Bændablaðið - 27.06.2019, Qupperneq 39

Bændablaðið | Fimmtudagur 27. júní 2019 39
MENNING&SAGA
Vesturfaramiðstöð Austurlands:
Siglt, gengið, riðið og rúllað í lest
– Ferðin vestur
Á Vopnafirði er starfandi lítið
áhugamannafélag sem heitir
Vesturfaramiðstöð Austurlands,
í daglegu tali kallað Vesturfarinn.
Þrátt fyrir að félagið sé fremur
fámennt er starfsemin ansi öflug.
Dagleg starfsemi snýr að
margvíslegum rannsóknum á
ættartengslum milli núlifandi
Íslendinga og afkomenda þeirra
sem fluttu vestur um haf, einkum
á árabilinu 1870–1914. Þetta er
þjónusta sem mjög mikilvægt er að
boðið sé upp á þar sem mikill fjöldi
Vestur-Íslendinga hefur áhuga á að
kanna uppruna sinn.
Af og til hefur Vesturfarinn staðið
fyrir minni háttar sýningum þar sem
einkum hafa verið dregnar fram
upplýsingar fyrir Vestur-Íslendinga.
Oft hefur komið fram áhugi hjá
þeim sem sótt hafa þjónustu hjá
Vesturfaranum að reynt yrði að gera
skil því langa ferðalagi sem fólk
lagði í þegar það flutti til Ameríku.
Það var af þessu tilefni ákveðið að
fara í rannsókn á málinu. Fljótt kom
í ljós að þessu máli hefur ekki verið
gerð viðhlítandi skil hér á landi og
því varð verkefnið ansi viðamikið.
Nú er búið að draga saman miklar
og víðtækar upplýsingar um allt
ferlið frá því að fólk steig á skipsfjöl
hér á landi þar til það var komið á
ákvörðunarstað í nýja landinu.
Upplýsingarnar hafa verið settar
fram, í máli og myndum, þannig að
sem flestir og helst allir átti sig á því
hvernig ferðalagið gekk fyrir sig.
Sýning með þessum upplýs­
ingum var opnuð á Vopnafirði
frá mánaðamótum maí/júní og
stendur fram til loka ágúst. Gert
er ráð fyrir að sýningin verði opin
alla daga frá kl. 10­17.
Rétt er að geta þess að þetta
verkefni hefði aldrei orðið að
veruleika ef ekki hefðu komið til
styrkir, einkum frá Uppbyggingasjóði
Austurlands, Vopnafjarðarhreppi
og Þjóðræknifélögum Vestur-
Íslendinga, bæði í Bandaríkjunum
og Kanada.
Fjórir ferðalangar bíða eftir ferju.
Mynd / Library of Congress
Póstskip „Verona“ (1876). Sigldi með vesturfara frá Seyðisfirði til Skotlands.
SS Laura sigldi á árunum 1884 til 1893 frá Austurlandi til Skotlands með
vesturfara. Það gerði einnig systurskipið Thyra (1888-1893).
Mynd / Úr safni Cathy Josephson
Algeng sjón af dekki vesturfaraskipa. Þessi mynd var tekin um borð í
gufuskipi norður-þýska skipafélagsins Lloyd sem bar nafnið Kaise Wilhelm
der Grosse. Þarna eru farþegarnir sænskir að uppruna.
Bænda
Næsta blað kemur út 11. júlí
Svitahof á
Eyrarbakka
Davíð Kristján Guðmundsson
fyrir hönd fyrirtækisins „David
the Guide“, hefur óskað eftir því
við bæjaryfirvöld í Árborg að
fá athafnasvæði á Eyrarbakka
til uppbyggingar á Svitahofi.
Svitahof, eða „Sweat“ er margra
alda gömul hefð indjána Norður,
Mið­ og Suður­Ameríku til að
heila líkama og sál.
Davíð Kristján hefur átt fund
með bæjarstjóra og bæjarfulltrúum
í Árborg, sem lýstu yfir velvild til
verkefnisins og er sameiginlegur
áhugi og vilji til að stuðla að frekari
uppbyggingu á Eyrarbakka. Verkefnið
er þróunarverkefni, þar sem fyrsta
skrefið er úthlutun á umræddu landi.
„Með því er hægt að hefja
frekari uppbyggingu, t.a.m. með
því að byggja sérstök tjöld, sem eru
varanleg í þeim skilningi að ekki er
um hefðbundin útilegutjöld að ræða,
þar sem ferðamenn, jafnt innlendir
og erlendir, geta sofið í. Auk þess
sem halda megi frekari Svitahof,
rætt var um svokallaða Jógadaga, og
margs konar viðburði sem hægt væri
að bjóða upp á með slíkri aðstöðu,“
segir m.a. í erindi Davíðs Kristjáns
til bæjaryfirvalda í Árborg. /MHH
Hvar auglýsir þú?
Sími 563 0300 / Netfang: bbl@bondi.is / bbl.is
45,6% fólks
á landsbyggðinni
les Bændablaðið
20,4%
45,6%
á landsbyggðinniá höfuðborgarsvæðinu
29,5%
landsmanna lesa
Bændablaðið
Lestur Bændablaðsins: BÆNDABLAÐIÐ ER GEFIÐ ÚT Í 32 ÞÚSUND
EINTÖKUM Á TVEGGJA VIKNA FRESTI
Heimild: Prentmiðlakönnun Gallup, okt.-des. 2018. Aldur 12-80 ára.