Fréttabréf Öryrkjabandalags Íslands - 01.12.1998, Blaðsíða 16

10. OKTÓBER
Hinn alþjóðlegi geðheilbrigð-
isdagur var í heiðri hafð-
ur hér en hann er 10. okt. ár
hvert s.s. fólk ætti að vita.
Daginn áður hafði verið opnað
athvarf fyrir geðfatlaða í Kópavogi,
Reynihvammi 43 við Digraneskirkju,
sem hlaut það hlýlega nafn og fallega,
Dvöl. Að athvarfi þessu standa Kópa-
vogsdeild RKI, Kópavogsbær og
Svæðisskrifstofa málefna fatlaðra á
Reykjanesi.
Nánar verður sagt frá Dvöl síðar og
í eftirhreytum er athvarfsins einnig
getið. En kl.12 á hádegi 10. okt. var
opnuð málverkasýning listaakademíu
Vinjar í sjálfboðaliðamiðstöð RKI að
Hverfisgötu 105 í Reykjavík og var þar
margt um manninn. Kór Vinjar söng
og gladdi gesti vel. Nánar um sýn-
inguna í eftirhreytum.
Kl. 13.30 var svo hátíð við Tún-
götu 7, í hinu nýja húsnæði Geð-
hjálpar, sem brátt verður í notkun tekið.
Þar flutti formaður Geðhjálpar, Pétur
Hauksson ávarp, lýsti húsinu og fyrir-
hugaðri notkun þess, jafnframt því að
færa Kiwanismönnum bestu þakkir
fyrir dýrmætan stuðning með sölu K-
lykilsins í þágu endurbóta á húsnæðinu.
Pétur minntist einnig 50 ára afmælis
World Federation for Mental Health,
en Geðhjálp á einmitt aðild að þeim
samtökum.
Þarna voru svo kaffiveitingar og
gestir skoðuðu sig um í hinum nýju
húsakynnum.
Hefðbundin 10. okt. ganga var
svo frá Túngötu 7 yfir í Odda, hús
félagsvísindadeidar Háskólans.
Lúðrasveit verkalýðsins lék fyrir
göngunni.
Þar var svo haldið málþing um:
“Mannréttindi og geðheilbrigði”.
Því stjórnaði Astbjörn Egilsson,
fyrrv. umdæmisstjóri Kiwanis á
Islandi. K-lykilinn seldu Kiwanis-
menn einmitt í tilefni dagsins og
allur ágóðinn rann til endurbóta á
hinu nýja húsnæði Geðhjálpar. Að
sögn Ingólfs H. Ingólfssonar fram-
kv.stj. Geðhjálpar mun K-lykilinn
hafa skilað í kringum 15 millj. og
er það bærilegasta búbót sem Geð-
hjálparfólk fær seint fullþakkað.
Athöfnin í Odda hófst svo á því
að Tómas Zoéga yfirlæknir á
geðdeild Landspítalans afhenti
Ingibjörgu Pálmadóttur heilbrigðis-
og tryggingaráðherra skýrslu um:
Stefnumótun í málefnum geðsjúkra
en Tómas var formaður starfshóps
þess er þarna vann hið mætasta
verk. Tómas lýsti inn í verkefnið
og aðalviðfangsefni og áherslur.
Frásögn af skýrslunni er annars
staðar í blaðinu. Ráðherra þakkaði
vel unnið verk og kvað skýrsluna
verða leiðarljós ráðuneytis síns í
þesssum málaflokki í framtíðinni.
Kór Vinjar söng svo nokkur lög við
ágætar undirtektir. Pétur Hauksson
setti málþingið með ávarpi og bauð
gesti velkomna. Fyrstur talaði Atli
Heimir Sveinsson tónskáld sem m.a.
sagði það miklu skipta að fólk með
geðsjúkdóma fengi haldið reisn sinni.
Hann kvaðst ekki hafa neina sérþekk-
ingu, en reynsla sín af samskiptum við
ættingja sem barist hefðu við slíka
sjúkdóma hafi haft djúp áhrif á sig.
Atli Heimir benti einnig á nauðsyn
þess að geðsjúkir ættu sér málsvara.
Eyjólfur Kolbeins og Rebekka
Bjarnadóttir gestir úr Vin fjölluðu um
aðbúnað geðsjúkra í kerfinu. Þeim
þótti meðferðarúrræði of einlit í
geðheilbrigðiskerfinu og of mikil trú
væri á lyfin.
Þau bentu m.a. á það sem bæta
mætti á geðdeildum. Þar væri skortur
á virðingu og trausti, of mikið einblínt
á hið sjúklega í fari fólks og skortur
væri á rétti til einkalífs og tjáningar-
frelsis. Einnig að auka þyrfti sam-
vinnu við sjúklinga og aðstandendur.
Þau vildu einnig fá einfaldari og
meiri þjónustu þar sem fólkið býr utan
stofnana. Miða þyrfti þjónustuna við
geðfötlun en ekki aðra fötlun. Þau
vitnuðu mjög í ákvæði mannrétt-
indayfirlýsingar SÞ og kváðu marga
gesta Vinjar búa við bágan fjárhag, það
16