Morgunblaðið - 28.02.2019, Blaðsíða 80

ILVA Korputorgi, s: 522 4500 - www.ILVA.is
laugardaga og sunnudaga 12-18
mánudaga - föstudaga 11-18:30
mikið úrval
af fallegum
sængurverum
MEMO rúmföt
9.995
140x220/60x63 cm
Tríó gítarleikarans Gunnars Hilm-
arssonar kemur fram á tónleikum
djassklúbbsins Múlans á Björtu-
loftum í Hörpu annað kvöld kl. 21.
Tríóið flytur djasstónlist sem sækir
innblástur í tónlist gítarleikarans
Djangos Reinhardt. Auk Gunnars
skipa tríóið Jóhann Guðmundsson
gítarleikari og bassaleikarinn Leif-
ur Gunnarsson.
Sækja innblástur í
Django Reinhardt
FIMMTUDAGUR 28. FEBRÚAR 59. DAGUR ÁRSINS 2019
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 641 kr.
Áskrift 6.960 kr. Helgaráskrift 4.346 kr.
PDF á mbl.is 6.173 kr. iPad-áskrift 6.173 kr.
Alþjóða frjálsíþróttasambandið hef-
ur tekið í gagnið nýja tegund heims-
lista í hverri grein frjálsíþrótta.
Áætlað er að listarnir ráði þátttöku
á stórmótum frá og með næsta ári.
Árangur á Meistaramóti Íslands
hefur talsvert vægi á listunum en
Íslendingar þurfa þó jafnframt enn
frekar en áður að sækja mót erlend-
is til að safna stigum. »1
Nýir heimslistar ráða
miklu í frjálsum
ÍÞRÓTTIR FÓLK Í FRÉTTUM
Kvikmyndaleikstjórarnir Ísold
Uggadóttir, Guðný Halldórsdóttir,
Ása Helga Hjörleifsdóttir, Elsa
María Jakobsdóttir og Valdís Ósk-
arsdóttir sækja kvikmyndahátíðina
Nordatlantiske Filmdage í Kaup-
mannahöfn sem hefst 1. mars. Kon-
ur í kvikmyndagerð verða í brenni-
depli á hátíðinni sem haldin verður
í Nordatlantens Brygge. Ísold sýnir
kvikmynd sína Andið eðlilega við
opnun hátíðarinnar, en einnig verða
sýndar Ungfrúin
góða og húsið
eftir Guðnýju,
Svanurinn eftir
Ásu, stutt-
myndin Atelier
eftir Elsu og
Sveitabrúð-
kaup eftir
Valdísi.
Konur í brennidepli
Guðrún Erlingsdóttir
ge@mbl.is
„Áður en flogin byrjuðu var ég sport-
týpan sem vildi ekki taka verkjalyf.
Sjúkdómshrædd en dreymdi samt
um að læra hjúkrun,“ segir Jónína
Margrét Bergmann sem berst við ill-
víga flogaveiki með sex mismunandi
tegundum af flogum. Flogin hafa
mismunandi afleiðingar og standa yf-
ir frá nokkrum mínútum til 36
klukkustunda. Þegar flogunum lýkur
getur Jónína ekki tjáð sig. Hún heyr-
ir og skynjar það sem fram fer, en
það tekur 10 til 15 mínútur að ná
hæfninni til að tjá sig á ný. Eftir sum
flogin er Jónína með harðsperrur í
nokkra daga.
„Ég á erfitt með að líta á flogaveik-
ina sem sjúkdóm og mér gengur illa
að sætta mig við lyfjatöku og auka-
verkanir af henni. En lyfin verð ég að
taka til þess að halda niðri flogaveik-
inni,“ segir Jónína sem nýtur núna
lífsins í lengsta sjúkdómshléi sem
hún hefur fengið – það er eitt og hálft
ár og 14 dagar.
„Ég horfi á þetta meira sem verk-
efni heldur en sjúkdóm. Ég hef lært
að meta litlu hlutina, sem eru svo
mikilvægir, á annan hátt og af
reynslunni lært að ganga ekki að
neinu sem gefnu,“ segir Jónína sem
aldrei hefur upplifað reiði en komst
að því hverjir hennar raunverulegu
vinir eru og hvað hún á sterka og
góða fjölskyldu og eiginmann, Jón
Inga Einarsson.
Lífið blasti við ungum og ástföngn-
um foreldrum sem mættu á fæðing-
ardeild Landspítalans 20. febrúar
2005, spennt að verða foreldrar í
fyrsta sinn. Jónína segir að með-
gangan hafi gengið vel en fæðingin
reynst erfið og hún hafi þegið mænu-
deyfingu. Jónína segir mistök hafa
átt sér stað við mænudeyfinguna.
Hún telur að það gæti verið orsökin
fyrir flogunum en læknar hafi ekki
viðurkennt það. Það eina sem komið
hafi út úr erfiðum rannsóknum hér á
landi og erlendis sé glúkósaþurrð á
litlum bletti í vinstri hluta heila. Á
röntgenmyndum hjá kírópraktor
hafi hins vegar sést bunga við mæn-
una og mar á baki í þrjú ár á eftir og
enn séu eymsli til staðar.
„20. febrúar kom í heiminn falleg
stúlka, Embla Karen. Þar sem fæð-
ingin var erfið þá fengum við að vera
í sólarhring á fæðingardeildinni. Mér
gekk erfiðlega að hafa Emblu á
brjósti og hún grét mikið. Tveimur
sólarhringum eftir heimkomu rank-
aði ég við mér á gólfinu að loknu
fyrsta flogakastinu. Ég fæ svo annað
flog og þegar ég vakna úr því stendur
Jón Ingi hræddur og ráðvilltur með
barnið okkar í fanginu en minnið mitt
var farið og ég vissi ekki að ég væri
búin að fæða barnið, “ segir Jónína
sem fyrir fjórum árum fékk floga-
kast á gangstétt og bæði gangandi og
akandi fóru hjá án þess að veita
henni eða ungri dóttur hennar hjálp.
Morgunblaðið/Árni Sæberg
Fyrirmynd Jónína Margrét Bergmann lætur ekki illvíga flogaveiki stöðva sig. Hún nýtir sjúkdómshlé til þess að
sinna fjölskyldu og áhugamálum. Jónína syngur, semur lög og ljóð, dansar og er nú á leiklistarnámskeiði.
Byrjar á því að klæða sig
í brosið á hverjum morgni
 Barist við flogaveiki í 14 ár  Lengsta flogakastið 36 klst.
MEkki óttast fólk í flogi ... »26