Íþróttablaðið - 01.12.1948, Qupperneq 58

48
ÍÞRÓTTABLAÐIÐ
enda hélt hann lengi vel foruztunni.
1 markinu var Haukur þó orðinn sjáan-
lega á undan, en sænski meistarinn Gust-
afsson var um 1 metra á eftir þeim. Var
þetta bezti tími, sem hvítir menn náðu
í Stokkhólmi á sumrinu. Þó var brautin
nokkuð blaut og þung, en blæjalogn og
heiðskírt veður.
4x100 METRA BOÐHLAUP:
1. fsland—Svíþjóð ............ 43,0
2. Stokkhólmsfélag ............. 45,0
Gustafsson og Eriksson hlupu fyrstu
2 sprettina, en síðan tóku þeir Örn og
Haukur við og fór þá fyrst að koma
skriður á sveitina.
9. keppni: ESKILSTUNA í Svíþj. 18. sept.
100 METRA HLAUP:
1. Haukur Clausen, fslandi ...... 11,0
2. örn Clausen, fslandi ......... 11,0
3. Sænskur spretthlaupari ...... 11,1
4. Huttonen, Finnlandi .........;. 11,2
Rétt áður en hlaupið fór fram var
ofsarigning, en auk þess var hlaupið
móti golunni.
10. Jceppni. Alþjóöamót í KAUPMANNA-
HÖFN 22. og 23. september.
Fyrri dagur.
100 METRA HLAUP:
1. John Archer, Bretlandi ....... 10,8
2. John Wilkinsson, Bretlandi . . 10,9
3. Svend Fallesen, Danmörku .... 10,9
4. Börge Staugaard, Danmörku .. 11,0
5. örn Clausen, fslandi ......... 11,2
Hlaupið var i þrem riðlum og fóru
tveir fyrstu úr hverjum í úrslit. Hauk-
ur og Örn urðu nr. 2 í sínum riðlum og
komust því báðir í úrslit. En þegar
þangað var komið komst svo mikil ó-
kyrrð á mannskapinn að ræsir varð að
kalla þá bræður og Fallesen 4 sinnum
til baka! Átti Haukur bróðurpartinn i
„stuldinum“ og var vísað úr leik. Undi
Örn sér illa eftir það og náði sér aldrei
á strik.
Síöari dagur:
200 METRA HLAUP:
1. Haukur Clausen, íslandi ...... 22,4
2. Leslie Lewis, Bretlandi ...... 22,4
3. Svend Fallesen, Danmörku .... 22,4
100 m. hlaupiö í Asarna. Frá v.: örn,
Svíinn og Haukur.
4. John Wilkirisson, Bretlandi . . 22,6
5. Börge Stougaard, Danmörku .. 22,8
6. John Archer, Bretlandi ........ 22,8
Hlaupið var í þrem riðlum með þess-
um árangri: 1. riöill: 1. Haukur 22,4;
2. Stougaard 23,0; 2. riöill: 1. Fallesen
22,5; 2. Wilkinsson, 22,9; 3. riöill: 1.
Lewis 22,6; 2. Archer 22,8 3. Örn Clausen,
22,8 sek. — f úrslitunum náði Haukur
ágætu viðbragði (eftir eitt „þjófstart")
og var greinilega fyrstur þegar komið
var á beinu brautina. Þá fóru þeir
Lewis og Fallesen að draga á hann og
höfðu næstum tekið hann á marklín-
unni. Veður var hráslagalegt og brautir
þungar. Keppnin fór frám að kveldi til
með aðstoð ljóskastara.
Þar með lauk keppni þeirra bræðra
og flugu þeir heim 25. sept. Á þessum
10 mótum sem þeir tóku þátt í hlutu
Þeir samtals 28 verðlaun, þar af helming-
inn 1. verðlaun og hitt 2. verðlaun.
Alls tóku þá þessir sex Olympíu- og
Norðurlandafarar þátt i 14 mótum; fengu
30 1. verðlaun 22 2. verðlaun og 11 3.
verðlaun eða samtals 63 verölaun. í
ferðinni voru sett 3 ísl. met, 2 jöfnuð og
loks átti einn íslendingurinn f jórða hlut-
ann í einu heimsmeti. — En burt séð frá
þessu öllu, sem margir leggja þó mikið
upp úr, er óhætt að segja að förin hafi
tekizt vel í hvívetna og náð þeim aðal-
tilgangi sínum að kynna ísl. íþrótta-
menn meðal annarra þjóða og afla þeim
nauðsynlegrar keppnisreynslu. J. B.
OLLE EKBERG KVADDUR.
Olympíunefndin efndi til kveðjusam-
sætis 9. sept. s.l. fyrir þjálfara sinn Olle
Ekberg, sem hér hefir starfað undanfar-
ið og sá m. a. um undirbúningsþjálfun
frjálsíþróttamannanna fyrir Olympíu-
leikana. Til hófs þessa var boðið stjórnum
ISÍ og FRl, íþróttafulltrúum ríkis og
bæjar o. fl. íþróttaleiðtogum.
Það kom glöggt fram í Þeim ræðum
sem fluttar voru að Ekberg hefir á-
unnið sér miklar vinsældir meðal þeirra
sem hann hefir unnið fyrir. Við þetta
tækifæri afhenti Olympíunefnd honum
fagra fánastöng til minningar um Island
og dvölina hér.
Félögin Ármann, KR og IR gáfu hon-
um fallegt málverk af Esjunni, FRl af-
henti honum bókamerki og pappírshníf
og ISl afhenti honum lítinn bikar.
Það er ekki um það að villast að Ek-
berg hefir verið hér hinn mesti aufúsu-
gestur. Hafa jafnt nemendur hans sem
aðrir borið til hans ótvíræða virðingu
og traust. Frétzt hefir að FRI hafi sótt
um gjaldeyrisleyfi til þess að ráða Ek-
berg hingað sem landsþjálfara og er
þess að vænta að viðkomandi aðilar sýni
íþróttalífi okkar þann skilning að verða
við þeirri málaleitan.
OLYMPÍUMYNDIN
var frumsýnd hér í Reykjavík 2. okt s.I.
Myndin er litkvikmynd í 3 köflum. Sá
fyrsti sýnir þegar Olympíueldurinn er
kveiktur við rústir Zeus-hofsins í Grikk-
landi. Næsti sýnir Vetrarleikana í St.
Moritz og loks sá þriðji sumarleikana í
London og er hann stærstur.
Þrátt fyrir mikinn tilkostnað og íburð
hefir mynd Þessi ekki tekizt eins vel
og efni stóðu til. Virðist manni sem
kvikmyndatökumennina hafi skort sér-
þekkingu á verkefninu auk þess sem sýn-
ingarefnið er all handahófslega valið. —
Margt vantar og mörgu ofaukið.
Er þess að vænta að Bretar endurskoði
það sem kvikmyndað hefir verið af
leikunum og velji úr því aðra tveggja
og hálfstíma mynd, er gefi betri heild-
armynda af leikunum en þessi gerir.