Fréttabréf Öryrkjabandalags Íslands - 01.06.1995, Qupperneq 13

MS-heimilið nýja
Mörg félaga okkar standa vissulega í stórræðum
nokkrum ár hvert og hér á síðum Fréttabréfsins er
þess freistað að fylgjast sem bezt með því sem verið er að
iðja úti á akri hinna einstöku félaga okkar. Öðru hvoru
ráðast félögin okkar svo í meiri háttar verkefni og nú er
það MS - félagið, sem er að uppskera laun erfiðisins að
undanförnu. Þegar þetta blað kemur lesendum fyrir sjónir
verður eflaust búið að vígja hið nýja MS - heimili í
Fossvoginum, glæsilegt og lofsvert framtak sem færa mun
mörgum farsæld, þeim er þar munu eiga góða vist í
framtíðinni. Frá vígsluathöfn verður síðar sagt, en til að fá
nokkurn fróðleik numið um þessa nýju framkvæmd var
leitað til þeirra Gyðu J. Ólafsdóttur formanns MS -
félagsins og Oddnýjar M. Lárusdóttur framkvæmdastjóra
dagvistarinnar, en ekki ofsagt að á þeirra herðum hafi hvílt
meginþunginn af þessari mætu gerð.
Hvers vegna réðustþið íþetta?
Við höfum átt í mörgu ágæta vist í Alandinu, en rýmið
þar var orðið alltof lítið m.a. til hinnar bráðnauðsynlegu
sjúkraþjálfunar, sem var í 25 fermetra rými. Aðstaða fyrir
starfsfólk var engin, snyrtiaðstaða ófullnægjandi og svo
mætti áfram telja.
Og hvencer var svo hafizt handa?
Fyrsta skóflustungan var tekin 11. júní 1993 að
Sléttuvegi 5 við hlið Oddshúss á lóð Hússjóðs
Öryrkjabandalagsins. Það var byrjað á fullu og haldið
áfram nokkuð samfellt síðan. Batteríið h.f. sér um
arkitektavinnu og verktakar eru Feðgar sf.
Og hvernig hefur svo fjármögnun gengið?
Við byggjum að talsverðum hluta á eigin fé, en þeir
sem veitt hafa fé til verksins eru: Framkvæmdasjóður
fatlaðra, heilbrigðisráðuneytið og Reykjavíkurborg. An
hins mikla og myndarlega stuðnings þessara aðila hefði
þetta ekki verið unnt.
Hver er svo stœrð hússins og hvað kostar
þetta svo allt saman?
Húsið er samtals 526 fm. Áætlaður kostnaður með
vissum lágmarksfrágangi umhverfis húsið er um 70 millj.
kr. Þá er eftir fullnaðarfrágangur lóðar og einhver
búnaðarkaup einnig. Við höfum notið rausnar margra
líknarfélaga og klúbba, m.a. fengum við rafmagnshurð frá
Lionsmönnum upp á 700.000 kr. og sem dæmi má nefna
að Húsmæðrafélag Reykjavíkur gaf okkur m.a. allan
afrakstur félagsins á liðnu ári eða 100 þús. kr. Öllum
þessum styrktaraðilum er innilega þakkað.
Hvað verður ínýja heimilinu ?
Þar verður öll aðstaða MS - félagsins og ekki vanþörf
á að félagið fái sína skrifstofuaðstöðu. Rúmgóð og ágæt
aðstaða sjúkraþjálfunar verður þarna að sjálfsögðu. Þarna
verður dagvistarrými fyrir 35 manns og fyrir því heimild
fengin hjá ráðuneyti. Góð aðstaða verður fyrir starfsfólk,
sömuleiðis fyrir lækni og félagsráðgjafa. Hvíldaraðstaðan
verður með ágætum einnig. I heild má segja að hið aukna
rými skapi gleðilega möguleika til aukningar á okkar starfi.
Og hvenœr á svo að flytja inn?
Vígsludagur verður 15. júní, en áætlun okkar er að
flytja starfsemina um miðjan júní. Við viljum aðeins koma
því að í leiðinni að með hinu nýja segulómunartæki sem
nú hefur verið í notkun tekið á Landspítalanum þá greinast
fleiri enn fyrr með sjúkdóminn og um leið fáum við þá
fyrr inn í félag okkar, sem vonandi getur veitt þeim aðstoð
sem allra bezta. Að lokum vildu þær Gyða og Oddný koma
á framfæri miklu og góðu þakklæti til allra stuðningsaðila
hins nýja heimilis. Og lokaorðin voru þau, að þær hlökkuðu
mjög til og væntu sér hins bezta af hinu nýja glæsilega
húsnæði.
Við ámum öllu MS-fólki heilla með heimilið nýja og
vonum að þar megi starf blómgast vel og bera ávöxt góðan
s.s. áður hefur gert í Álandinu. Um leið er Gyðu og
Oddnýju þakkað vel fyrir viðtalið.
H.S.
FRÉTTABRÉF ÖRYRKJABANDALAGSINS
13