Orð og tunga - 2020, Síða 10

viii Orð og tunga
Einar Freyr Sigurðsson og Heimir van der Feest Viðarsson rita
grein um rökliðagerð sagnarinnar líka í sögulegu ljósi. Höfundar færa
fyrir því rök að líka, sem er ósamhverf sögn í nútímamáli, hafi í fornu
máli verið samhverf (eða skiptisögn). Eins og Einar og Heimir benda
á er þetta ekki ný hugmynd en í þessari grein setja þeir fram ný rök
sem byggjast á frumlagsprófi sem hefur verið talið mjög traust.
Að lokum fjallar Matteo Tarsi um tökuorð í Þriðju málfræði­
ritgerð inni (um 1250) sem eiga sér innlend samheiti í sama handriti. Í
grein inni skiptir hann tökuorðum í flokka sem hann kallar virð ingar­
tökuorð og nauðsynjatökuorð, auk þess sem hann fjallar um uppruna
allra orðanna og tilgreinir hvernig innlend orð og tökuorð tengjast í
textanum.
Eins og áður sagði birtast í heftinu þrjár fróðlegar smágreinar (órit­
rýndar). Fyrsta greinin er eftir Ágústu Þorbergsdóttur og fjallar um
þær kröfur sem almenningur gerir til nýyrða í íslensku. Segja má
að höfundur sé með puttann á púlsinum því í greininni er að finna
ýmsar tillögur sem bárust Nýyrðavefnum nú í mars og apríl og eiga að
ná yfir það sem á ensku hefur verið nefnt social distancing. Í annarri
greininni fer Jóhannes B. Sigtryggsson yfir helstu atriði varðandi
bil í ritmáli. Þar veltir hann fyrir sér atriðum eins og símanúmerum
og skammstöfunum þar sem vafi getur leikið á hvort að hafa skuli
bil. Þriðja og síðasta smágreinin er svo eftir Svavar Sigmundsson og
fjallar um úlf í örnefnum á Íslandi, Færeyjum og Skotlandi.
Í ágúst 2019 urðu þau gleðilegu tímamót að Orð og tunga kom út í
rafrænni útgáfu. Fram að því hafði tímaritið einungis verið gefið út
á prenti en gert aðgengilegt á Tímarit.is (og verður áfram aðgengilegt
þar). Orð og tunga hefur nú fengið sína eigin vefsíðu þar sem síðustu
fimm árgangarnir eru nú þegar aðgengilegir lesendum og eldra efnis
er að vænta. Engin áform eru þó um að hætta útgáfu tímaritsins á
prenti og geta áhugasamir lesendur enn náð sér í eintak í bókabúðum
eða pantað áskrift hjá Bóksölu stúdenta.
Í kjölfar rafrænu byltingarinnar sótti Stofnun Árna Magnússonar
í íslenskum fræðum um stafrænt auðkenni (doi eða digital object
identifier) sem verður hér eftir sett á allar greinar sem birtast í tímarit­
inu. Auðkennið auðveldar alla leit að greinum í gagnabönkum og er
mælst til þess að það sé notað t.d. í heimildaskrám. Nýju auðkennin
gera einnig ritstjórn Orðs og tungu kleift að sækja um viðurkenningu
fyrir tímaritið á alþjóðlegum vettvangi. Í byrjun árs komst t.d. Orð og
tunga á lista hjá Directory of Open Access Journals sem er með tæplega
15 þúsund tímarit á skrá sem öll eru í opnum aðgangi.
tunga_22.indb 8 22.06.2020 14:03:49