Íþróttablaðið - 01.12.1948, Qupperneq 83

ÍÞRÓTTABLAÐIÐ
73
HNEFALEIKAR:
HEIMSÓKN OTTO VON PORATS
S.l. sumar kóm hingað til landsins á
vegum Ármanns einn af þekktustu hnefa-
leikamönnum heimsins, Norðmaðurinn
Otto von Porat, en hann er sænskur að
faðerni.
Otto von Porat byrjaði að þjálfa sig
í hnefaleik árið 1922, þá 19 ára gamall.
Tveim árum síðar, 1924, varð hann Olym-
píumeistari í þungavigt í París. Hefir
tvisvar orðið Noregsmeistari i þungavigt,
en fór árið 1926 til Ameríku og barðist
þar 40 til 50 meiriháttar leiki sem at-
vinnumaður við mjög góðan orðstír. —
Árið 1933 kom hann aftur til Noregs
og barðist nokkra leiki í Evrópu, þann
síðasta í Genf 1934. v. Porat hefir siðan
verið hnefaleikakennari við lögreglu-
og herskóla norska ríkisins. Ennfremur
rak hann eigin iþrótta- og hnefaleika-
skóla í Osló.
v. Porat hélt hér hnefaleikanámskeið
sem alls sóttu um 30 þátttakendur,
þrátt fyrir óheppilegan tíma. Voru flest-
ir þeirra Ármenningar. Árangur náms-
skeiðsins varð góður, enda nóg að læra
af slíkum kunnáttumanni sem v. Porat.
Námskeiðinu lauk með hnefaleika-
móti, sem haldið var í Austurbæjarbíói
27. júlí. Voru keppendur 10 i 5 þyngd-
arflokkum, en að lokum fór fram sýn-
ingarleikur í þungavigt milli Porats og
Guðmundar Arasonar. Var Guðmundur
í sókn lengst af, en Porat varðist af
mikilli leikni. Þótti áhorfendum og kepp-
endum fengur að þeirri kennslustund,
þótt einstaka hafi ef til vill búist við
harðari keppni. Úrslit í hinum þyngdar-
flokkunum urðu þessi:
Léttvigt: Sigurður Jóhannsson vann
Gissur Ævar, eftir harðan og skemmti-
legan leik.
Veltivigt: Björn Eyþórsson vann Gunn-
ar Guðmundsson, eftir góðan leik.
Millivigt: Jóel B. Jakobsson vann Sefán
Jónsson eftir frekar jafnan leik, en Jóel
hafði betra úthald.
Léttþungavigt: Matthías Matthíasson
vann Sigfús Pétursson, sem er nýliði og
efnilegur, með nokkrum yfirburðum.
Þungavigt: Þorkell Magnússon sigraði
Alfons Guðmundsson, eftir harðan og
skemmtilegan leik. Alfons sótti meira
á í byrjun, en varð að láta undan síga
fyrir hinum markvissu höggum Þorkels.
Hafði sá síðarnefndi næstum gert út
um leikinn með rothöggi. Þorkell fékk
líka þann vitnisburð hjá Porat að hann
væri hæfur til þátttöku í Evrópumeist-
aramóti, og er það mikil viðurkenning
og verðskulduð. Hringdómari var Otto
von Porat. Húsið var þéttskipað áhorf-
endum.
Otto von Porat var haldið kveðjusam-
sæti í Tjarnarcafé 28. júlí. Flutti Gunnl.
J. Briem honum þakkir frá Ármanni og
nemendum með snjallri ræðu. Færði
hann Porat að gjöf vandaða flaggstöng
en einnig var honum fært þakkarávarp
undirritað af nemendum hans, stjórn Ár-
manns og fleiri unnendur hnefaleikanna.
Von Porat þakkaði með ræðu þar sem
hann lét i ljósi ánægju sína yfir þessari
Islandsferð.
Héðan fór Porat daginn eftir og er
óhætt að segja að koma hans hafi verið
mikill fengur fyrir ísl. hnefaleikamenn.
HVAÐ PORAT SAGÐI
UM HNEFALEIKA.
ÞaÖ er álit margra aö hnefaleikar séu
ruddaleg og hrottaleg íþrótt, en þetta er
mikill misskilningur, því hnefaleikar
jafnast vel á viö aðrar íþróttagreinar eins
og t. d. skilmingar. 1 báðum tilfellum
er það hraðinn og viðbragðið, sem er
aöalatriðið, en ekki hinn ofboöslegi kraft-
ur, eins og margir ef til vill halda
Auðvitað veröur því ekki neitaö, að
hnefaleikar geta veriö harðir, menn geta
átt von á þungum höggum, en er þaö
ekki einnig svo í öörum íþróttagreinum
t. d. knattspyrnu? Munurinn er aöeins
sá, aö í hnefaleikum er mönnum kennt
aö verja sig.
Hnefaleikar eru mikiö komnir undir
dugnaöi og persónúleika kennarans. —
Hnefaleikari veröur aö tileinka sér í-
þróttamennsku og drengskap.
Eg hefi séö hnefaleikara, sem eftir
margra ára keppni, bar þess engar menj-
ar % andlitinu, enda haföi hann skiliö
og iökað íþróttina rétt.
Þátttakendur í hnefa-
leikamóti Otto v. Por-
ats, frá v.: Ól. Ólafs-
son, Gizur Ævar, Sig.
Jóhannsson, Gunnar
Guömundsson, Sigfús
Pétursson, Björn Ey-
þórsson, Guöm. Ara-
son, Matth. Matthías-
son, v. Porat, Þorkell
Magnúss., Alfons Guö-
mundsson, Stef. Jóns-
son, Jóel B. Jakobs-
son og Pétur Wige-
lund.