Bændablaðið - 01.12.2016, Blaðsíða 14

14 Bændablaðið | Fimmtudagur 1. desember 2016
Fréttir
Skagafjörður:
Óviðunandi niðurstaða við
úthlutun byggðakvóta
Atvinnu-, menningar- og kynn-
ingarnefnd Sveitarfélagsins
Skagafjarðar mótmælir harð-
lega niðurstöðum úthlutunar
byggðakvóta fyrir fiskveiðiárið
2016–2017.
Niðurstaða atvinnuvega- og
nýsköpunarráðuneytis hvað
Skagafjörð varðar er að úthluta
aðeins 19 þorskígildistonnum til
Hofsóss og Sauðárkrókur fær engan
byggðakvóta. Nefndinni hefur borist
rökstuðningur ráðuneytisins fyrir
úthlutuninni.
Fram kemur í bókun nefndarinn-
ar að þessi niðurstaða sé með öllu
óviðunandi og ljóst að reglur um
úthlutun byggðakvóta mæti engan
veginn tilgangi þess að úthluta
byggðakvóta til byggðarlaga sem
standa höllum fæti, s.s. eins og til
Hofsóss. „Þá er með engu móti
hægt að sjá hvernig aukin veiði á
rækju hefur með veiðar smábáta frá
Sauðárkróki að gera,“ segir í bókun
nefndarinnar.
Atvinnu-, menningar- og
kynningar nefnd skorar á sjávarút-
vegs- og landbúnaðar ráðherra að
breyta nú þegar reglum um úthlutun
byggðakvóta og úthluta kvótanum
að því loknu á grundvelli nýrra
reglna um byggðakvóta sem raun-
verulega ná því markmiði að styðja
við veikari byggðir landsins.
/MÞÞ
Hagvaxtarvél sem kemst
ekki yfir Holtavörðuheiði
„Nú þurfa stjórnmálamenn að
sýna fram á að þeir hafi vilja til
þess að aðstoða íbúa Norðurlands
vestra við að efla landshlutann
og fjölga atvinnutækifærum,
auk þess að gera það á annan
hátt ákjósanlegt fyrir ungt og vel
menntað fólk að lifa og starfa á
Norðurlandi vestra.
Reynsla fyrri ára sýnir að vilji er
allt sem þarf, þ.e. vilji stjórnvalda,
heimamenn eru tilbúnir.“
Þetta eru lokaorð ályktana
sem samþykktar voru á 24. árs-
þingi Samtaka sveitarfélaga á
Norðurlandi vestra.
Á ársþinginu voru fjölmargar
ályktanir samþykktar sem allar
miða að eflingu byggða og bætt-
um búsetuskilyrðum á Norðurlandi
vestra en þær snúa m.a. að atvinnu-
og byggðamálum, iðnaðar-
uppbyggingu, ferðaþjónustu, vega-
samgöngum, netsamgöngum, íbúa-
þróun og málefnum sveitarfélaga.
Fram kemur að nú virðist ára vel
í þjóðarbúskapnum, góður gangur
sé í flestum greinum atvinnulífs-
ins, sjávarútvegur blómstri, stóriðju
vegni vel, ferðaþjónusta sé nánast
á ólöglegum hraða í sínum vexti
og svipaða sögu megi segja af
hugbúnaðar- og hátæknifyrirtæki
séu daglega á síðum dagblaðanna
í tengslum við stækkun. „Og spurt
er: Er þá ekki allt í sóma?“ spyrja
sveitarstjórnarmenn í fjórðungn-
um. Þeir svara sjálfir á þessa leið:
„Nei, því miður er það ekki svo
því að það virðist vera að hag-
vaxtarvélin hafi ekki komist yfir
Holtavörðuheiðina, hvorki í þessari
hagsveiflu eða í mörgum hinum
fyrri.“ /MÞÞ
Sveinbjörn og Hulda á Búvöllum hlutu viðurkenningu Búnaðarsambands Suður-Þingeyinga, nafnbótina „Þingeyski
bóndinn“. Mynd / Hermann Aðalsteinsson
Búnaðarsamband Suður-Þingeyinga
Búvallahjónin hlutu viðurkenningu
Búnaðarsamband Suður-Þing-
eyinga stóð fyrir Bænda gleði fyrir
skömmu, þetta er í fimmta sinn
sem sambandið efnir til gleðinnar
og var hún haldin á Sel-hóteli í
Mývatnssveit.
Veislustjórar voru þeir félagar
í Hundi í óskilum, Hjörleifur og
Eiríkur. Búnaðarsambandið veitti
hin árlegu verðlaun, „Þingeyski
bóndinn“, og komu þau verðlaun
að þessu sinni í hlut Sveinbjörns
Þórs Sigurðssonar og Huldu
Kristjánsdóttur á Búvöllum í
Aðaldal.
Með afurðamestu kúabúum
sýslunnar
Hulda og Sveinbjörn á Búvöllum
hafa áratugum saman rekið kúa- og
sauðfjárbú af miklum myndarskap
og hefur það verið í hópi
afurðamestu búa í sýslunni sem og
á landsvísu. Snyrtimennska og góðir
búskaparhættir eru í hávegum höfð
á Búvöllum og eru þau Hulda og
Sveinbjörn því vel að verðlaununum
komin.
Guðrún Tryggvadóttir, for-
maður Búnaðarsambands Suður-
Þingeyinga, afhenti þeim hjónum
verðlaunin, sem var innrammað
viðurkenningarskjal og málverk
eftir Hólmfríði Bjartmarsdóttur á
Sandi í Aðaldal. /MÞÞ
Mynd / HKr.
Byggðasamlagið
haldi vöku sinni
Hljótt er um störf Byggðasamlags
um atvinnu- og menningarmál
að mati fulltrúa E-listans í
sveitarstjórn Húnavatnshrepps.
Skora ful l trúarnir á
byggðasamlagið að halda vöku
sinni með hagsmuni héraðsins í
huga.
Bókun fulltrúa E-listans var
samþykkt samhljóða á fundi
sveitarstjórnar í liðinni viku. Óskað
var eftir að bókunin yrði send til
þeirra sveitarfélaga sem eiga aðild
að byggðasamlaginu. Á sama fundi
var einnig lögð fram tillaga um að
Húnavatnshreppur gerði þá kröfu að
þegar farið verði í viðbótarvirkjanir á
veituleið Blöndu verði orkan nýtt til
atvinnuuppbyggingar í heimahéraði.
„Frá árinu 1991 hefur Blanda
verið virkjuð og raforkan flutt til
atvinnuuppbyggingar annars staðar
á landinu. Mikill samdráttur hefur
orðið í atvinnulífinu síðastliðna
áratugi og viðvarandi fólksfækkun
á svæðinu um langt skeið,“ segir
í tillögunni sem samþykkt var
samhljóða. /MÞÞ
Enginn árangur af borun við Hrafnagil
Borun eftir heitu vatni er sýnd
veiði en ekki gefin. Sú hefur
orðið raunin með holu HN 13
á Hrafnagili í Eyjafjarðarsveit,
en þar var fyrr í haust hætt að
bora þegar komið var niður á
1.905 metra dýpi. Borun gekk
erfiðlega og gaf holan nánast
ekkert vatn. Bor og bormenn
yfirgáfu því svæðið.
Á tímabili stóðu vonir til þess
að borinn væri að komast í lek
jarðlög þar sem svonefnt skolvatn
sem notað er í boruninni virtist eiga
leið út úr holunni en ekki upp úr
henni. Við prófanir og svonefndar
örvunaraðgerðir kom í ljós að leki
er ekki fyrir hendi og jarðhitavatn
því ekki að streyma inn í holuna.
Því liggur fyrir að holan
verður ekki virkjuð og mun verða
minnisvarði um að í orkuöflun fyrir
hitaveitu er ekkert sjálfgefið og það
þrátt fyrir að borað sé í svæði sem
gefið hefur vatn í holum í nokkurra
metra fjarlægð. Norðurorka, sem
stóð fyrir borun á svæðinu, mun
því á næstu vikum fara í frágang í
og við borsvæðið.
Lögðu grunninn að hitaveitunni
Jarðhitasvæðin í Eyjafjarðarsveit
voru grunnurinn að stofnun
Hitaveitu Akureyrar árið 1977
og þaðan kom stærsti hluti
hitaveituvatnsins alveg fram á
þessa öld.
Á ýmsu hefur gengið við
jarðhitavinnslu í Eyjafirði gegnum
árin og margar holur verið boraðar
sem litlum eða engum árangri hafa
skilað, en sem betur fer einnig
gjöfular og góðar borholur.
Í upphafi hitaveitunnar ríkti mikil
bjartsýni um vatnsöflun á svæðinu
og tók uppbygging innviða mið af
því. Síðar kom í ljós að vatnsöflunin
varð ekki eins mikil og vonir stóðu
til og því eru innviðirnir töluvert
við vöxt, segir í frétt á vefsíðu
Norðurorku.
NASI á svæðinu síðan í vor
Jarðhitasvæðin í Eyjafjarðarsveit
hafa töluvert verið rannsökuð á
undangengnum árum með það
í huga að finna þar meira vatn
og skapa þar með tækifæri til að
nýta betur þá innviði sem til eru á
svæðinu. Borun nýrrar holu (HN-
13) á mörkum jarðanna Hrafnagils
og Botns á liðnu sumri er hluti af
þessum áætlunum en eins og íbúar
og gestir Eyjafjarðarsveitar hafa
sjálfsagt tekið eftir hefur jarðborinn
NASI frá Ræktunarsambandi Flóa
og Skeiða verið að störfum þar frá
því í maí sl. Inn í þessa ákvörðun
spilaði einnig sú staðreynd að önnur
holan af tveimur á svæðinu hefur ekki
gefið jafn mikið vatn og skyldi, þar
sem rennsli úr henni hefur minnkað
vegna tjóns á dælum o.fl., sem leiddi
til þess að hluti búnaðar hrundi ofan í
holuna. Því var ákveðið að bora nýja
holu á svæðinu til að skapa nýja leið
fyrir jarðhitavatnið. /MÞÞ
nánast ekkert vatn og mun Norðurorka, sem stóð fyrir framkvæmdum á svæðinu, nú taka saman og fara í frágang.
á svæðinu.
Bændablaðið
Næsta blað kemur út 15. desember