Skírnir - 01.09.2015, Qupperneq 77

377elskhuginn ástsjúki
(Egils saga 1985: 413, 38 k.). Engu knýjandi erindi hefur verið lýst
í sögunni sem Þórólfur þarf að reka í Noregi og við blasir að með
orðum sínum um „nauðsynlegt erindi“ eigi hann við að hann ætli að
fastna sér Ásgerði. Því næst er greint frá því að Þórólfur geri skip sitt
klárt og að þau Ásgerður fari bæði til skips og bíði þar byrjar.
Strax á eftir kemur athyglisvert endurlit í frásögninni, þar sem
greint er frá atburðum sem gerðust áður en Þórólfur kom til baka
til Íslands. Fyrst og fremst eru þarna tvær mikilvægar frásagnir af
Agli. Sú fyrri er af því þegar hann drepur mann í fyrsta sinn sjö
vetra. Móðir hans segir hann víkingsefni og þurfa herskip. Hins-
vegar greinir frá hörðum átökum milli Egils og föður hans sem eiga
sér stað þegar hann er tólf ára. Skalla-Grímur drepur fóstru Egils og
Egill hefnir sín með því að drepa húskarl föður síns. Eftir lýsinguna
á blóðugri viðureign þeirra feðga sem lyktar með því að þeir ræðast
ekki við allan veturinn, heldur þráðurinn áfram frá fyrri stað; skip
Þórólfs liggur tilbúið í Brákarsundi. Egill biður um að fá að fara
með bróður sínum til Noregs en Þórólfur vill ekki heyra það nefnt,
Egill sé vart húsum hæfur og hvað þá í öðrum löndum. Því næst
dregur höfundur Eglu upp öfluga, myrka og drungalega mynd. Um
nóttina geisar mikið óveður, það er niðdimmt og flóð þegar Egill fer
út í myrkrinu og heggur á allar landfestar á skipi Þórólfs. Skipið
rekur út fjörðinn og upp á eyrar. Segir í sögunni að þegar þeir
Þórólfur urðu varir við þetta „hljópu þeir í bátinn en veðrið var
miklu hvassara en þeir fengju nokkuð að gert“ (Egils saga 1985: 416,
40 k.). Hvernig ber að túlka þessa hegðun Egils? Í fyrsta lagi má
velta því fyrir sér hvort gjörningurinn sé hreinlega morðtilraun eða
„bara“ skemmdarverk. Það veltur að nokkru á því hvar Þórólfur og
Ásgerður sofa þessa nótt — í skipinu eða í landi. Vandinn er sá að
sagan er ekki fullkomlega skýr um það. Fyrir endurlitið fengu les-
endur að vita að þau væru bæði komin um borð í skipið og biðu
byrjar. Hinsvegar er eftir endurlitið hvorki minnst á Ásgerði né
hvar Þórólfur er staddur. Auk þess má skilja textann („hljópu þeir
í bátinn en veðrið var miklu hvassara en þeir fengju nokkuð að
gert“) á hvorn veg sem er — að Þórólfur hafi verið um borð í skip-
inu þegar Egill framdi verknaðinn og stokkið í bát til að bjarga sér,
eða verið í landi og stokkið í bát til að bjarga skipinu. Þegar skoðuð
skírnir
Skírnir Haust 2015 NOTA ÞESSA.qxp_Layout 1 19.10.2015 10:51 Page 377