Litli Bergþór - dec 2018, Qupperneq 3

Litli-Bergþór 3
Formannspistill
Ágætu félagar!
Ég vil byrja á að óska ykkur og fjölskyldum ykkar gleðilegra jóla og
farsældar á nýju ári.
Nú er ritnefnd að ljúka við síðara blað Litla Bergþórs á þessu ári.
Ekki er við öðru að búast en að þetta blað verði stútfullt eins og verið
hefur undanfarin ár.
Í vor bauð íþróttadeild til sölu nýjar buxur og peysur merktar
ungmennafélaginu og á sama tíma gaf aðaldeild félagsins öllum
grunnskólabörnum, sem vildu, stuttbuxur og treyjur merktar
ungmennafélaginu. Virkilega gaman að sjá krakkana í réttu litunum.
Núna í haust hefur íþróttadeild boðið upp á körfubolta, fótbolta, glímu og bland og fjör.
Síðasta sumar hélt samstarf Ungmennafélaga Biskupstungna, Laugdæla og Hrunamanna áfram í fótbolta. Á
sama tíma var gerð tilraun með rútuferðir á milli Reykholts og Laugarvatns. Vonandi að samstarf sem þetta
verði enn meira á komandi árum.
Ungmennafélagið ákvað á síðasta aðalfundi að styrkja kaup og uppsetningu á hurð á milli litla og stóra salar
í Aratungu, en sú sem fyrir var er úr sér gengin. Er jafnvel mögulegt að nýja hurðin verði komin upp fyrir
áramót.
Með bestu kveðjum,
Oddur Bjarni Bjarnason,
formaður Ungmennafélags Biskupstungna.
Gleðileg jól og farsælt komandi ár