Íþróttablaðið - 01.02.1983, Side 59

flokki á íslandsmótinu. En í
keppni við Skúla Óskarsson
um hver yrði stigahæstur, vissi
ég að ég þurfti að ná 925 kg
samanlagt. Ég tognaði illa í
hnébeygjunni og Skúli varð
stigahæstur — tók af mér
titilinn frá árinu áður.
— Svo gerði ég mér það til
gamans, sagði Jón Páll, að
drekka mig upp um 4 kg í
þyngd, ná yfirþungavigt og
hreinsa til á metalistanum
þannig, að öll met þar væru á
mínu nafni. Ég náði meti af
Óskari Jakobssyni í bekk-
pressu, meti í réttstöðulyftu af
„Norðurhjaratröllinu“
Arthuri Bogasyni og meti í
hnébeygju af „Heimsskauta-
bangsanum“ Víkingi Trausta-
syni.
Jón Páll er dyravörður á
Hótel Borg og fer létt með að
skakka leik ef út af bregður
þar. Hann æfir 5—6 sinnum í
viku og hyggur á enn betri
árangur.
— Ég er boðinn á Víkinga-
mótið aftur og vil helst fara
því verðlaun eru góð. Ég fékk í
2. verðlaun í fyrra sjónvarps-
tæki og bílstereo. Sjónvarps-
réttur frá Víkingakeppninni
hefur verið seldur til allra
Norðurlanda, svo þar þarf að
vera íslendingur.
Þá ætla ég á EM í Amster-
dam. Ég varð 2. á EM 1981 og
á nú betri árangur en Evrópu-
meistacinn náði þá eða 952 kg
á móti'912 kg hans.
Þá er rætt um að hafa
keppni um titilinn „sterkasti
maður Evrópu. Óráðið er hvar
það verður. Síðan verður hér á
landi Norðurlandamót í
september auk íslandsmótsins
í maí og loks er HM-keppni í
Svíþjóð í nóvember.
— Allt eru þetta gimileg
mót og æskilegt að fara á þau
öll. Oft háir fjárskortur þátt-
töku okkar og því eru mótin
um titlana „sterkustu menn“
eftirsóknarverð, því greitt er
fargjald og uppihald.
— Er tækni eða kraftar
aðalatriði lyftinga?
— Krafur eða afl er númer
eitt, tæknin kemur á eftir.
Þyngdin hefur ekki allt að
segja. Besti lyftingamaður
heims er Mike Bridges,
Bandaríkjamaður, sem keppir
í 82.5 kg flokki. Hann nær
samkvæmt stigatöflu um 600
stigum, en ég um 500 stigum.
Hann, svona léttur, lyftir
samanlagt næstum sama
þunga og ég. Hann er 27 ára
gamall og er talinn næstum á
undan sinni samtíð í lyfting-
unum, segir „lyftingamaður
ársins 1982“ á íslandi, sem
aðeins 22 ára á aragrúa ís-
landsmeta auk Norðurlanda-,
Evrópumeta og heimsmeta.
—A.St.
Kjörið
lesefni fyrir
íþróttaunnendur
á öllum aldri