Ljósmæðrablaðið - 01.12.2014, Blaðsíða 29

29Ljósmæðrablaðið - desember 2014
ist af valdaleysi. Engin ljósmóðir starfar í velferðarráðuneytinu
og aðkoma ljósmæðra að stefnumótun um fagsvið sitt er minni
en eðlilegt gæti talist. Hlutur ljósmæðra í stjórnkerfum stofnana
sem þær starfa fyrir hefur einnig farið minnkandi á síðustu árum.
Fyrir sameiningu kvenna- og barnasviðs Landspítala gegndi ljós-
móðir stöðu sviðsstjóra kvennasviðs, en ljósmæður hafa ekki valist
til forystu fyrir nýju, sameinuðu sviði. Staða yfirljósmóður við
Heilsugæslu höfuðborgarsvæðisins hefur verið ósetin í mörg ár án
þess að vera auglýst til umsóknar. Meðan ljósmæður í meðgöngu-
vernd hefur skort málsvara í stjórnunarstöðu hafa verið teknar
veigamiklar ákvarðanir um starfssvið þeirra án þess að tekið væri
tillit til faglegra sjónarmiða ljósmóðurfræðinnar. Á sviði heima-
þjónustu og heimafæðinga hefur samningsréttur við Sjúkra-
tryggingar Íslands verið tekinn af Ljósmæðrafélaginu með lögum.
Með einhliða rammasamningum hefur hinu opinbera tekist að
tryggja sér framúrskarandi þjónustu fyrir greiðslur sem standa ekki
undir grunnlaunum ljósmæðra samkvæmt opinberum kjarasamn-
ingum.
Þegar öllu er á botninn hvolft virðist sá góði árangur sem Ísland
hefur náð varðandi útkomu mæðra og nýbura hvíla meðal annars
á fórnfúsu og illa launuðu vinnuframlagi ljósmæðra sem finna
einhvers staðar hjá sér langlundargeð til að vinna í kerfi sem
brýtur ekki bara á þeim sjálfum, heldur einnig hugmyndafræðinni
sem ætlað er að standa vörð um hagsmuni þeirra sem þær sinna.
Þróunin síðustu misseri hefur sýnt okkur að þetta langlundargeð er
á þrotum. Atgervisflótti í ljósmæðrastéttinni er veruleiki sem ekki
verður litið framhjá.
Og hvað þá? Stefnum við að framtíð þar sem allar fæðingar
landsins eiga sér stað á einni stofnun? Mun meðgönguvernd á
landsbyggðinni verða sinnt af hjúkrunarfræðingum undir hand-
leiðslu heimilislækna? Mun heimaþjónusta í sængurlegu leggjast af
þegar við gefumst upp á að vinna að stórum hluta í sjálfboðavinnu?
Eða verður barneignarþjónustunni í heild sinni útvistað til Noregs?
Ég veit ekki með ykkur, kæru kollegar, en ég neita að leggja árar í
bát. Þótt íslensk barneignarþjónusta sé í augnablikinu eins og þraut-
reyndur skipstjóri í hriplekum dalli með kompásinn heima á nátt-
borði, þá vil ég meina að við höfum alla burði til að snúa fleytunni
við. Menntun okkar og hugmyndafræði, sem snýst um að standa
vörð um hið eðlilega í barneignarferlinu, gerir okkur að lykilstétt í
leitinni að hinum heilaga gral heilbrigðiskerfisins ‒ betri þjónustu
fyrir minna fé. Öflug ljósmæðraþjónusta gerir meira en að viðhalda
skammtímamarkmiðum um lága tíðni mæðradauða og burðarmáls-
dauða. Þegar til lengri tíma er litið getur góð upplifun af vandaðri
ljósmæðraþjónustu bætt heilsu og vellíðan kvenna á mun breiðari
grundvelli.
Spurningin er ekki hvort, heldur hvenær valdhafar átta sig á þeim
hagsmunum sem felast í að ljósmæður beri ekki einungis ábyrgð á
eigin störfum, heldur séu stefnan og völdin einnig í þeirra höndum.
Gleðileg
lukkujól !
Skemmtilegt að skafa!
Þín
Aðdáan
da
Góð tækifærisgjöf, merkimiði á pakka
eða á diskana í jólaboðinu!