Bændablaðið - 18.10.2018, Blaðsíða 39

Bændablaðið | Fimmtudagur 18. október 2018 39
Laust er til umsóknar starf bústjóra á tilrauna- og kennslubúi
Landbúnaðarháskóla Íslands (LbhÍ), í sauðfjárrækt, að Hesti í
Andakíl.
Að Hesti er rekið tilrauna- og kennslubú í sauðfjárrækt og tilgangur
búsins er að skapa aðstöðu fyrir rannsóknir og kennslu í búgreininni.
Áhersla er lögð á gott skýrsluhald um bústofninn ásamt reglusemi
og snyrtimennsku í öllu sem varðar búreksturinn. Fjárfjöldi er um
650 vetrarfóðraðar kindur.
Umsækjendur skulu hafa lokið búfræðiprófi og það telst kostur að
hafa einnig lokið B.Sc. prófi í búvísindum eða sambærilegu námi.
Reynsla af sauðfjárbúskap er nauðsynleg.
Bústjóri vinnur með öðrum sérfræðingum LbhÍ að skipulagningu og
framkvæmd tilrauna í sauðfjárrækt ásamt undirbúningi og aðstoð
við verklega kennslu. Krafist er lipurðar í mannlegum samskiptum og
sjálfstæðra vinnubragða auk góðrar hæfni til að miðla eigin kunnáttu.
Gert er ráð fyrir að umsækjandi hefji störf 1. desember 2018 eða
sem fyrst.
Nánari upplýsingar um starfið veitir Sæmundur Sveinsson rektor í
síma 433 5000 eða tölvupósti saemundur@lbhi.is.
Umsóknarfrestur er til 1. nóvember 2018. Umsóknir sendist til
Landbúnaðarháskóla Íslands, b/t Arna Garðarsdóttir Ásgarði - 311
Hvanneyri eða í tölvupósti til arnag@lbhi.is. Umsækjendur skulu láta
fylgja umsókn sinni vottorð um námsferil og starfsferilskrá.
Landbúnaðarháskóli Íslands áskilur sér rétt til að hafna öllum umsókn-
um. Öllum umsóknum verður svarað þegar ákvörðun um ráðningu
liggur fyrir.
BÚSTJÓRI Á TILRAUNA-
OG KENNSLUBÚI LBHÍ Á HESTI
Vinsamlega hafið samband við Björgvin Guðjónsson, búfræðing
og löggiltan fasteignasala í síma 510-3500 og 615-1020
eða á netfangið bjorgvin@eignatorg.is
Skipholt 50b, 105 Reykjavík
Vegna aukinnar eftirspurnar óskum
við eftir bújörðum á söluskrá
Norðurland vestra:
Staða heilbrigðismála heilt yfir
þokkaleg en margt má bæta
Staða heilbrigðismála á Norður-
landi vestra er heilt yfir þokkaleg,
en ýmislegt má þó bæta, m.a.
mönnun sjúkraflutninga sem
aukast jafnt og þétt og þá vantar
dagdvalarúrræði fyrir aldraða á
Blönduósi.
Þetta kemur fram í skýrslu sem
unnin var af Rannsóknamiðstöð
Háskólans á Akureyri en vinnsla
hennar var áhersluverkefni
sóknaráætlana landshluta árið 2017.
Samtök sveitarfélaga á Norðurlandi
vestra létu vinna skýrsluna sem
fjallar um stöðu heilbrigðisþjónustu
í fjórðungnum. Í henni er dregin
saman staða heilbrigðisþjónustu
í landshlutanum og hún borin
saman við heilbrigðisþjónustu á
Vestfjörðum.
Það sem einna helst skilur á milli
Norðurlands vestra og Vestfjarða
er að í fyrrnefnda fjórðungnum
er skortur á fæðingar- og
skurðstofustarfsemi, slík þjónusta er
ekki til staðar á Norðurlandi vestra.
Nefnt er í skýrslunni að Vestfirðir hafi
sennilegast notið meiri þjónustu en
Norðurland vestra vegna ákveðinnar
fjarlægðarverndar. Margt bendi til að
þróunin verði líkari í landshlutanum
á næstu árum, annars vegar vegna
bættra samgangna á Vestfjörðum og
til annarra landshluta og hins vegar
vegna mögulegra mannabreytinga.
Erfitt geti reynst að ráða starfsfólk
með þá almennu og breiðu færni sem
til þarf.
Illa gengur að manna stöður
sérfræðilækna
Mjög illa hafi um langa hríð gengið
að manna stöður sérfræðilækna á
landsbyggðinni og ljóst að við því
verði að bregðast. Ekki er að sjá
að Norðurland vestra skeri sig úr
að þessu leyti. Fram kemur að
heilbrigðisstofnanir séu of háðar
því að sjálfstætt starfandi læknar
hafi tíma og áhuga á því að vinna
tímabundið hjá þessum stofnunum.
Sú lausn hafi stundum verið nefnd,
m.a. af Landlækni og í aðdraganda
síðustu alþingiskosninga að
Landspítali og eða Sjúkrahúsið á
Akureyri hafi umsjón með þessum
málum og sendi sérfræðinga á
heilbrigðisstofnanir eins og þurfa
þykir, að heimsóknir af því tagi sé
hluti af starfsskyldum tiltekinna
sérfræðinga. Ljóst er, segir í
skýrslunni, að slíkar heimsóknir
myndu draga verulega úr kostnaði
og óþægindum sjúklinga af
landsbyggðinni þrátt fyrir að
ýmsa þjónustu muni áfram þurfa
að sækja til stærri sjúkrahúsa.
Geðlæknir ekki komið
á Krókinn frá 2010
Sérstaklega er í þessum efnum
kallað eftir þjónustu geðlækna.
Viðtöl sérfræðilækna á starfssvæði
Samtaka sveitarfélaga á Norðurlandi
vestra eru nánast einungis í boði á
Sauðárkróki. Árið 2016 voru um
2.050 viðtöl þar og er það heldur
minna en meðaltal áranna 2004 til
2016. Hins vegar er það talsverð
aukning frá árunum tveimur þar á
undan. Munar þar mestu að enginn
geðlæknir hefur komið á Sauðárkrók
frá árinu 2010. Á árunum 2005 til
2009 voru tæplega 500 viðtöl þar
á ári.
Fram kemur í skýrslunni að
dagvistunarúrræði séu nokkuð
góð bæði á Sauðárkróki og
Hvammstanga en kallað er eftir slíkri
þjónustu á Blönduósi. Samkvæmt
spám um aldurssamsetningu mun
ekki draga úr þörf fyrir þjónustu af
því tagi á næstu árum.
Verktaka ekki heppileg
Líkt og gildir víða á landsbyggðinni
er mönnun heilbrigðisstarfsfólks
viðkvæm á Norðurlandi eystra,
einkum hefur víða reynst erfitt
að fá heilsugæslulækna til starfa
og á því vandamáli þarf að finna
lausn. Vandi af því tagi er þó
ekki nýr af nálinni. Á starfssvæði
SSNV hefur staðan verið einna
best á Hvammstanga undanfarin
tvö ár, en þar hafa verið tveir
heilsugæslulæknar, á Sauðárkróki
hefur ekki tekist að manna stöður
að fullu og á Blönduósi hefur ekki
verið fastráðinn læknir í fullu starfi
lengi. Þar eru málin leyst með
verktökulæknum annars staðar frá.
Það þykir ekki heppilegasta leiðin
til að reka heilsugæslu, kostnaður er
meiri en þegar læknar eru starfandi
við heilsugæsluna sem launþegar,
auk þess sem erfiðara er að mynda
og viðhalda sambandi milli læknis
og sjúklings.
Fjarheilbrigðisþjónusta
nefnd sem lausn
Fjarheilbrigðisþjónusta er lausn sem
oft er nefnd og bendir að því er fram
kemur í skýrslunni flest til þess að
vægi hennar muni aukast á næstu
árum, en hún komi þó ekki alltaf
í stað hefðbundinnar mönnunar.
Geðlækningar hafa verið nefndar
sem hentugt form fjarlækninga.
Núverandi fyrirkomulag gerir ráð
fyrir að ávallt sé hægt að komast hratt
og örugglega á milli Norðurlands
vestra og annaðhvort Akureyrar eða
Reykjavíkur en sú er þó ekki alltaf
raunin. Fjarheilbrigðisþjónusta,
betri samgöngur og síðast en ekki
síst aukin þjónusta í heimabyggð
eru þær lausnir sem eru í boði til
þess að bæta heilbrigðisþjónustu á
Norðurlandi vestra. /MÞÞ
Mynd / HKr.
Áhrif af El Nino í Ástralíu:
Spá auknum hita, þurrkum og kjarreldum
„Engar góðar fréttir“, segir
í yfirlýsingu frá áströlsku
veðurstofunni, „og ástandið á eftir
að versna“.
Veðurfræðingar í Ástralíu eru
þungir á brún þessa dagana og segja
að um 70% líkur séu á nýju El Nino
veðurfyrirbæri á næstu mánuðum.
Gangi spárnar eftir má búast við
hækkun hitastigs í Ástralíu og víðar
með þurrkum og auknum kjarr- og
skógareldum.
September á þessu ári er sá
þurrasti frá því að mælingar hófust
árið 1900 og mestur er þurrkurinn í
New South Wales og Queensland þar
sem er mikill landbúnaður. Auk þess
sem þurrkarnir valda minni uppskeru
nytjaplantna rýra þeir einnig beitiland
sem getur leitt til uppblásturs.
El Nino er heiti yfir það þegar
breytingar verða á staðvindum
í Kyrrahafinu sem valda óvenju
háum sjávarhita við miðbaug. Á
El Nino árum minnkar úrkoman í
Indónesíu og Ástralíu á sama tíma
og úrkoma eykst í Suður-Ameríku
og hluta Bandaríkjanna. Á spænsku
þýðir El Nino drengur og vísar til
Jesúbarnsins í jötunni.
Lofthiti jarðar mælist
alltaf hár á El Nino árum og
með aukningu lofthita vegna
gróðurhúsalofttegunda er líklegt að
enn eitt hitastig jarðar verði slegið
fljótlega.
Alvarlega afleiðingar
Afleiðing þurrka af þessu tagi er
uppskerubrestur, atvinnuleysi,
hærra verð á matvöru, lægri laun
og almennt rótleysi og upplausn í
samfélaginu. /VH