Bændablaðið - 22.09.2016, Blaðsíða 14

14 Bændablaðið | Fimmtudagur 22. september 2016
Fréttir
Spunasystur stefna á að setja
Íslandsmet í spuna sunnudaginn
9. október frá kl. 14.00 til 15.00 í
Brúarlundi. Á sama tíma fer fram
sýning á ullarvinnslu, spuna og
ullarvörum undir heitinu „Frá fé
til flíkur“.
Já, við bjóðum öllu spunafólki á
öllum aldri að koma til okkar með
rokk eða snældu og spinna með
okkur. Það verður frítt inn og kaffi og
kökur verður selt á sanngjörnu verði,“
segir Elísabet Steinunn Jóhannsdóttir,
ein Spunasystra.
Tvisvar í mánuði
„Við erum hópur kvenna í
Rangárvallasýslu og nágrenni sem
hittumst hálfsmánaðarlega yfir vetur-
inn og spinnum. Við vorum nokkrar
vinkonur sem byrjuðum að hittast
heima hjá hver annarri fyrir nokkrum
árum. Þetta hefur undið upp á sig
síðan þá og nú erum við u.þ.b. 12
–14 sem erum að mæta og hittumst
við reglulega tvisvar sinnum í mánuði
allan veturinn.
Við hittumst í gömlu félagsheim-
ili, Brúarlundi í Landsveit. Þetta er
mjög óformlegt hjá okkur og þær
mæta sem geta og oftast er „fundar-
fært“ hjá okkur eftir að við fórum að
vera svona margar,“ segir Elísabet.
Hún segir að hver og ein kona mæti
með sinn rokk, kembivél eða bara
prjóna.
„Við eigum flestar kindur og því
erum við mikið að vinna okkar eigin
ull. Það gefur spunanum annan blæ
þegar maður er að vinna með eigin ull
því maður veit nákvæmlega hvaðan
hráefnið er og hvaða er verið með í
höndunum,“ segir Elísabet.
Duglegar að sækja námskeið
Spunasystur hafa verið mjög dug-
legar að sækja fjölbreytt námskeið
og fá til sín kennara. Þær sóttu t.d.
námskeið til Guðrúnar Bjarnadóttur
í Hespu þegar þær voru að byrja að
spinna og lita.
Á síðasta ári fengu þær til sín mjög
þekktan kennara frá Bandaríkjunum,
Jacey Boggs Faulkner, en hún hefur
gefið út bækur og kennslumynd-
bönd um spuna og hún gefur m.a. út
tímaritið Ply. Hún kenndi hópnum
óhefðbundinn spuna. Þá kenndi Heidi
Greb hópnum í febrúar síðastliðnum
en hún er mjög þekkt þýskt listakona
og kenndi þæfingu. Í vor kom síðan
Laura Spinner en hún kenndi hópnum
að lita með sýrulitum í örbylgjuofni.
Laura Spinner er frá Bandaríkjunum
og heldur fjölmörg námskeið árlega.
Spunahittingurinn er heilagur
Elísabet segir að spunahittingur sé
hópnum heilagur. „Já, við njótum
þess virkilega að koma saman, vinna,
spjalla, sjá hvað hinar eru að gera,
drekka kaffi og borða. Það er kannski
það sem er mikilvægast. Við erum
óhræddar að sýna verk okkar og fá
álit eða gagnrýni frá hinum. Það er
nauðsynlegt þegar verið er að læra
eitthvað nýtt að fá hvatningu og leið-
beiningu á jákvæðum nótum. Við
erum óhræddar að prófa hinar ýmsu
gerðir af rokkum, s.s. majacraft, louet,
kromski o.fl. og þá dettur okkur alls
ekki í hug að selja þann gamla. Ég
hef stundum sagt að það væri hægt að
segja til um hver spann hvaða hespu
út frá karaktereinkennum okkar. Við
erum ólíkar og leyfum okkur að vera
það og tel ég það vera jafnframt styrk
okkar,“ segir spunakonan Elísabet
Steinunn Jóhannsdóttir. /MHH
Spunasystur stefna á Íslandsmet
í fjöldaspuna 9. október
– Landsmönnum boðið að taka þátt í metinu
Elísabet Steinunn Jóhannsdóttir, ein af spunasystrunum, sem segir fátt skemmtilegra en að vinna með hópnum.
Myndir / Magnús Hlynur Hreiðarsson.
Sunnudaginn 9. október í haust stefna spunasystur á að setja Íslandsmet í
spuna með aðstoð áhugasamra spunameistara.
Lorya Björk sótti skemmtilegt
námskeið hjá Lauru Spinner en
hún kenndi hópnum að lita með
sýrulitum í örbylgjuofni.
Laura Spinner, einn af leiðbein-
endunum sem spunasystur hafa
fengið til sín.
Kaja organic opnar útibú
á Óðinstorgi
Á Akranesi er starfandi fyrirtæk-
ið Kaja organic sem flytur inn
lífrænt vottaða hrávöru, pakkar
og selur; meðal annars til smá-
söluverslana, mötuneyta grunn-
og leikskóla og matvælafram-
leiðenda. Auk þess er verslun á
Akranesi rekin með vörum fyrir-
tækisins, en einnig eru þar vörur
frá grænmetis- og kúabændum
sem stunda lífrænan landbúnað.
Þann 13. september síðastliðinn
var opnað útibú í Þingholtunum
í Reykjavík, nánar tiltekið í
kjallara við Óðinstorg þar sem
Frú Lauga var áður með útibú
sitt.
Karen Jónsdóttir á og rekur fyrir-
tækið, sem var stofnað fyrir rúmum
þremur árum. Hún segist vera í góðu
sambandi við nokkra góða bændur í
lífrænum búskap – grænmetisbænd-
urna Hlíðarenda og Móður Jörð til
dæmis – og eigi von á vörum frá
þeim á fyrstu opnunardögunum.
„Ég á reyndar eftir að fá vottun á
búðina en það verður farið í það í
næstu viku. Við leggjum áherslu
á að það sem við verðum með sé
lífrænt vottað, líka það sem selt er
í lausu eins og þurrvara, ávextir og
grænmeti, frystivara og kælivara.
Vöruúrvalið verður með svipuðu
sniði og í Matarbúri Kaju en öllu
meira verður þó selt í lausu.
Lífrænt vottað útibú frá Akranesi
Karen segir að það sé alveg óhætt að
kalla þetta lífræna útrás frá Akranesi,
enda kallast verslunin við Óðinstorg
Matarbúr Kaju útibú. „Við erum með
allt lífrænt vottað og verðum með
gott vöruúrval – í raun meira eins og
lítil heilsteypt kjörbúð með nánast allt
nema fisk. Meira að segja verður líf-
rænt vottað kjöt í frysti. Síðan stendur
til að selja lífrænar hrákökur sem við
framleiðum á Akranesi; gómsætar
hrátertur og þær sömu og við bjóðum
á kaffihúsinu sem er í húsnæði okkar
á Akranesi,“ segir Karen.
Verslunin verður opin alla virka
daga kl. 11–18 og 11–16 á laugar-
dögum. /smh
Karen Jónsdóttir í nýju verslun sinni við Óðinstorg. Myndir / smh
Sími: 517-8240 - Súðarvogur 20 - www.eyjalind.is
Vertu vinur okkar á Facebook
Gúmmíbelti
- Fyrir smágröfur
Icetrack ehf. Sími 773 4334
netfang: mtdekk@mtdekk.is / www.mtdekk.is
MICKEY THOMPSON
jeppadekkin hafa sannað sig á Íslandi
M/T merkið er þekkt um allan heim sem hágæða jeppadekk og felgur.
Stærðir 32” - 54”
J E P PA D E K K
BAJA CLAW MTZDEEGAN