Skírnir - 01.09.2015, Side 108

er stöðugt talað um handritin sem hluti, en síður textana sem þau
geyma; þau eru alþjóðlegur menningararfur, en ekki er minnst á
„orðsins listir“, sem Sigurði Nordal var svo tíðrætt um.
Í áðurnefndri kynningu er spurt hvort viðhorf Íslendinga til
„handritanna“ hafi að einhverju leyti breyst frá því að handrita-
málið stóð sem hæst upp úr miðri 20. öld, og því er ekki neitað en
þó sé það ekki endilega á þann veg að mikilvægi þeirra í menningu
okkar hafi minnkað. Sumir segi að mikilvægi þeirra hafi aukist
vegna þess að þau verða sífellt þekktari erlendis og margir erlendir
ferðamenn skoða handritasýningar og sífellt fleiri erlendir stúdentar
leggja stund á íslensk fræði og handritafræði þar með. Þetta er at-
hyglisvert sjónarmið. Látið er að því liggja að hlutverk Íslendinga
sé að varðveita handritin og búa þau í hendurnar á erlendum ferða -
mönnum og fræðimönnum. Hlutgerving menningararfsins og sam-
runinn við náttúruna birtist meðal annars í einkennismynd sem gerð
var í tilefni af því að Ísland var heiðursgestur bókamessunnar í
Frankfurt árið 2011. Þar er bók sett á mosavaxna hraunbrún og
síðurnar látnar bærast í hálendisgolunni. Önnur mynd sem ég hef
séð í sama dúr sýnir þverskurð af bókum eða blaðabúntum mynda
foss sem flæðir fram í klettagöngum og minnir á Aldeyjarfoss í
Skjálfandafljóti. Og í útvarpsþætti 2. ágúst 2014 lagði Andri Snær
Magnason rithöfundur áherslu á að koma þyrfti upp góðri aðstöðu
til að sýna konungsbók eddukvæða. Menningararfurinn verður
þannig nýtanleg auðlind í ferðamannaiðnaði, hliðstæður jöklum og
eldfjöllum.
Tekið er í svipaðan streng í Fréttablaðinu, 21. mars 2015, bls. 71
um sýningu sem ber yfirskriftina „Landnámssögur — arfur í
orðum“. Þar segir: „Handritin (leturbreyting mín) eru meðal merk-
ustu verka Íslendinga. Þau veita okkur innsýn í líf og hugsanir
Norðurlandabúa og raunar stórs hluta Evrópu, allt frá miðöldum til
nýaldar … Handritin eiga erindi við alla heimsbyggðina og eru
ómetanlegur hluti af menningararfi veraldar … En svo bíðum við
auðvitað spennt eftir því að Hús íslenskra fræða verði að veruleika
svo við getum sýnt þjóðinni allar þær gersemar sem eru í hennar
eigu.“ Tillaga hefur verið samþykkt í ríkisstjórn um að minnast
skuli aldarafmælis sjálfstæðis og fullveldis Íslands meðal annars með
408 kristján árnason skírnir
Skírnir Haust 2015 NOTA ÞESSA.qxp_Layout 1 19.10.2015 10:51 Page 408