Bændablaðið - 27.06.2019, Qupperneq 4

Bændablaðið | Fimmtudagur 27. júní 20194
FRÉTTIR
Milljónir evrópskra bænda óttast neikvæð
áhrif af tollasamingi ESB og Mercosur-ríkja
Finninn Pekka Peson, aðalritari
Copa Cogeca, landbúnaðar­
viðskiptasamtaka bænda innan
ESB, hefur ritað framkvæmda­
stjórn Evrópusambandsins
bréf þar sem lýst er miklum
áhyggjum evrópskra bænda yfir
fyrirhuguðum Mercosur tolla­
samningi.
Peson ritar bréfið fyrir hönd
22 milljóna bænda og fjöl­
skyldna þeirra auk 22.000 sam­
starfs aðila í landbúnaði. Er
forseti framkvæmdastjórnarinnar,
Jean­Claude Juncer, ásamt
stjórnarfulltrúunum Cecilia Malm­
stöm og Phil Hogan hvött til að
ana ekki til neinna samninga við
Mercosur ríkin.
Mercosur viðskiptablokkin
Nýr fríverslunarsamningur hefur
verið lengi í undirbúningi milli
ESB og Mercosur ríkjanna sem eru
Argentína, Brazilía, Paragvæ og
Úrúgvæ. Venesúela var fullgildur
aðili að þessu milliríkjasamningi
þar til 1. desember 2016 að ríkið
var rekið úr þessu bandalagi. Þá eru
Bólivía, Chile, Columbía, Ekvador,
Guyana, Perú og Suriname líka tengd
þessum samningum og tengingu
við þá hafa einnig Nýja­Sjáland og
Mexíkó. Mercosur viðskiptablokkin
var stofnuð 1994 til að halda utan um
tollasamning milli aðildarríkjanna.
Ekki ana að samningi
Í bréfi Pesons segir m.a. að það
kunni að vera erfitt að standast
freistingar um að flýta samningum
og ljúka samningum sem leitt geta til
ójafnvægis þvert á helstu hagsmuni
landbúnaðarins. Væntanleg
niðurstaða í viðræðum um slíkan
samning muni hafa afgerandi
áhrif á áframhaldandi sjálfbærni
landbúnaðar í Evrópu.
Varað er við fljótræði í
ákvarðanatöku sem grunduð væri
á tvöfeldni í skilmálum af hálfu
Mercosour ríkjanna. Vísaði Peson
m.a. í ummæli Junckers sjálfs
um loftslagsbreytingar og hvað
evrópskir bændur þyrftu að gera til
að bregðast við þeim. Einnig vísaði
Peson í notkun skordýraeiturs og
annarra varnarefna sem heimilt
væri að nota í Brasilíu til að auka
framleiðni. Það skapaði ójafnvægi
og gæti haft veruleg áhrif á viðskipti
með nautakjöt, sykur, etanól,
kjúklinga, hrísgrjón, appelsínur og
drykkjarvörur. Í niðurlagi bréfsins
segir:
Framtíð evrópskra
lifnaðarhátta í húfi
„Ákvarðanir sem teknar eru núna
munu hafa áhrif á grunn evrópskra
lifnaðarhátta og komandi kynslóðir.
Það er á sama tíma og evrópskur
landbúnaður reynir að tryggja
tilverurétt sinn og nýliðun í greininni.
Við höfum ekki efni á einhverjum
tvískinnungi í þessum efnum. Það
sem hér er í húfi snýst ekki bara
um efnahag, heldur þrjá megin
þætti er varðar framtíðarsjálfbærni
Evrópu; þjóðfélagið, efnahaginn
og umhverfið. Það snýst líka
um þína arfleifð sem forseta
framkvæmdastjórnarinnar.“
Samsvarandi bréf voru send Jean­
Claude Juncer af hálfu leiðtoga á
Írlandi, Frakklandi, Póllandi og
Belgíu sem lýsa áhyggjum yfir
væntanlegum tollasamningi og
þeim áhrifum sem hann geti haft á
landbúnað í þeirra ríkjum. /HKr.
Bændur í Frakklandi og víðar um Evrópu óttast að tollasamningur ESB við
Mercosur-ríkin geti eyðilagt evrópskan landbúnað.
Pekka Peson, aðalritari Copa Cogeca.
Heyskapur á fullu um allar sveitir:
Ekki ástæða til að fyllast svartsýni
þótt víða hafi verið orðið þurrt
„Heyskapur er á fullu þessa
dagana en því er ekki að neita
að bændur eru að verða aðeins
áhyggjufullir þar sem spretta
er víðast hvar slök, maí og júní
voru frekar svalir, auk þess
er það orðið mjög þurrt þótt
engin séu harðindin samt,“ segir
Sigurgeir Hreinsson, formaður
Búnaðarsambands Eyjafjarðar,
um heyskapinn í Eyjafirði.
Á Suður­ og Vesturlandi var
ekki hægt að kvarta yfir kulda, en
óvenjumikið sólskin og þurrviðri
setti hins vegar strik í reikninginn
og spretta því lítil. Heldur glaðnaði
þó yfir bændum nú í vikunni
þegar aðeins tók að rigna og spáð
er skúrum og rigningu víða á
vestanverðu landinu jafnvel fram
yfir helgi.
Sigurgeir bendir á að margir eigi
fyrningar og stutt sé liðið á sumarið,
„þannig að ekki er ástæða til að
fyllast svartsýni, þótt maður verði
síður fyrir vonbrigðum ef búist er
við því versta sem hugsast getur.“
Heyskapur er ekki byrjaður af
neinum krafti í Þingeyjarsýslum
og eins ekki langt kominn í
Svarfaðardal svo dæmi séu tekin.
Þokkaleg gæði en minni
uppskera
Baldur Helgi Benjamínsson á
Ytri­Tjörnum segir að fyrri sláttur
í framanverðum Eyjafirði sé í
hámarki um þessar mundir, þeir allra
fyrstu séu búnir en flestir í miðju
kafi. „Ég geri ráð fyrir að klára núna
seinni partinn í vikunni,“ segir hann.
Gæði eru að sögn þokkaleg, en
uppskera með minna móti miðað við
hin síðari ár. Vart sé þó réttlætanlegt
að miða við síðasta sumar sem var
einstakt hvað magn varðar.
„Það var lítið hægt að heyja
hér í síðustu viku, það rigndi alltaf
smávegis af og til, en svo um helgina
var hægt að fara að sinna heyskap af
krafti og margir sjá fram á að ljúka
fyrri slætti núna um mánaðamótin,“
segir Baldur Helgi.
Kúabændur á Vesturlandi að
ljúka fyrri slætti
Haraldur Benediktsson, bóndi í
Vestri­Reyni, segir kúabændur á
vestanverðu landinu flesta vera langt
komna með heyskap og þeir fyrstu
sjái fram á að ljúka fyrri slætti um
þessar mundir, en þar hefur grasið
oft verið meira.
„Kúabændur eru allir byrjaðir
fyrri slátt, margir langt komnir, en
sauðfjárbændur eru aðeins byrjaðir
að kroppa, eru rétt að byrja,“ segir
hann.
Sprettan er að sögn Haraldar
misjöfn eftir svæðum, gæðin eru
ágæt en hafa verið betri og sama
gildir um magnið, það hefur áður
verið meira en nú.
„Veðurfarið var með þeim hætti
að grasið fór snemma í skrið, apríl
byrjaði ljómandi vel og allt fór vel
af stað en öll spretta stöðvaðist í
kuldakastinu í maí. En við eigum
eftir að sjá hvernig sumarið
kemur út í heild þegar heyskap
lýkur. Við erum aðeins að ljúka
fyrri slætti, sá síðari er eftir og þá
kemur niðurstaðan í ljós,“ segir
Haraldur Benediktsson, bóndi og
alþingismaður. /MÞÞ
Slegið á Ytri-Tjörnum í Eyjafirði. Mynd / Baldur Helgi Benjamínsson