Skírnir - 01.09.2015, Page 31

331hið nýja ísland eftir hrunið
þingmenn Samfylkingar voru fylgjandi samningnum sem og allir
þingmenn VG nema tveir. Níu þingmenn Sjálfstæðisflokksins
studdu málið; fjórir voru á móti og einn sat hjá. Fimm þingmenn
Framsóknar voru á móti en tveir sátu hjá. Þingmenn Hreyfingar-
innar, þrír að tölu, voru andvígir samningnum.25 Áður hafði tillaga
um þjóðaratkvæðagreiðslu um samninginn verið felld á Alþingi
með 33 atkvæðum þingmanna stjórnarflokkanna gegn 28 atkvæðum
stjórnarandstöðunnar. Tveir þingmenn VG, Ásmundur Einar Daða -
son og Lilja Mósesdóttir, greiddu einnig atkvæði með tillögunni.26
Þar með urðu kaflaskil í Icesave-deilunni. Samninganefnd Ís-
lands hafði náð sameiginlegri niðurstöðu með Bretum og Hollend-
ingum. Samkomulagið var lagt fyrir Alþingi og hlaut þar ítarlega
umfjöllun. Niðurstaða þjóðþingsins var afdráttarlaus: nær ²⁄³ hluti
þingmanna greiddu atkvæði með samkomulaginu en ríflega ¹⁄³ á
móti. Tveir flokkar voru á móti samkomulaginu. Annar þeirra,
Hreyfingin, var minnsti flokkur þingsins en hinn, Framsóknar-
flokkurinn, sá næstminnsti. Einnig hafði tekist að skapa samhljóm
á milli meirihluta þings og þjóðar um lausn Icesave-deilunnar og
væntanlega hægt að snúa sér að öðrum verkefnum endurreisnar-
innar. Þau voru næg og sum hver komin í algjöran hnút.27 Á meðal
þjóðarinnar voru sem fyrr mjög skiptar skoðanir um lausn Icesave-
deilunnar en engu að síður var ljóst að talsverður meirihluti kjósenda
var fylgjandi hinu nýja samkomulagi; um 57% þeirra sem afstöðu
tóku voru fylgjandi því að Alþingi samþykkti samninginn en 43%
voru á móti.28
En Icesave-deilunni var ekki lokið. Eftir samþykkt Alþingis
voru lögin um Icesave lögð fyrir forseta Íslands til staðfestingar eða
synjunar. Þann 20. febrúar boðaði forsetinn til blaðamannafundar
og kynnti þá ákvörðun sína að skrifa ekki undir samninginn. Í þriðja
skírnir
25 www.althingi.is/thingstorf/thingmalin/atkvaedagreidsla/?nnafnak=44028
26 www.althingi.is/thingstorf/thingmalin/atkvaedagreidsla/?nnafnak=44024
27 25. janúar 2011 féll dómur í Hæstarétti sem ógilti kosninguna til stjórnlagaþings
26. nóvember 2010. Fulkomin óvissa ríkti því um störf stjórnlagaþings og fram-
hald á endurskoðun stjórnarskrárinnar.
28 Af heildarúrtakinu voru 47% fylgjandi Icesave-samningnum, 35% á móti en
13% tóku ekki afstöðu („Icesave samningar“ 2011).
Skírnir Haust 2015 NOTA ÞESSA.qxp_Layout 1 19.10.2015 10:51 Page 331