Heimsmynd - 15.01.1990, Page 84

1990
Jóhanna Kristjónsdóttir.
EF
Jóhanna Kristjónsdóttir, rithöfundur og blaðamaður, hefði
ekki fœðst þann 14. febrúar 1940 í Reykjavík, hvar og hve-
nær hefði hún þá viljað fæðast?
„Annaðhvort í eyðimörkum Arabíuskagans fyrir þrjú til
fjögur hundruð árum eða á Irlandi á víkingaöld.“
Inn í hvernig aðstœður?
„Það liggur í svari fyrri spurningarinnar, en rétt er að taka
fram að í báðum tilfellum hefði ég viljað vera karlmaður."
Hvaða persóna í sögunni hefðir þú viljað vera?
„Lína langsokkur eða Hallgerður langbrók.“
Hvaða tímabil sögunnar heillar þig mest?
„Landnámsöld á Islandi."
Hverjum vildir þú helst líkjast í útliti?
„Ég hef nú ekki haft áhyggjur af því frá tólf ára aldri, en
fram að þeim tíma var það Ingrid Bergman.“
Hvernig húsgögn viltu hafa í kringum þig?
„Ég nota aðallega gömul, praktísk húsgögn sem smám sam-
an hafa fengið í sig sál. Ég vil hafa lítil falleg teppi á gólfum,
grafíkmyndir á veggjum, ekki mikið af styttum og nóg af
bókaskápum fullum af bókum sem eru lesnar.“
Hvaða karlmaður í sögunni heillar þig mest?
„Það er svo mikið úrval að ég verð að fá að velja tvo: Illuga
á Bjargi og Hrafn Sveinbjarnarson á Eyri.“
Hvernig slapparðu af?
„Ég hlusta ekki á tónlist þegar ég vil slappa af, heldur hef
algjöra þögn og les ferðabækur eða glæpasögur. Gönguferðir
eru líka ágætar og svo slappa ég mjög vel af í leikhúsi, ef ég
þarf ekki að skrifa um sýninguna."
TIMAMOT
Fyrsta skeið rússnesku
byltingarinnar, þegar
bráðabirgðastjórn tók við af
keisaranum, átti sér stað dag-
ana 24. til 28. febrúar árið
1917. Bolsévikar veltu þessari
ríkisstjórn síðan úr sessi í
nóvember sama ár.
Þann 23. febrúar 1744
fæddist Mayer Amschel
Rothschild, höfuð frægustu
fjármálaættar Evrópu, í
Frankfurt am Main. Honum
var ætlað það hlutskipti að
verða rabbíi en hóf störf í
banka við skyndilegt lát for-
eldra sinna. Hann vann sig
upp í að verða hirðfaktor
Vilhjálms IX, landgreifa af
Hesse-Kassel og lagði grunn-
inn að ættarveldi sínu með
því að vera í viðskiptum við
háaðalinn auk þess sem hann
eignaðist nægilega marga
syni til að sinna viðskipta-
samböndum fjölskyldunnar
víða um lönd. Mayer og synir
hans högnuðust á Napóleon-
stríðunum 1792 til 1815. Þeir
Fjármálasnillingurinn.
HEILSAN
s
Asíðasta ári jókst mjög innflutningur hingað á rauðu eðal
ginseng frá Kóreu sem ríkiseinkasala lýðveldisins flytur
út. Innihald þessa eðal ginsengs er að öllu leyti mulið úr rót-
um besta gæðaflokks. Fessi lækningajurt er notuð gegn
streitu, þreytu, afkastarýrnun, einbeitingarskorti og öldrun.
Fjölmargar rannsóknir á dýrum og mönnum eiga að hafa sýnt
fram á að rautt ginseng frá Kóreu jafnar blóðþrýsting og lækk-
ar kólesteról. Hið kóreaska rauða ginseng inniheldur einungis
náttúruleg efni, hefur engar þekktar aukaverkanir og áhrif
þess dofna ekki með tímanum. Pakki með 50 hylkjum kostar
rúmlega þúsund krónur út úr búð. En mælt er með að fólk
taki inn 2 til 3 hylki daglega. Fyrir þá sem óttast timburmenn
vegna mikils samkvæmislífs á útmánuðum er bent á ginseng
sem innflytjandinn fullyrðir að eyði slíkri óáran þar sem rauða
ginsengið flýtir fyrir úthreinsun eiturefna úr líkamanum.
84 HEIMSMYND