Bændablaðið - 22.09.2016, Blaðsíða 39

39Bændablaðið | Fimmtudagur 22. september 2016
Þungarokkshljómsveitin Skál m-
öld er að senda frá sér sína
fjórðu hljóðversplötu og kemur
hún formlega út 30. september
næstkomandi. Hljómsveitin hefur
einnig gefið út tónleikaplötu með
Sinfóníuhljómsveit Íslands.
Þráinn Árni Baldvinsson, gítar-
leikari sveitarinnar, segir að nýja
platan heiti Vögguvísur Yggdrasils
og sé gefin út af austurríska útgáfu-
fyrirtækinu Napalm Records.
„Á plötunni, eins og fyrri plötun-
um okkar, erum við að vinna með
heim sem er að hluta til ímyndaður
en byggður á norrænni goðafræði.
Eftir síðustu, Með vættum, spratt
upp sú hugmynd að gera plötu með
vögguvísum. Við veltum talsvert
fyrir okkur hvernig við gætum tækl-
að verkefnið. Ein hugmyndin var
að senda frá okkur rólega fjögurra
laga plötu en útkoman er níu laga
kraftmikil og hröð plata.
Þema plötunnar eru vögguvísur
fyrir alla níu heima norrænnar goða-
fræði og í framhaldi af því er gaman
að velta fyrir sér hvernig vögguvísa
í Hel hljómar svo dæmi sé tekið.
Öll lög og allir textar plötunn-
ar eru frumsamdir en minnin og
hugmyndafræði þeirra eru tekin úr
goðafræðinni,“ segir Þráinn.
Gulur vínyll fyrir Ísland
„Útgáfa plötunnar er ólík því sem
áður hefur verið því að hún er ein-
göngu gefin út af Napalm Records
en Sena sér um að dreifa henni hér
á landi. Platan verður gefin út bæði
á CD og vínyl og er um þrjár mis-
munandi liti á vínylnum að ræða.
Litirnir eru rauður, appelsínugulur
og gulur og verður gula útgáfan
eingöngu seld á Íslandi. Þetta gleð-
ur vínyl safnarann mig gríðarlega
mikið, ég hlusta nær eingöngu á
vínyl.“
Þráinn segir að Naplam Records
komi til með að dreifa plötunni um
allan heim nema í Asíu. „Fyrirtækið
er með dreifingarsamning við
Universal í Bandaríkjunum en ég
veit satt að segja ekki hvort búið
er að semja um dreifinguna í Asíu.“
Tónleikar og gott partí
Skálmöld verður með stóra útgáfu-
tónleika á Íslandi eftir áramótin
en verður þó með ferna tónleika í
tengslum við útgáfu plötunnar strax
í október á Gauknum og Græna
hattinum. Þráinn segir að það séu
ekki beinlínis útgáfutónleikar held-
ur frekar gott partí þar sem þeir ætla
að spila.
„Skömmu eftir miðjan október
tekur svo við tónleikaferð um
Evrópu fram í miðjan nóvember.
Fyrst tónleikarnir verða í Póllandi,
sem er orðinn okkar annar heima-
völlur, og við verðum í viku þar.
Eftir það förum við svo til nokkurra
landa í Evrópu en mest í henni aust-
anverðri.“
Saumaklúbburinn Skálmöld
Skálmöld samanstendur af gítar-
leikurunum Baldri Ragnarssyni,
Björgvini Sigurðssyni og Þráni
Árna, Gunnari Ben, sem leikur á
hljómborð, Jóni Geir Jóhannssyni á
trommur og Snæbirni Ragnarssyni á
bassa. Allir meðlimir syngja.
Þráinn segir að saumaklúbburinn
Skálmöld hafi orðið til þegar nokkr-
ir áhugamenn um þungarokk hafi
ákveðið að stofna hljómsveit og
spila tónlist sem þeir hefðu gaman
af. „Hugmyndin var alltaf að gera
þetta fyrir okkur sjálfa en ekki endi-
lega til að heilla aðra með. Þegar
við ákváðum að gera fyrstu plötuna
var ég sannfærður um að ég kæmi
til með að eiga 250 eintök undir
rúmi um ókomna framtíð og lauma
eintökum í afmælispakka ættingja
minna um ókomna tíð. Raunin var
aftur á móti sú að platan seldist upp
á nokkrum dögum og eftir það fór
allt af stað og og hefur eiginlega
rúllað glórulaust síðan.“
Þungarokk og norræn goðafræði
Textar Skálmaldar fylgja fornum
íslenskum bragarháttum og yrkis-
efni þeirra eru bardagar og goða-
fræði. Þegar Þráinn er spurður hvers
vegna norræn goðafræði sé vinsælt
umfjöllunarefni þungarokkshljóm-
sveita og aðdáenda þeirra segir
hann að það liggi í augum uppi.
„Áhugi fyrir víkingum og víkinga-
tímanum er mikill eins og sást þegar
sverðið fannst í Skaftárhreppi fyrir
skömmu. Það er eitthvað svalt við
hugmyndina um víkingaskip og allt
það og aðvitað er heilmikið rokk í
goðafræðinni.“
Iron Maiden í sveitinni
Þráinn Árni ólst upp í Kinn, við
bakka Skjálfandafljóts. „Ég er
sveitapiltur að upplagi og enda
vonandi sem fjárbóndi. Ég man vel
þegar ég sat á garðabandi í fjárhús-
inu með afa, hann tók í nefið og mig
dreymdi um að spila í þungarokks-
hljómsveit, núna stefnir hugurinn
aftur í sveitina. Ég var því mjög
glaður í sumar þegar við tókum
kynningarmyndir og heilt mynd-
band fyrir nýju plötuna við ósinn
Bjargarkrók þar sem Skjálfandafljót
rennur út í Skjálfandaflóa en
Hlöðver, bóndi á Björgum, leyfði
okkur að fara á þetta mikla orku-
svæði enda er hann þungarokkari
sjálfur,“ segir Þráinn að lokum.
/VH
Sigurður Eyþórsson, framkvæmdastjóri Bændasamtaka Ís-
lands, segist ekki hafa farið að hlusta á þungarokk að neinu
ráði fyrr en á fullorðinsárum, en alltaf haft gaman af klass-
ískara rokki, einkum þjóðlagaskotnu.
„Ég er því ekki innmúraður þungarokkshundur, en þetta hefur
verið hægfara þróun. Það var magnað að mæta á Metallica þegar
þeir komu til Íslands árið 2004 og Iron Maiden 2005.
Þegar Skálmöld kom til sögunnar þá breytti það stöðunni.
Þeirra tónlist er einhvern veginn allt sem mér finnst skemmtilegt,
þungt rokk, en þó melódískt og um leið með sterka tengingu
við þjóðlagaarfinn og íslenska menningu. Það var Karl Hreiðars-
son, vinur minn frá Húsavík, sem benti mér fyrst á hljómsveitina.
Fyrsta lagið sem birtist frá þeim var Kvaðning sem síðar kom
út á fyrstu plötunni þeirra, Baldri, og það bara dugði. Síðan þá
hef ég beðið spenntur eftir öllu sem frá þeim hefur komið og
farið á marga tónleika. Í tengslum við þetta hef ég líka farið að
hlusta meira á þungarokk almennt, bæði íslenskt og hljómsveit-
ir annars staðar frá, sem spila þjóðlagatengt þungarokk. En ég
verð alltaf spenntastur yfir Skálmöld. Hljómsveitina sá ég síð-
ast á NASA í lok síðasta mánaðar, þar sem meðal annars voru
spiluð nokkur lög af Vögguvísum Yggdrasils sem kemur út um
mánaðamótin. Ég hlakka til að fá hana í hendur.
Skálmöld breytti stöðunni
Þráinn Árni Baldvinsson. Mynd / Birta Rán.