Skírnir - 01.09.2015, Qupperneq 21

321hið nýja ísland eftir hrunið
4. Lausn Icesave-deilunnar er nauðsynlegt skilyrði þess að brýn
endurreisn íslensks efnahagslífs geti hafist. Íslendingar öðlist
sem fyrst fyrri styrk í samvinnu við aðrar þjóðir. Þjóðin sjálf
verður hins vegar að ráða för. „Nú fær þjóðin valdið og
ábyrgðina í sínar hendur.“
5. „Það er einlæg von mín að þessi niðurstaða leiði til varan-
legra sátta og farsældar fyrir Íslendinga um leið og hún leggur
grunn að góðri sambúð við allar þjóðir.“
Von forsetans um að sátt yrði um afstöðu hans reyndist hrein ósk-
hyggja. Í kjölfarið fylgdu harðar deilur og langvarandi átök. Við -
brögð stjórnmálamanna fóru nánast algjörlega eftir flokkslínum.
Ríkisstjórnin gaf samstundis út yfirlýsingu þar sem ákvörðun for-
seta var harðlega mótmælt.14 Íslendingar þyrftu að vinna aftur traust
alþjóðasamfélagsins sem hefði beðið hnekki í efnahagshruninu
haustið 2008. Þegar í nóvember 2008 hefðu íslensk stjórnvöld heitið
að leiða Icesave-deiluna til lykta með samningum — enda væri sú
niðurstaða forsenda fyrir lánum Alþjóðagjaldeyrissjóðsins (AGS) til
Íslands. Án samstarfs við AGS væri ekki mögulegt að endurreisa
íslenskt efnahagslíf. Ákvörðun forsetans var sögð tefla árangri og
framtíð efnahagsáætlunar stjórnvalda í tvísýnu. Þar að auki var lýst
miklum efasemdum um „hvort það sé pólitískt og stjórnskipulega
eðlilegt að forseti beiti málskotsrétti sínum þegar um er að ræða
milliríkjamál, líkt og Icesave-málið er, þar sem verið er að fylgja
eftir skuldbindingum íslenskra stjórnvalda á alþjóðavettvangi.
Stjórnvöld hafa kappkostað að eyða allri slíkri óvissu og leitast við
að skapa traust í garð þjóðarinnar. Óvissa eða uppnám í fjármála-
legum samskiptum við önnur ríki getur haft ófyrirsjáanlegar og
mjög skaðlegar afleiðingar fyrir íslenskt samfélag.“ Forystumenn
stjórnarflokkanna voru vægast sagt mjög ósáttir við að forsetinn
skyldi neita að staðfesta Icesave-lögin. Steingrímur J. Sigfússon
íhugaði meira að segja afsögn úr ráðherraembætti. Að hans mati var
ekki vinnandi vegur að semja um Icesave og vinna að endurreisn
skírnir
14 Yfirlýsinguna má t.d. finna í Morgunblaðinu, 6. janúar 2010, undir fyrirsögn-
inni: „Ríkisstjórnin: Endurreisnaráætlun stjórnvalda sett í uppnám.“
Skírnir Haust 2015 NOTA ÞESSA.qxp_Layout 1 19.10.2015 10:51 Page 321