Heimsmynd - 01.03.1990, Síða 12

DULSPEKIOG
NÝJA ÖLDIN
Öld vatnsberans er gengin í garð, öldin sem hipp-
arnir sungu um á sínum tíma. Nýja öldin er tíma-
skeið almennrar vitundarvakningar. Pað er ekki
hægt að negla upphaf hennar við dagatal, áramót
eða aldamót en víða má sjá teikn á lofti. Nýja öldin
leiðir til nýs skilnings á manneskjunni sem andlegri
veru fremur en efnislegri. Og hún leiðir líka til nýs
skilnings á náttúrunni sem maðurinn er við það að
tortíma.
Albert Einstein sagði eitt sinn að þegar orkan hafi
verið leyst úr læðingi frumeindarinnar hafi allt
breyst, nema hugsunarháttur fólks, því stefndi í tor-
tímingu nema grundvallarbreytingar yrðu á þessum
hugsunarhætti.
Ymsir sögulegir vendipunktar benda til þess að
heimurinn sé að ganga í gegnum breytingaskeið.
Gömul kerfi harðstjórnar hrynja, leiðtogar leggja
áherslu á umhverfismál vitandi það að gatið á óson-
lagi jarðar ógnar lífríkinu öllu . . .
Afleiðing kjarnorkualdarinnar þar sem tækni og
vísindi hafa verið sett á oddinn hafa skilið einstakl-
inginn eftir í andlegu tómarúmi. Sumir tala um skip-
brot viðmiða reynsluvísindanna. Fólk er í leit að til-
gangi; hvort sem svörin eru sótt í dulspeki, austræn
trúarbrögð eða til fyrri jarðvista í gegnum endur-
holdgunarkenningar.
Það fólk sem HEIMSMYND ræðir við hér á
næstu síðum er ekki endilega táknrænir fulltrúar
nýaldarinnar en þau eru hvert með sínu móti að
leita svaranna í dulspeki. Þau segjast öll hafa kær-
leikann að leiðarljósi. Þau segjast leita Guðs bak við
allt og í öllu. Fyrst og fremst eru þau fulltrúar þess
gríðarlega áhuga sem gripið hefur um sig á dulspeki,
stjörnuspeki, hugleiðslu, endurholdgunarkenning-
um, lækningum með hugarorku og náttúruverndar-
sjónarmiðum.
Sagt er að hinir lærðu og langskólagengnu séu yf-
irleitt fastastir í gömlum kerfum og síðastir til að
ryðja nýjum straumum farveg. Af þeim sökum
blómstri alls konar kukl þegar tímaskeið eins og
þetta er að ganga í garð af því menntamennirnir
hjálpi ekki nægilega til við breytingarnar.
Fólk virðist almennt þeirrar skoðunar, og kirkju-
sókn sýnir það, að kirkjan hafi brugðist hlutverki
sínu. Margir spyrja þess af hverju prestarnir séu
ekki meira á meðal okkar og af hverju kirkjudyr séu
harðlæstar nema þegar guðsþjónustur standa yfir.
I þeirri vitundarvakningu sem nú á sér stað er fólk
ekki endilega að hlaupa á náðir þess sem almennt er
talið framandi og yfirskilvitlegt. Æ fleiri eru farnir
að spá í grundvallaratriði kristinnar trúar, nefnilega
kærleikann.
Þær leiðir sem það fólk hefur valið sem HEIMS-
MYND ræðir hér við eru þeirra eigin leiðir - til að
leita að sjálfu sér og kærleikanum . . .
12 HEIMSMYND