Bændablaðið - 27.06.2019, Blaðsíða 10

Bændablaðið | Fimmtudagur 27. júní 201910
FRÉTTIR
Nú er lokið framkvæmdum
við þrjá af tólf hellum í landi
bæjarins Ægissíðu við Hellu. Þar
hefur áhersla hefur verið lögð á
að vernda hellana gegn veðrun
og öðrum skemmdum. Verkið
hefur verið unnið í samvinnu við
Minjavernd.
Ætlunin er að opna hellana fyrir
ferðamenn og segja þeim sögu
þeirra og leyfa þeim um leið að
upplifa þessi merku mannvirki.
Í túninu á Ægissíðu, sem er í
í Rangárþingi ytra og rétt við
vesturenda brúarinnar yfir Ytri-
Rangá hjá Hellu, eru 12 misstórir
hellar gerðir af manna höndum.
Hellarnir voru m.a. notaðir sem
gripahús fyrir bændur, hlöður og
grænmetisgeymslur.
„Þórhallur Ægir Þorgilsson,
pabbi minn og bóndi, er með þrjá
hella í sínu landi og svo erum
við í samstarfi við frænda okkar
sem er með nokkra á sinni spildu.
Undanfarin þrjú ár erum við búin
að vera að vinna að endurgerð
hellanna, lagfæra og tryggja
varðveislu þeirra,“ segir Ólöf
Þórhallsdóttir á Ægissíðu og einn
umsjónarmanna verkefnisins.
Ristur í veggjum og loftum sumra
hellanna gefa vísbendingar um að
papar hafi búið í hellunum. Mikil
vinna hefur verið að koma hellunum
þremur í gott stand þannig að þar
sé hægt að fara með hópa inn í
þá. Þá er búið að koma upp sjö
skiltum á íslensku um sögu hellanna
á Ægissíðu í Hlöðuhelli og sams
konar skilti verða sett upp á fleiri
tungumálum. /MHH
Hellarnir við Ægissíðu hjá Hellu
opnaðir ferðamönnum
Hellarnir eru skammt frá miðbænum á Hellu.
Ólöf Þórhallsdóttir og Árni Freyr Magnússon, sem eru meðal þeirra sem hafa
yfirumsjón með hellunum og hafa unnið að endurgerð þeirra síðustu ár með
sínu fólki. Verkefnið er með Facbook-síðu sem heitir „Hellarnir við Ægissíðu“.
Hópar hafa mjög gaman af því að skoða hellana, hér eru samstarfsráðherrrar Norðurlanda og þeirra embættismenn.
Myndir / MHH
Landssamband smábátaeigenda:
Vilja að þorskveiðikvótinn
verði aukinn í 289.000 tonn
Landssamband smá­
báta eigenda hefur
sent Kristjáni Þór
Júlíussyni sjávar­
útvegs­ og land búnað­
ar ráðherra til lögu um
leyfilegan heild arafla
í þorski.
Ráðherra er þar
hvattur til að heimila
289 þúsund tonna afla
á næsta fiskveiðiári
sem 6% meira en
Hafrannsóknastofnun
ráðleggur.
Landssambandið
byggir tillögu sína á
að veiðistofn á árinu
2018 hafi mælst hærri en spáð var
á síðasta ári. Ráðlagður heildarafli
á árinu hefði því verið lægri en
20% aflaregla reiknaði. Hér væri
því um leiðréttingu að ræða sem
ráðherra bæri að taka tillit til þegar
hann ákveður leyfilegan
heildarafla.
Í bréfi LS til ráðherra
er tæpt á mörgum þáttum
sem styðja tillögu LS
og þar meðal annars
komið inn á mikilvægi
þess fyrir þjóðarbúið.
„Í þeim ólgusjó sem
blasir við í þjóðarbúinu
munar um allt sem
gefur því auknar tekjur.
Velta þarf við hverjum
steini. Ákvörðun um
leyfilegan heildarafla í
þorski varðar gríðarlega
hagsmuni. Þorskurinn
trónir yfir aðrar tegundir
í aflaverðmætum, 49% á síðasta
ári, og er undirstaða sjávarútvegs á
Íslandi.“ /VH
Smábátar í höfn á Arnarstapa á Snæfellsnesi. Landssamband
smábátaeigenda hvetur sjávarútvegsráðherra til að heimila 289
þúsund tonna þorskafla á næsta fiskveiðiári, sem er 6% meira
en Hafrannsóknastofnun leggur til. Mynd / HKr.
Eldneytisnotkun Isavia
kolefnisjöfnuð
Sveinbjörn Indriðason, starf­
andi forstjóri Isavia, Reynir
Kristinsson, stjórnarformaður
kolefnissjóðsins Kolviðs og Eyþór
Eðvarðsson, stjórnarformaður
Votlendissjóðs, undirrituðu nýlega
samning um kolefnisjöfnun allrar
eldsneytisnotkunar Isavia.
Eldsneytisnotkun vegur þyngst
í kolefnisspori Isavia. Stærsta hluta
þessarar notkunar má rekja til
þjónustu og viðhalds á flugbrautum
og athafnasvæðum flugvalla og
er sú þjónusta að miklu leyti háð
veðri. Á síðasta ári var heildarlosun
gróðurhúsalofttegunda vegna bruna
eldsneytis í starfsemi Isavia 2.694 t
CO2e. Um er að ræða beina losun í
starfsemi Isavia og er sá þáttur þar
sem félagið hefur mest tækifæri til
úrbóta.
Draga úr losun
gróðurhúsalofttegunda
„Isavia hefur á síðustu árum
lagt áherslu á að draga úr
losun gróðurhúsalofttegunda í
starfseminni. Árið 2015 var sett
markmið um að lækka losun
gróðurhúsalofttegunda um 29% á
hvern farþega fyrir árið 2030. Í dag
hefur Isavia þegar minnkað losun
gróðurhúsalofttegunda í rekstri
sínum um tæp 40 prósent á farþega.
Markmiðið verður því endurskoðað.
„Isavia er meðvitað um þá ábyrgð
sem hvílir á fyrirtækinu varðandi
loftslagsmál, við vinnum með
virkum og skipulögðum hætti
að aðgerðum til þess að minnka
kolefnisspor félagsins,“ segir
Sveinbjörn, starfandi forstjóri.
Hlakka til samstarfsins
„Við hjá Kolviði hlökkum mikið
til samstarfsins við Isavia um
kolefnisjöfnun á starfsemi þeirra,“
segir Reynir, stjórnarformaður
Kolviðs. „Þetta sýnir einnig
samfélagslega ábyrgð og gott
framlag til að draga úr og
kolefnisjafna losun sem tengist
flugstarfsemi.“
Þakklát fyrir stuðninginn
„Isavia gengur fram fyrir skjöldu
af fyrirtækjum í eigu ríkisins með
þessum samningum,“ segir Eyþór,
stjórnarformaður Votlendissjóðs.
„Við erum þakklát fyrir stuðninginn,
sjóðurinn verður búinn að
kolefnisjafna allt magnið sem keypt
er strax á þessu ári, ávinningurinn
er mikill. Til viðbótar við stöðvun
á losun gróðurhúsalofttegunda, þá
eru votlendisvistkerfin endurheimt
og þannig stuðlað að líffræðilegum
fjölbreytileika dýra, fiska og fugla
í íslenskri náttúru.“ /MHH
María Kjartansdóttir, verkefnastjóri umhverfismála hjá Isavia, Hrönn
Ingólfsdóttir, forstöðumaður verkefnastofu Isavia, og Valur Klemensson,
deildarstjóri umhverfisdeildar á Keflavíkurflugvelli, eru hæstnánægð með
nýja samninginn. Mynd / isavia
Handverksdagur gamalla
hefða 2019 í Þingborg
Víkingahópur Suðurlands,
Gallery Flói og Ullarvinnslan
bjóða fólki að koma í
félagsheimilið Þingborg á
Suðurlandi laugardaginn 29.
júní og njóta gamalla hefða í
handverki líkt og stunduð var á
tímum víkinga.
Þarna mun víkingahópurinn sýna
gestum og gangandi hvernig þau
unnu að handverki sínu.
Meðal þess sem sýnt verður
af handverki er glerperlugerð og
jurtalitun ullar.
Á staðnum verða íslenskar
landnámshænur sem vert er að
spjalla dálítið við um daginn og
veðrið. Einnig verður á boðstólum
súpa fyrir gesti og gangandi á
meðan að endist.
Viðburðurinn hefst klukkan 12
og stendur til kl. 15.