Bændablaðið - 22.09.2016, Blaðsíða 37

37Bændablaðið | Fimmtudagur 22. september 2016
almennings á greininni. Mjög
hafi verið vandað til verka við gerð
þáttanna á öllum sviðum. „Ég er
viss um að áhorfendur taka þessu
fagnandi.“
Harðduglegir og hæfileikaríkir
Þau Birna og Árni Þór vörpuðu í
fyrsta þættinum upp spurningunni
um staðalmynd af hinum íslenska
bónda og bentu m.a. á nokkra góð-
kunningja sem margir í huga sér
tengja við íslenska bændur, m.a.
hina geðþekku bræður Magnús
og Eyjólf og Gísla á Uppsölum.
Staðalmyndir af því tagi séu
lífseigar en eigi sér enga stoð í
veruleikanum.
„Nútímabændur hér á landi eru
langt frá þessari mynd, þeir eru
harðduglegir, búa yfir mikilli þekk-
ingu og hafa yfir góðum tækjakosti
að ráða sem léttir þeim störfin. Þeir
eru hæfileikaríkir og metnaðarfull-
ir. Á það munum við benda í þátta-
röðinni,“ segja þau. „Vonandi mun
okkur takast að kollvarpa þessari
mýtu sem því miður hefur alltof
lengi verið viðloðandi íslensku
bændastéttina.“
Gefum boltann á bændur
Þættirnir eru unnir í samstarfi við
Bændasamtök Íslands, en þar á
bæ gengu menn með svipaða hug-
mynd í kollinum. Yfirskriftin hjá
bændaforystunni var gerð þátta
með heitinu Bændur segja allt gott,
en niðurstaðan var að gefa boltann
á bændur sjálfa og leyfa þeim að
segja frá því sem þeim býr í brjósti,
koma sínum sjónarmiðum á fram-
færi við þjóðina.
„Okkar leiðarljós var að varpa
upp raunsannri mynd af íslenskum
landbúnaði, íslenskum bændum og
hvað þeir eru að fást við í sínum
daglegu störfum. Þetta eru mann-
lífsþættir fyrst og fremst, bændur
hafa orðið og fræða okkur um líf
sitt og starf,“ segja þau Birna og
Árni.
Þau hafa undanfarið ár lagt land
undir fót og komið við í öllum
landshlutum, bankað upp á hjá
bændum sem sinna búgreinum af
öllu tagi og forvitnast um stöðu
og horfur. „Það var gaman að sjá
hversu sterkur landbúnaðurinn var
á sumum svæðum sem við heim-
sóttum og skipti miklu máli fyrir
viðkomandi hérað. Eflaust eru ekki
allir sem átta sig á því.“
Létt og afslappað yfirbragð
Birna og Árni Þór munu í næstu
þáttum m.a. beina sjónum að
ungu fólki til sveita, menntunar-
málum í landbúnaði, rannsóknum
og frumkvöðlastarfi í greininni,
fjölskyldulífi, úrvinnslu afurða,
dreifingu þeirra og útflutningi. Eins
fá áhorfendur innsýn í matreiðslu,
þar sem höndlað er með úrvals hrá-
efni. „Þetta er mjög fjölbreytt og
gefur þáttunum létt og afslappað
yfirbragð, en um leið fá áhorfend-
ur tækifæri á að fræðast heilmikið
um hina ýmsu anga greinarinnar,“
segja þau.
Fylgst var með bændum að
störfum á öllum árstímum, störfin
geta verið misjöfn eftir því hvort er
sumar, vetur, vor eða haust. „Það
var að okkar mati nauðsynlegt
að sýna hvað fram fer á hverjum
árstíma, sauðburður, heyskapur,
göngur og réttir svo dæmi sé tekið,“
segja þau.
Höfðingjar heim að sækja
Bæði eru sammála um að verkefnið
hafi verið mjög skemmtilegt, enda
bændur höfðingjar heim að sækja.
„Það var alls staðar tekið á móti
okkur með kostum og kynjum, kaffi
og kökur á hverjum bæ og aldrei
örlaði á stressi þótt næg verkefni
biðu úrlausnar. Gestrisni er þeim
í blóð borin og hvarvetna urðum
við líka vör við að allir vildu greiða
götu okkar, ef eitthvað kom upp á
í ferðalaginu, eins og til að mynda
sprungið dekk, voru allir boðn-
ir og búnir að aðstoða. Það hefur
verið einstaklega skemmtilegt og
lærdómsríkt að kynnast íslenskum
landbúnaði á þennan hátt, með
vinnslu þáttanna.“ /MÞÞ
Aðalfundur Landssamtaka skógareigenda
Haldinn í Valaskjálf á Egilsstöðum
dagana 7. og 8. október 2016
Aðalfundur LSE verður haldinn í Valaskjálf á Egilsstöðum 7. og
8. október næstkomandi. Fundurinn er haldinn í samstarfi við
Félag skógarbænda á Austurlandi. Fundurinn hefst kl. 14.00
á föstudeginum 7. október með venjulegum aðalfundar-
störfum. Hlé verður gert á fundinum kl. 15.30 en honum svo
framhaldið laugardeginum 8. október og hefst kl. 9.00.
Málþing verður haldið í tengslum við aðalfundinn og hefst
það kl. 16.00. þann 7. október. Umfjöllunarefni er úrvinnsla
skógarafurða og samvinna skógarbænda og Skógræktarinnar
og hlutverk LSE í nýju umhverfi. Félag skógarbænda á Austur-
landi bjóða fundargestum í skógargöngu og sýningu á ýms-
um skógarafurðum og úrvinnsluvélum. Að lokum skemmta
fundargestir sér saman á árshátíð skógarbænda.
Nánari upplýsingar veitir Hrönn Guðmundsdóttir fram-
kvæmdastjóri LSE í síma 899-9662 eða netfangið hronn.lse@
gmail.com eða á heimasíðu LSE: www.skogarbondi.is
Hitaveitu &
gasskápar
Blikksmiðjan Vík ehf / Skemmuvegur 42, 200 Kópavogi / kt. 4309850279 / Sími: 557-1555 / blikkvik@blikkvik.is
fyrir sumarbústaði og heimili
Gæði • Þjónusta • Öryggi
Hitaveituskápar
Við sérsmíðum og eigum líka hitaveitukassa á lager.
Einnig smíðum við mikið af kössum á kerrur, bíla ofl.
Fáanlegir í mörgum litum.
Gasskápar
Eigum gasskápa á lager. Læsanlegir
og smíðaðir úr áli.
Láttu ekki stela af þér kútunum!
Stllt upp fyrir töku.
Birna í fjósinu á Hvanneyri þar sem hluti þáttanna var tekinn upp.
Í þáttunum Hvað segja bændur? sem hóf göngu sína á sjón-
varpsstöðinni N4 síðastliðið
sunnudagskvöld er fjallað
um allar búgreinar innan
Bændasamtaka Íslands á ólík-
an og spennandi hátt auk þess
sem kynntar eru til sögunnar
óhefðbundnari búgreinar í
bland.
„Við heimsækjum fjöldann
allan af bændum um land allt
og kynnumst því hve fjöl-
breyttur og framtakssamur
hópur er þar á ferð. Við þræð-
um ekki hverja búgrein fyrir
sig frá A til Ö heldur förum
aðrar leiðir, eigum m.a. hrað-
stefnumót með fulltrúum frá
hverri búgrein, kynnumst
ungu fólki í landbúnaði, skoð-
um menntun í greininni og
gerum sögunni skil auk þess
að forvitnast um fjölskylduna
í sveitinni, árstíðirnar, rann-
sóknir og frumkvöðlastarf,“
segja Birna Pétursdóttir og
Árni Þór Theodórsson, sem
borið hafa hitann og þungann
af gerð þáttanna.