Heimsmynd - 01.11.1990, Page 56

AÐ KRÆKJA I KARLMANN
Já, þeir liggja ekkert á lausu ef konan er komin yfir þrítugt,
fertugt eða fimmtugt. Eftir það fer hins vegar aftur að birta til
og þá er auðveldast að fylgjast með síðum 20 og aftur úr í
Mogganum. Þú veist hvað ég meina.
Einhvern tíma var stofnað félag makalausra í Reykjavík.
Síðan fóru allir í Kjallarann og á Hótel ísland ef þeir voru
ekki gengnir í hnapphelduna þá þegar.
Ógiftar eða fráskildar, vandinn er sá sami: Hvar finnur
maður hann? Og hvernig skal bera sig að?
Svörin er að finna í 'sígildum kvennablöðum og má sjóða
saman hér í nokkrum punktum ráðleggingar um hvernig eigi
að bera sig að og hvað skuli forðast:
GÓÐ RÁÐ
• Láttu alla vita af því að þú sért á hött-
unum eftir manni.
• Notaðu hvert tækifæri til að komast út
á meðal fólks (já, líka jarðarfarir).
• Bryddaðu upp á samræðum við Pétur
og Pál út í sjoppu, í biðröðum, við
kassann og kjötborðið í Hagkaup svo
ekki sé nú talað um samkvæmi.
Fylgstu vel með stjórnmálum, kvik-
myndum og dægurmálum.
• Horfðu f kringum þig ef þú ert að
bíða eftir rútunni á Umferðarmiðstöð-
inni, eða vélinni út á Leifsstöð eða í
hvaða biðstöðu sem þú ert. Vertu
bara ein augu. Hann gæti staðið hin-
um megin við borðið í efnalauginni.
• Vertu ánægð með þig þótt þú sért
ekki ungfrú ísland. Mundu það að
þær laglegu njóta meiri athygli í fyrstu
en karlmenn eru nú einu sinni þannig
að þeir þurfa aðdáun og hana fá þeir
oft frekar hjá konum sem eiga allt
undir að ná í þá.
• Vertu jákvæð. Auðvitað er niður-
drepandi að fara út helgi eftir helgi án
þess að hitta þann rétta. Taktu pásu
og haltu síðan áfram leitinni að mark-
miðinu.
• Vertu félagslynd. Notaðu hvert tæki-
færi sem gefst til að fara á helgarnám-
skeið, kvöldskóla, líkamsrækt eða
taka þátt í stjórnmálabaráttu. Nú eru
kosningar á næsta leiti og þá er bara
að ákveða hvort vinstri týpur eða
hægri höfða frekar til þín.
• Hafðu húmor fyrir þessu öllu saman -
líka þessum leiðbeiningum. Fátt
stenst góðu skopskyni snúning og
allra síst riddarinn á hvíta hestinum.
ÓRÁÐ
• Ekki sitja á rassinum og bíða eftir því
að hann nálgist þig. Stattu upp og tal-
aðu við hann. Segðu eitthvað sætt eða
gerðu einhverja athugasemd sem er
viðeigandi á staðnum.
• Ekki hefja samræður á neikvæðri at-
hugasemd. „Ógeðslega er sjúskað hér
inni.“
• Ekki láta hann halda að þig langi til
að hefja sambúð. Vertu bara vingjarn-
leg og blátt áfram en ekki eins og þú
sért að búa þig undir bónorðið.
• Ekki hoppa upp í rúm með manni sem
þú ert að hitta í fyrsta sinn. Undir
þetta tæki Landlæknisembættið heils-
hugar. Hinkraðu við, skoðaðu hug
þinn og hans.
• Ekki hanga í hópi með öðrum konum.
Annaðhvort drífurðu þig ein eða
mannar þig upp í að vera sjálfstæð.
Það þorir enginn lifandi karlmaður að
nálgast konu sem er inni í miðjum
kvennaf ansi.
• Ekki rugla saman augljóslegum kyn-
ferðislegum áhuga karlmanns á þér og
raunverulegri væntumþykju.
• Ekki breyta þér til að þóknast karl-
manni. Ef hann hefur ekki áhuga á
þér eins og þú ert (ef þú ert góð
manneskja) hefur hann ekki áhuga á
þér einhvern veginn öðruvísi.
• Ekki iáta leiðinlega karlmenn draga
úr þér kjarkinn. Flestar konur lenda í
einhverri reynslu sem þær hefðu betur
viljað vera án. En það eru fleiri fiskar
í sjónum.
56 HEIMSMYND