Skírnir - 01.09.2015, Page 66

Qui si doucemant le requiert, 1367
Que par les iauz el cuer le fiert.
Et cist cos a plus grant duree,
Que cos de lance ne d’espee:
(Chrestien de Troyes 1967)2
(Hún [ástin] kom blíðlega til hans / og í gegnum augun réðst að hjarta
hans. / Og áverkar hennar vara lengur / en eftir stungu lensu eða
spjóts.)3
Yvain verður hreinlega eins og fyrir árás í gegnum augun sem veldur
ólæknandi áverkum og miklum þjáningum sem lýst er í smáatriðum
í verkinu. Í Equitan, ljóðsögu Marie de France, verður konungur-
inn Equitan ástfanginn af konu hirðstjóra síns og því næst algjörlega
varnarlaus. Hann getur hvorki sofið né hvílst, þjakaður af hugs-
unum um konuna:
Pur ceste dame que ai veüe 67
M’est un’ anguisse al quor ferue
Que tut le cors me fet trembler.
(Marie de France 1976)4
(Af því að ég hef séð þessa konu / hefur sársauki lostið hjarta mitt /
allur líkami minn skelfur.)5
Einkenni sýkinnar eru sögð birtast í áhyggjum, þráhyggjuhugs-
unum, veikburða líkama, sokknum augum, auknum eða óreglu-
legum púlsi (Constantine 1990: 189), þurrum líkama sjúklingsins
366 brynja þorgeirsdóttir skírnir
2 Tilvitnanir í fornfranskan texta Yvain eftir Chrétien de Troyes eru úr útgáfu Tho-
masar Bertrams Wallace Reid (Chrestien de Troyes 1967). Framvegis er hér vísað
til þessarar gerðar og línunúmer fylgja tilvitnun.
3 Íslenskar þýðingar hins fornfranska texta Yvain eru gerðar af höfundi þessarar
greinar og byggðar á enskri þýðingu Douglas Davids Roy Owen (Chrétien de
Troyes 1993). Einnig er byggt á þýðingu Burtons Raffel (Chrétien de Troyes
1987).
4 Allar tilvitnanir í fornfranskan texta ljóðsagna Marie de France eru úr útgáfu Alf-
reds Ewert (Marie de France 1976). Framvegis er vísað til þessarar gerðar og línu-
númer fylgja tilvitnun.
5 Allar þýðingar á íslensku úr Lais eru gerðar af höfundi þessarar greinar með
stuðningi enskra þýðinga Roberts Hanning og Joan Ferrante (Marie de France
1979) og Glyn S. Burgess og Keith Busby (Marie de France 1999).
Skírnir Haust 2015 NOTA ÞESSA.qxp_Layout 1 19.10.2015 10:51 Page 366