tíðaranda sjötta áratugarins og
var vinstrisinnaðri í skoðunum. Hún leit mjög gagnrýnum augum
á fræðimennsku eldri kynslóðanna og á íhlutanir heimsveldanna á
fyrri áratugum. Til dæmis kom út grein árið 1963 í tímaritinu
Diogenes eftir Egyptann Anouar Abdel-Malek sem nefndist „Ori-
entalism in Crisis“ eða „Neyðarástand oríentalismans“, þar sem
hann hélt því fram að öll fræðimennska Vesturlandabúa um mál-
magnús þorkell bernharðsson406 skírnir
4 Í þessum undantekningartilfellum voru notaðar kenningar sem þróaðar voru um
aðra heimshluta og þær látnar taka til Mið-Austurlanda. Nefna má bók Daniels
Lerner, The Passing of Traditional Society. Modernizing the Middle East (New
York: The Free Press, 1958), sem tileinkaði sér kenningar um nútímavæðingu
(„modernization theory“). Bók Nadav Safran, sem kenndi við Harvard, Egypt
in Search of Political Community (Cambridge: Harvard University Press, 1961),
var einnig undir áhrifum svipaðra kenninga; hann færði fyrir því rök að Egypta-
land hefði átt í miklum erfiðleikum með að þróast í nútímaríki vegna þess að Eg-
yptar væru svo bundnir hefðinni. Á áttunda áratugnum var Safran sakaður um
að þiggja fé frá bandarísku leyniþjónustunni fyrir rannsóknir sínar og ráðstefnu-
hald.
5 Bók James A. Field, America and the Mediterranean World, 1776-1882
(Princeton: Princeton University Press, 1969), er enn besta umfjöllunin um
bandarísku trúboðana í Sýrlandi og Líbanon.
6 Sjá bók Roberts D. Kaplan, The Arabists. The Romance of an American Elite
(New York: The Free Press, 1993).
Skírnir haust 05 RÉTTUR 23.11.2005 13:54 Page 406