Orð og tunga - 2020, Qupperneq 141

Trausti Dagsson og Steinþór Steingrímsson: Veffregnir 129
einskorðað sig þannig við það safn. Í niðurstöðulista getur notandi
valið á milli þess að fá knappan lista með grunnupplýsingum sem
sýnir meira á skjánum eða ítarlegri lista þar sem auknar upplýsingar
um hvert hugtak sést. Vef Íðorðabankans má finna á vefslóðinni idord.
arnastofnun.is.
Málfarsbankinn
Vefur Málfarsbankans var endurskoðaður haustið 2018 og hannaður
upp á nýtt. Vefurinn inniheldur stuttar greinar um málfar og mál­
notk un og er efninu þar skipt í um tuttugu flokka. Hægt er að leita inn
í textum greinanna með textastrengjum eða eftir sérstökum leitar orð­
um sem tengd eru hverri grein og eiga að stuðla að því að auðveldara
sé að finna efni í bankanum. Leitin virkar eins og á flestum hinna nýju
vefa, tillögur birtast í lista um leið og ritað er í leitarreit og auð velda
þannig notandanum að finna efni. Á vormisseri 2019 var mál fars­
pistlum Jóns G. Friðjónssonar bætt við bankann. Þar er um að ræða
pistla um íslenskt mál sem Jón hefur skrifað frá 2015 og birt á viku­
legum tölvupóstlista sínum.
ISLEX og Íslensk nútímamálsorðabók
Margmála orðabókin ISLEX (Halldóra Jónsdóttir og Þórdís Úlfars­
dóttir 2016) og Íslensk nútímamálsorðabók (Halldóra Jónsdóttir og
Þórdís Úlfarsdóttir 2019) eru nátengdar. ISLEX, samvinnuverkefni
sex stofnana á Íslandi, í Danmörku, Noregi, Svíþjóð, Finnlandi og
Færeyjum, hefur íslensku sem viðfangsmál en hin Norðurlandamálin
eru markmál. Íslensk nútímamálsorðabók byggir svo á grunni ISLEX­
orðabókarinnar.
Í nóvember 2019 opnaði nýr vefur ISLEX á vefslóðunum islex.is
og islex.arnastofnun.is. Nýr vefur Íslenskrar nútímamálsorðabókar fór svo
í loftið í apríl 2020 á vefslóðinni islenskordabok.arnastofnun.is. Grunn­
virkni nýju vefanna er í flestu sú sama og í hinum eldri. Leitin er þó
orðin mun hraðari og leitarglugginn býður upp á sprettiniðurstöður
eins og aðrir nýir vefir og kemur þannig með tillögur að orðum um
leið og ritað er. Þá er viðmótið hannað þannig að það gagnast not­
endum flestra gerða af tölvum og öðrum tækjum.
tunga_22.indb 129 22.06.2020 14:03:54