Skírnir - 01.09.2005, Blaðsíða 137

þar var kominn traustur grunnur til að byggja á og íslenskir fræði-
menn hlutu dýrmæta þjálfun í útgáfustarfsemi undir verndarvæng
Rafns. Þar ber Jón Sigurðsson hæst. Íslendinga sögur þær sem
hann sá um fyrir Fornfræðafélagið marka tímamót í norrænni
fílólógíu. Þessar útgáfur hefðu varla litið dagsins ljós ef Rafns
hefði ekki notið við, en íslenskir stúdentar unnu við að búa hand-
ritin til prentunar.
Ekki er vitað með hvaða hætti Bülow styrkti Rafn, en að öll-
um líkindum hefir það verið á fyrstu árum Fornfræðafélagsins.
Undir handleiðslu Rafns varð það stórveldi í norrænum fræðum.
Félagið gaf út tímarit t.a.m. með greinum eftir íslenska fræðimenn
um ýmis efni. Eftir því sem tímar liðu fram varð meira og meira
um að fornleifarannsóknir yrðu í fyrirrúmi. Rafn þótti einráður
um of þegar á ævina leið og oftar en ekki skarst í odda með hon-
um og yngri mönnum í fræðunum. Þeir áttu því erfitt með að láta
hann njóta sannmælis lífs og liðinn. Engu að síður hefir dómur
sögunnar orðið á þá leið að í dag sé ekki til sá fræðimaður í þeim
greinum sem hann helgaði líf sitt að hann standi ekki í þakkar-
skuld við hann. Rafn andaðist 20. október 1864.
VII
N.M. Petersen var einn þeirra Fjónbúa sem bar uppi rannsóknir á
íslenskum og norrænum fræðum á fyrri hluta 19. aldar og fram
yfir miðja öldina. Petersen var fæddur í Sanderum 25. október
1791. Faðir hans var klæðskeri, en hann ólst upp hjá föðursystur
sinni. Petersen gekk í latínuskólann í Óðinsvéum og hafði Rask
fyrir bekkjarbróður. Hann vakti áhuga Petersens á norrænni
tungu og sögu og saman lásu þeir íslensku. Að námi loknu í lat-
ínuskólanum lá leið Petersens í Hafnarháskóla árið 1808. Þar lagði
hann stund á guðfræði líkt og Rask, en þegar efni fósturforeldra
hans hrukku ekki til að kosta námið til enda, fór fyrir honum eins
og Rask að hann lauk ekki prófi. Rasmus Nyerup garðprófastur sá
honum fyrir stöðu heimiliskennara á Fjóni árið 1813 og tveim
árum síðar var hann ráðinn kennari við Brahetrolleborg á Fjóni.
Þar kvæntist hann og ásamt kennslunni lagði hann stund á nor-
fjónverjar og íslensk fræði 367skírnir
Skírnir haust 05 RÉTTUR 23.11.2005 13:53 Page 367