Skírnir - 01.09.2015, Page 74

frásagnarþætti, sem styrkir þá túlkun að lesa megi forsögu Ásgerðar
sem speglun á harmrænni forsögu og uppruna Tristrams — sem
hverfist öll um ástsýki. Þannig myndar táknkerfi ástsýkinnar undir -
stöðu að tilurð Ásgerðar og tilkomu hennar í líf Egils. Um leið
verður frásögnin í Tristrams sögu grunnur að ástarsögu Egils og Ás-
gerðar. Sem fyrr segir er greint frá ástarsögu foreldra Tristrams,
Blensenbilar og riddarans Kanelangres, í köflum 6–15 í Tristrams
sögu ok Ísöndar. Áður var rakið að á því augnabliki er Blensenbil sér
Kanelangres verður hún ástsjúk. Ástin er gagnkvæm en bróðir
hennar hefði snúist gegn samdrættinum ef hann hefði vitað af hon -
um. Kanelangres nemur Blensenbil því á brott og fer með hana í
ríki sitt í Bretlandi. Þar heldur hann brúðkaup og fær hennar „með
lögligum hjúskap ok réttri vígslu“ (Tristrams saga ok Ísöndar 1999:
46). Foreldrarnir falla frá og Tristram elst upp í fóstri hjá óskyldum
sem sinna honum vel og eru góðir við hann. Hér er um ákaflega líkt
frásagnarmynstur að ræða um tilurð svo örlagaríkrar persónu í bók-
menntaverki. Líkindin við Eglu eru hér sett fram í átta liðum:
Líkindi frásagnarþátta í köflum 6–15 í Tristrams sögu ok Ísöndar og 32–35
í Egils sögu:
i Elskendurnir eru alveg ókunnugir hvor öðrum, en hittast fyrst í
stórri veislu. Kanelangres og Blensenbil þegar konungur býr „mikla
veizlu ok virðuliga“ (Tristrams saga ok Ísöndar 1999: 32) en Björn
og Þóra í Fjörðum „að veislu nokkurri fjölmennri“ (Egils saga 1985:
406, 32 k.).
ii Eftir fyrstu sýn verður ekki aftur snúið. Er Blensenbil sér Kane-
langres verður hún hugsjúk: „þvíat skjótt eptir þenna mann sénan
koma til hennar svá margfaldar hugrenningar, hugsóttir ok mikil
óró“ (Tristrams saga ok Ísöndar 1999: 34). Er Björn lítur Þóru
augum leggur hann hug á hana: „Þar sá hann mey fagra þá er honum
fannst mikið um“ (Egils saga 1985: 406, 32 k.), og þverneitar að sjá
af henni þaðan í frá þrátt fyrir mikinn þrýsting bróður hennar og
föður hans.
iii Í báðum tilfellum er um ást í meinum að ræða og bróðir brúðar-
innar leggst gegn ráðahagnum.
iv Brúðguminn nemur brúðina á brott.
v Brúðguminn fer með hana til Bretlandseyja og heldur brúðkaup
þar, í Tristrams sögu „með lögligum hjúskap ok réttri vígslu“ (Trist-
374 brynja þorgeirsdóttir skírnir
Skírnir Haust 2015 NOTA ÞESSA.qxp_Layout 1 19.10.2015 10:51 Page 374