Heimsmynd - 15.01.1990, Side 67

ODD STEFÁN
VINNUÞJAnURmN
Guðrún Lárusdóttir er framkvæmdastjóri og einn af aðal-
eigendum Stálskipa h/f í Hafnarfirði. Rekur útgerðina
og hefur af ótrúlegum dugnaði drifið fyrirtækið áfram. Hún
svarar sjálf í símann á skrifstofu Stálskipa og er að eigin sögn
„eins og útspýtt hundskinn“ þegar togararnir eru að koma að
eða leggja frá. Hún hefur ekki tekið sér frí í tvö ár. Leggur
mikið upp úr því að setja sig ekki á háan hest gagnvart undir-
sátum. vinna með fólki á jafnréttisgrundvelli og að hrein-
skiptni og heiðarleiki ríki í samskiptum við fólk bæði í sam-
starfi og viðskiptum. Hún hefur engan tíma fyrir líkamsrækt,
segist enda fá nóga þjálfun á líkamann í húsmóðurstarfinu.
Gott heimilislíf, reglusemi, bindindi á vín og tóbak, sparsemi
og útsjónarsemi eru að hennar mati lyklarnir að þeirri vellíðan
og sálarró sem nauðsynleg er til að ná árangri. „Það verður að
ganga að því með opin augun sem verið er að gera. Þetta er
mikil vinna og ég er svo heppin að eiga uppörvandi og sam-
henta fjölskyldu sem hjálpast að til að hlutirnir gangi upp.“
• Rækt við heimilislífið
• Heilbrigt líferni
• Engar reykingar
• Ekkert áfengi
• Sparsemi
• Útsjónarsemi
• Hreinskiptni
uðrún Lárusdóttir framkvœmdastjóri
HEIMSMYND 67