Ársrit um starfsendurhæfingu - 2016, Blaðsíða 24

TILGANGUR MATS Á ÓLÍKUM TÍMA
Í STARFSENDURHÆFINGARFERLI
VIRK
Í STARFSENDURHÆFINGARFERLI HJÁ VIRK ER
LÖGÐ ÁHERSLA Á AÐ HORFT SÉ ÞVERFAGLEGA
Á MÁL EINSTAKLINGA OG ER ÞAÐ GERT MEÐ
AÐ TRYGGJA ÞVERFAGLEGA AÐKOMU ALLT
STARFSENDURHÆFINGARTÍMABILIÐ.
MARGRÉT HELGA THEODÓRSDÓTTIR sérfræðingur hjá VIRK
Raunhæfi starfsendurhæfingar
A
llar beiðnir sem berast til VIRK vegna óskar um þjónustu eru lesnar yfir af sérfræðingum
VIRK og afgreiddar áfram til ráðgjafa ef starfsendurhæfing er talin raunhæf. Þær
beiðnir sem eru óljósar eru teknar fyrir á beiðnafundi með lækni VIRK og öðrum
sérfræðingum og getur beiðnateymið vísað í „mat á raunhæfi“. Markmiðið með mati
á raunhæfi er að meta hvort raunhæft sé að hefja starfsendurhæfingu út frá heilsufari og færni
einstaklings. Eftir viðtal og skoðun hjá lækni er tekin afstaða til hvort starfsendurhæfing komi
til með að auka starfsgetu einstaklings. Í sumum tilfellum eru viðtöl hjá öðrum fagstéttum s.s.
sjúkraþjálfara, sálfræðingi, iðjuþjálfa eða félagsráðgjafa allt eftir þörfum hvers og eins.
Ef starfsendurhæfing er talin raunhæf eru settar fram tillögur að næstu skrefum og einstaklingi
boðið að hitta ráðgjafa sem mun halda utan um starfsendurhæfingarferilinn á meðan á þjónustu
stendur. Ef starfsendurhæfing er ekki talin raunhæfur kostur að svo stöddu er einstaklingi vísað
í önnur úrræði innan velferðarkerfisins.
Á árinu 2015 fóru 723 einstaklingar í mat á raunhæfi eða að meðaltali 60 á mánuði sem er
meira en helmings aukning á framkvæmdum raunhæfimötum milli áranna 2014 og 2015 eins
og sjá má á mynd 1.
24 virk.is