Ljósmæðrablaðið - 01.12.2014, Blaðsíða 35

35Ljósmæðrablaðið - desember 2014
fimm ára nám til meistaraprófs og starfsréttinda og 45% leið þrjú,
eða að ljósmæðranámi ljúki með meistaraprófi og hjúkrunarnám/
hjúkrunarleyfi er inntökuskilyrði (sbr. mynd hér á eftir).
Svarmöguleiki Svör % (fjöldi ljósmæðra)
Leið 1 41,1% (46)
Leið 2 13,4% (15)
Leið 3 45,5% (51)
Hægt er að nálgast nánari upplýsingar um könnunina á skrifstofu
Ljósmæðrafélags Íslands.
Seinni dag fundarins var unnið í hópum. Settar voru fram þrjár
spurningar sem hóparnir fjölluðu um.
Lengd ljósmæðranáms.
Niðurstaða fundarins var sú að fimm ára mastersnám í ljósmóðurfræði
til starfsréttinda væri óskaleiðin. Rætt var um að slíkt nám ætti ekki
að vera 3+2 eins og oft er talað um. Rætt var um mikilvægi þess að
ljósmæður sjálfar sæju þennan valkost sem heppilegan og til þess
fallinn að auka enn á virðingu stéttarinnar. Í því sambandi var bent
á að dýralæknar og læknar ljúka víða námi á fimm árum. Bent var
á mikilvægi þess að gæta þess að námið henti starfsumhverfi og
verksviði/verkefnum ljósmæðra í hverju landi.
Starfssvið ljósmæðra (e. scope of practice).
Fundurinn var sammála um og lagði áherslu á að í ljósmæðranámi
verði lögð áhersla á kennslu og þjálfun á þeim sviðum sem
alþjóðasamþykktir (t.d. ICM og WHO) ná til, jafnvel þó ljósmæður
hafi ekki tækifæri til að sinna þessum þáttum í sínu landi. Til dæmis
sinna ljósmæður í Danmörku ekki sængurlegu nema á einstaka stað,
einnig sinna ljósmæður ekki meðgönguvernd í Finnlandi.
Mikið er horft til Svíþjóðar varðandi þennan þátt þar sem
ljósmæður sinna konum á öllu frjósemisskeiði þeirra.
Nokkur umræða skapaðist einnig um íslenska þýðingu á orðinu
,,midwifery“, en það er ekki enn til íslenskt orð yfir það. Rætt var um
hvort nota mætti orðið ljósmæðrun yfir midwifery þar sem orðið mæðrun
virðist vera að ná fótfestu í málinu, sbr. staðgöngumæðrun. Bent var á
í þessu samhengi að hjúkrunarfræðingar tala um hjúkrun (e. nursing).
Sameiginleg menntun/námskrá.
Umræða varð um að hve miklu leyti væri heppilegt að námskrár
landanna væru sameiginlegar. Nemendaskipti milli landa hafa ekki verið
vandkvæðum bundin og það sem helst hindrar eru tungumálaerfiðleikar
og tryggingar sumstaðar eins og í Englandi. Nemendur sem fara í
skiptinám á vegum Erasmus og Nordplus fara með þeim skilyrðum að
gestgjafinn tryggi nemandann.
Niðurstaða fundarins.
Lagt var til að Norðurlandasamtök ljósmæðra (NJF) myndu senda frá
sér yfirlýsingu um hvernig æskilegt skipulag náms væri hvað varðar
þætti eins og innihald og tímalengd. Hvað félögin teldu best til þess
fallið að mennta ljósmæður til þeirra starfa sem þeim er ætlað að sinna.
Yfirlýsingin má gjarnan vera löng og til þess fallin að hægt sé að vinna
frekar með hana í hverju landi fyrir sig.
Ennfremur var ákveðið að stofna vinnuhóp aðila sem hefðu sterka
tengingu við stjórn félagsins og menntun ljósmæðra. Vinna hópsins mun
fara fram á fjarfundum og gegnum tölvusamskipti. Þessi hópur á skoða
spurningar þær sem hóparnir unnu með og skila skýrslu til stjórnar NJF
um miðjan febrúar 2015. Skýrslan mun svo verða til umfjöllunar á næsta
stjórnarfundi NJF.
Í þessum vinnuhópi sitja Kit Dynnes Hansen frá Danmörku, formaður
hópsins, Kari Bjerck frá Noregi, Marianne Johansson frá Svíþjóð,
Annika Hoydal frá Færeyjum, Eva Matintupa frá Finnlandi og Helga
Gottfreðsdóttir frá Íslandi.
Hildur Kristjánsdóttir
Áslaug Valsdóttir
Mynd 1. Yfi rlit yfi r ljósmæðranám á Norðurlöndum.