Tímarit hjúkrunarfræðinga - 2018, Side 50

christer magnusson
50 tímarit hjúkrunarfræðinga • 2. tbl. 94. árg. 2018
vegna þess að Þorbjörg hefði sinnt henni svo vel í Barnaskól-
anum. Þegar hún hjálpaði mömmu sinni við heimilisstörfin
virtist slík handavinna mikilvægari en að lesa yfir skjöl í vinn-
unni. Í kirkju um jólin fannst henni presturinn tala beint til sín
og spyrja hvort starfið hennar væri þess virði og rétta leiðin
fyrir hana til þess að leggja samfélaginu lið. Í huga þessarar
heimakæru og feimnu stúlku var nú að brjótast um ákvörðun
sem myndi kosta hana viðskilnað við fjölskylduna og ómælda
þjáningu en löngunin til þess að gera góðverk óx að því er virt-
ist með hverjum degi. Og allt í einu opnaðist gluggi. Dýrleif
systir hennar hafði verið við háskólanám í kaupmannahöfn
haustið 1918 en gefist upp á því og var við lok ársins komin
aftur heim til Íslands. hún tók nú við heimaverkunum, sem
Þorbjörg hafði sinnt, og gerði þannig Þorbjörgu kleift að fara
utan í hjúkrunarnám.
Í febrúarbyrjun 1919 sigldi Þorbjörg frá reykjavík til kaup-
mannahafnar, líklega með Botníu. Skipið lagðist við islands
Brygge á afmælisdegi hennar 8. febrúar. Það er áhugaverð teng-
ing að Botnía hafði nokkrum mánuðum áður svo að segja inn-
siglað framtíð Þorbjargar þegar skipið bar spænsku veikina til
Íslands. Skipið hafði borið heiminn heim en nú bar það Þor-
björgu út í heiminn.
Christer Magnusson er hjúkrunarfræðingur og fyrrverandi rit-
stjóri Tímarits hjúkrunarfræðinga. hann vinnur nú að ævisögu
Þorbjargar Árnadóttur. grein þessi er unnin upp úr handritinu.
Heimildir
Christophine Bjarnhéðinsson (1919). hjálparstöð fyrir berklaveika. Dagsbrún,
4. tbl., bls. 11–12.
Lárus h. Bjarnason (1919). hjúkrunarnefnd. Morgunblaðið, 13. janúar, bls.
2.
Valtýr Stefánsson (1959). Menn og minningar. reykjavík: Bókfellsútgáfan.
Viggó Ásgeirsson (2008). „Engill dauðans“: Spænska veikin á Íslandi 1918-
1919. Saga, 46 (1), bls. 76–114 [sérstaklega bls. 91–110].
Í kirkju um jólin fannst henni presturinn tala
beint til sín og spyrja hvort starfið hennar væri
þess virði og rétta leiðin fyrir hana til þess að
leggja samfélaginu lið.
Börn og hjúkrunarfólk í spænsku veikinni í Reykjavík. Myndin er tekin í Barnaskólanum sem var breytt í bráðabirgðasjúkrahús. Sjúkraflutningar
hófust í Barnaskólann 11. nóvember 1918. Ljósmyndari ókunnur. Myndin er fengin frá Ljósmyndasafni Reykjavíkur.