Íþróttablaðið - 01.11.1991, Blaðsíða 20
Hannes Ragnarsson.
FORMAÐURINN
Hannes Ragnarsson, formaður
körfuknattleiksdeildar ÍBK, var bros-
mildur þar sem hann gekk á fjölum
íþróttahússins og fylgdist með æfing-
um yngri flokkanna. Hann er nýtek-
inn við sem formaður og sagði að
starfið legðist vel í sig. „Við unnum
fjölmarga titla á síðasta keppnistíma-
bili og ætlum okkur að gera slíkt hið
sama á þessum vetri. Þetta er við-
amikið starf og áhuginn fyrir körfu-
bolta í Keflavík gífurlegur. Það fer
bráðum að verða kominn tími á
byggingu nýs íþróttahúss."
9 TITLAR AF 13
Keflvíkingar voru sigursælir í
körfuboltanum á síðasta keppnis-
tímabili. Þótt meistaraflokkum
liðsins hafi ekki tekist að vinna til
æðstu verðlauna hlaut félagið
engu að síður 9 íslandsmeistara-
titla af þeim 13 sem keppt var um
á vegum KKÍ í karla- og kvenna-
flokki. Unglingaflokkar ÍBK hafa
38 sinnum borið sigur úr býtum á
íslandsmóti á síðasta áratug og 24
sinnum í bikakeppninni. Aldeilis
hægt að vera stoltur af því.
„BER MIKLA VIRÐ-
INGU FYRIR ÞEIM“
SIGURÐUR VALGEIRSSON, KÖRFUBOLTA-
FRÖMUÐUR í KEFLAVÍK
Allir Keflvíkingar þekkja Sigga
Valla og menn setja yfirleitt sama-
semmerki á milli hans og körfubolt-
ans í Keflavík. Hann er sá maður sem
var allt í öllu þegar körfuboltalið
Keflavíkur var að „fæðast", ef svo má
að orði komast, og þróast í það að
verða stórveldi. Siggi Valla var þá
stjórnarmaður, liðsstjóri, sá um bún-
ingamálin og svo mætti lengi telja.
Allir eru sammála um að hann hafi
unnið ómetanlegt brautryðjendastarf
fyrir kört'uboltann ÍÍBKogeigi þakkir
skilið fyrir það. ÍÞRÓTTABLAÐINU
þótti sjálfsagt að ræða við kappann
um það sem honum þykir kærast og
byrjaði á því að spyrja hann hvert
væri sterkasta lið sem ÍBK hefði átt í
kört'unni og hvaða leikmenn félags-
ins hann mæti mest.
„Sterkasta lið sem ÍBK hefur átt að
mínu mati var liðið sem lék veturinn
1982-'83. í því liði voru Jón Kr. Gísla-
son, Björn V. Skúlason, Brad Miley,
Axel Nikulásson og Þorsteinn
Bjarnason. Af þeim leikmönnum sem
hafa leikið með IBK í gegnum tíðina
kann ég best að meta Jón Kr. Gísla-
son, Axel Nikulásson og Björn V.
Skúlason. Ég nefni þessa leikmenn
ekki eingöngu vegna þess að þeir eru
frábærir körfuboltamenn heldur líka
vegna þess að þeir eru mjög heil-
steyptir karakterar. Ég ber mikla virð-
ingu fyrir þessum mönnum."
Siggi Valla segist hafa dregið sig í
hlé hvað varðar afskipti af körfubolt-
anum en hann getur þó ekki látið
hann alveg í friði. „Ég sé um skýslu-
gerð og alla statistik fyrir félagið. Það,
sem ég á svart á hvítu um alla leik-
menn, er leikjafjöldi og stigaskor
hvers og eins í gegnum tíðina. Það er
alltaf gaman að grúska í þessu."
— Hver er stigahæsti leikmaður
ÍBK?
„Þaðer Jón Kr. Gíslason og hann er
sömuleiðis leikjahæstur. Hann lék
Sigurður Valgeirsson.
reyndar sinn 300. meistaraflokksleik
fyrir félagið."
— Hversu margir leikmenn frá
Keflavík leika með öðrum liðum?
„Það er Axel Nikulásson í KR, Ein-
ar Einarsson í Tindastóli, Hjörtur
Arnason og Egill Viðarsson leika með
Breiðabliki og svo eigum við heilt
úrvalsdeiIdarlið sem leikur í Banda-
ríkjunum. Unglingastarfið skilar sér
mjög vel og það verður aldrei pláss
fyrir alla í meistaraflokki. Þess vegna
erum við bara stoltir af því að geta
alið upp góða körfuboltamenn þótt
þeir nýtist öðrum félögum. Við höf-
um því lagt mikið af mörkum til efl-
ingar körfuboltans."
— Er Keflavík körfuboltabær?
„Hann er það núna en var áður
knattspyrnubær. Ég hef þó trú á því
að knattspyrnan eigi eftir að ná sér á
strik að nýju í Keflavík."
20