Fréttabréf Öryrkjabandalags Íslands - 01.06.1995, Blaðsíða 33

Fræðslurit MS
félags íslands
Okkur hefur borizt hingað vandað og læsilegt fræðslurit
sem MS félag íslands gefur út.
í inngangsorðum Gyðu Ólafsdóttur, formanns félagsins
segir “að ritið sé einkum ætlað til fræðslu og kynningar
þeim, sem vinna með MS sjúklingum, þótt það komi að
sjálfsögðu öðrum að gagni”.
Greinarnar sem þarna birtast eru þýddar úr dönsku, en
þær eru ritaðar af dönsku fagfólki, sem greinilega hefur
mikla þekkingu til að bera. Fyrst er grein um einkenni,
sjúkdómsferli og meðhöndlun einkenna - grein sem lýsir
ferlinu frá fyrstu einkennum og til hjálpartækja og þjálfunar.
MS í faraldsfræðilegu ljósi er svo umfjöllunarefni næstu
greinar, þar sem m.a. kemur fram, hve mikill munur er á
algengi MS í heiminum og sérstaklega er fjallað um tilfellið
Færeyjar, en þar var sjúkdómurinn óþekktur fyrir síðari
heimsstyrjöld en síðan hafa komið nokkrir reglubundnir
faraldrar. í kafla um erfðatilhneigingar er getið um það,
að hérlendis standi einmitt yfir erfðafræðileg rannsókn á
MS.
Þá kemur að fræðilegri grein um rannsóknir á orsökum
MS og þar m.a. fjallað um hina athyglisverðu retróveiru,
og spurninguna um áhrif hennar, en að öðru leyti treystir
ritstjóri sér ekki til þess að greina frá svo fræðilegri úttekt.
Þvaglátstruflanir eru svo næst og í formála er minnt á
yfirlýsingu margra MS sjúklinga: “Blaðran stjórnar lífi
mínu”. Á þessu vandamáli og meðhöndlun þess er svo vel
tekið.
Alllangur kafli er svo um skerta kyngetu karlmanna með
MS og meðhöndlun hennar; hvað veldur, hvaða
áhrif hefur og sagt frá nýjum meðferðarúrræðum, en í
lok kaflans er yfirlit yfir helztu hjálpartæki.
Þá er fjallað um síbeygjukrampa eða “spasma” öðru
nafni, en þetta er eitt alvarlegasta vandamálið er fylgir MS.
Greint er glögglega frá meðferð við þessum krömpum
svo og raförvun, sem mjög víða er farið að beita.
Kaflinn um vitsmunalega sköddun er svo næstsíðastur,
einkennum hennar lýst og um leið undirstrikað að þar sem
hún gerist, sem ekki er almennt, langt í frá, þá sé mikilvægt
að hún sé viðurkennd.
Sálfræðileg viðhorf koma svo í lokin - stuðningur,
meðferð, eigin afstaða.
Þar er farið yfir hversu MS sjúklingurinn “mætir”
greiningunni, hversu horfst er í augu við sjúkdóminn, hver
ábyrgð er á eigin lífi tekin með virkri afstöðu tii
sjúkdómsins og þannig náð að þroska innri styrk og svo að
lokum hver nauðsyn getur verið á því að leita sér
sálfræðilegrar aðstoðar og meðferðar til að þreyta sem bezt
hina oft hörðu glímu. Fræðsluritið er vel úr garði gert og
trúlega mun haustblaðið birta grein í heild úr þessu
gagnmerka riti.
Fræðsla er oft til farsældar bezt. h.S.
FRÉTTABRÉF ÖRYRKJABANDALAGSINS
Gátuvísur
Magnúsar
1. Ýtt í vegg svo áfram plaggið uppi
tolldi,
sézt ef soðna vatnið vildi,
veiki - og á miðjum skildi.
2. Eg í rjáfri áður hékk,
áhrif hef á gengið,
úrslit prófs ef illa gekk,
oft við klifur fengið.
3. Selur upp við svala brún þar setur
trýni,
mannshár skorið fyrr á Fróni,
fótstallur hjá veldistróni.
4. Beitt í glímu alltaf er af æfðum
manni,
þekkist súrt og sætt í munni,
svik í slæmu merkingunni.
5. Feikn í skógi finnst af því,
fréttir okkur gefur,
rakvélinni er það í,
egg og bakka hefur.
6. Hnýtt var oft með henni netið
hér um árin,
gras sem upp fær gægst á vorin,
gerð með henni fjölmörg sporin.
7. Himinn skýlaus, hár og klár,
ég hér það nefni,
er það sæmd sem enginn hafni,
aftast líka í kvenmannsnafni.
8. Skonsa dimm það er, ef einhver
að því gætir,
ástin það hjá ýmsum heitir,
einnig bana snöggan veitir.
9. Skammaryrði, jags við él,
jurtum held á vengi,
kaffið drýgja kunni vel,
kjöt er sagt þar héngi.
10. Lárétt er það leturröðin lestrarefna,
að sér fiski oft mun safna,
ending sumra kvenmannsnafna.
Ráðningar eru á bls. 39
33