Skírnir - 01.09.2015, Page 197

497falskennandi eða einherji sannleikans?
Melsteð, kennari við Prestaskólann (hann varð forstöðumaður skól-
ans ári eftir að gagnrýni hans á Magnús kom út) og bæjarfulltrúi í
Reykjavík. Gagnrýni Sigurðar birtist sem framhaldsgrein í Þjóðólfi
í sex hlutum frá 13. febrúar 1865 til 29. janúar 1866, alls 15 blaðsíður
(Sigurður Melsteð 1864–1865). Greinin er gífurlega neikvæð í garð
Magnúsar og kenningar hans um Jóhannesarguðspjall. Hún er full
af svívirðingum og ljóst er að Sigurði er heitt í hamsi, enda tekur
hann skrifum Magnúsar sem svo að hann sé „að draga það helgasta
og háleit asta niðr í saurinn“ (Sigurður Melsteð 1865: 116). Sigurður
heldur því fram að Jóhannesarguðspjall sé ósvikið og að rök Magn-
úsar fyrir hinu gagnstæða séu ómarktæk. Einnig færir Sigurður rök
fyrir því að önnur guðspjöll Biblíunnar eigi margt sameiginlegt með
Jóhannesarguðspjalli og því verði einu ekki afneitað nema afneita
þeim öllum.
Einnig gagnrýndu kaþólsku prestarnir á Íslandi kenningar
Magnúsar harkalega. Árið 1867 gaf J.-B. Baudoin, einn fyrsti kaþ -
ólski presturinn á Íslandi eftir siðaskipti, út bókina Jesús Kristr er
guð. Þrátt fyrir mótmæli herra Magnúsar Eiríkssonar. Bókin er 146
blaðsíður og inniheldur harða gagnrýni á túlkun Magnúsar á Jó-
hannesarguðspjalli. Hún er þó ekki nærri því eins full af heift og
bölvi og sum af skrifum Íslendinga um Magnús. Auk þess er gagn-
rýni Baudoins mun ítarlegri og efnislegri en sú gagnrýni sem
Magnús hafði áður fengið fyrir túlkun sína á Jóhannesarguðspjalli.
Gagnrýni Baudoins felst einkum í því að sýna fram á „guðdóm“
Jesú Krists með tilvísunum í Biblíuna. Baudoin vitnar einnig til ann-
arra kristinna fornrita sem Magnús nýtir sér til að byggja kenningu
sína á og segir að Magnús snúi út úr þeim. Baudoin bendir á fjöl-
marga ritningarstaði, bæði í gamla og nýja testamentinu (öllum
guðspjöllunum), sem hann segir sýna fram á heilagleika Jesú Krists
og því þurfi Magnús að afneita allri ritningunni ætli hann að afneita
heilagleika Krists.
Árið 1868 gaf Magnús Eiríksson út bókina Nokkrar athuga-
semdir um Sannanir „katólsku prestanna í Reykjavík“ fyrir guð -
dómi Jesú Krists þar sem hann svarar riti Baudoins. Magnús svarar
einnig grein Sigurðar Melsteð neðanmáls í upphafi bókarinnar. Líkt
og í öðrum svörum sínum er Magnús allstóryrtur og hvass í garð
skírnir
Skírnir Haust 2015 NOTA ÞESSA.qxp_Layout 1 19.10.2015 10:51 Page 497