Skírnir - 01.09.2015, Side 44

Ríkisútvarpinu hefði ímugust á sér en aðdáun á Þóru sem hefði
verið upphafin.“ Ólafur Ragnar ásakaði einnig fréttastofu Ríkis-
útvarpsins um að fela Svavari Halldórssyni, fréttamanni og eigin-
manni Þóru, að semja frétt „sem var svona sérhönnuð og klippt frétt
til að sá efasemdum í minn garð, skapa tortryggni út í mitt fram -
boð“ („Forsetinn fordæmir …“ 2012).34
Ólafur Ragnar gerði einnig miklar athugasemdir við málflutning
Þóru Arnórsdóttur og skilgreiningar á hlutverki forseta Íslands.
Þóra héldi t.d. afstöðu sinni „í Evrópusambandsmálum leyndri fyrir
kjósendum“. Ólafur Ragnar sagði einnig alvarlegt að Þóra hefði lýst
því yfir að hún teldi það hlutverk forsetans að fylgja utanríkisstefnu
ríkisstjórnarinnar: „Manneskja, sama hvort hún er ung eða gömul,
sem segir það skyldu forsetans að styðja utanríkisstefnu ríkisins,
hún sýnir afstöðu sem er fagnaðarefni fyrir forsætisráðherra. Ég tel
ekki að þetta sé sú tegund forseta sem þjóðin þarf á að halda núna“
(„Kvótinn tilvalinn …“ 2012). Að mati Ólafs Ragnars bar forseta
Íslands engin skylda til að fylgja stefnu Alþingis og ríkisstjórnar í
utan ríkismálum. Forsetinn hefði sjálfstætt umboð frá þjóðinni;
honum bæri reyndar skylda til standa vörð um fullveldi landsins og
hagsmuni þjóðarinnar — jafnvel í andstöðu og átökum við ríkis-
stjórnina.
Í kosningabaráttunni fjallaði Ólafur Ragnar ekki eingöngu um
utanríkismál og ágreiningsmál sín við ríkisstjórnina. Í rökstuðningi
fyrir seinni Icesave-synjuninni sagðist hann hafa afhent þjóðinni
löggjafarvaldið í því máli og vísaði sérstaklega til þess að 40.000
kjósendur eða um fimmtungur kosningabærra manna hefðu óskað
eftir þjóðaratkvæðagreiðslu um málið. Nú ítrekaði Ólafur Ragnar
þessa túlkun sína á málskotsréttinum. Kvótamálin væru stærsta mál
þjóðarinnar sagði hann og að erfitt væri „að hugsa sér mál sem væri
eðlilegra að setja í þjóðaratkvæðagreiðslu ef tiltekinn hluti þjóðar-
innar krefðist þess …“
344 svanur kristjánsson skírnir
34 Óðinn Jónsson, fréttastjóri Ríkisútvarpsins, vísaði ummælum forsetans á bug:
„Þetta var mjög hlutlaus og yfirveguð frásögn. Ásakanir um að yfirmenn frétta-
stofunnar taki þátt í samsæri einhverra eru ekki svaraverðar“ („Kvótinn tilvalinn
…“ 2012).
Skírnir Haust 2015 NOTA ÞESSA.qxp_Layout 1 19.10.2015 10:51 Page 344