Íþróttablaðið - 01.11.1991, Side 61

Carl Lewis setur nýtt heimsmet á
heimsmeistaramótinu í Tokyo og
Seiko vídeóupptaka staðfestir það.
POTTÞÉTT
Á þriðja heimsmeistaramótinu í
frjálsíþróttum, sem fór fram í Japan
síðastliðið sumar, var notuð hágæða
tímataka og myndataka til þess að
skera úr um röð keppenda í hlaupa-
greinunum. Það var SEIKO sem sá
um að enginn ágreiningur kæmi upp
og kynnti fyrirtækið svokallaðan
„OFFICIAL TIMER" sem er Seiko
vídeóupptöku „línu skanner" (Video
Photo Finish). Meðfylgjandi mynd
sýnir í hvað röð keppendur koma í
mark þegar Carl Lewis setti heims-
metið í 100 metra hlaupi.
Það tók Seiko 5 ára að þróa „línu
skannerinn" en munurinn á honum
og þeim sem voru notaðir áður er sá
að þessi sýnir úrslitin samstundis en í
hinum tók það einhvern tíma að
framkalla filmuna til þess að sjá nið-
urstöðurnar. Næstu ellefu mánuði
mun þetta tæki verða notað á mörg-
um íþróttaviðburðum og meðal ann-
ars á Ólympíuleikunum í Barcelona
á næsta ári.
NÚMERIÐ AÐ
FRAMAN
í úrslitakeppni heimsmeistara-
keppninnar í knattspyrnu sem fer
fram í Bandaríkjunum árið 1994
verður bryddað upp á þeirri nýj-
ung fyrir áhorfendur og fjölmiðla
að leikmenn verði með númerið
framan á treyjunni og nafnið sitt
að aftanverðu. Þetta eru athyglis-
verðar nýjungar sem falla örugg-
lega vel í kramið.
Eldhressir hádegisspriklarar með Bryndísi þjálfara í fanginu.
HEILBRIGÐI í
HÁDEGINU
Ljósmyndari íþróttablaðsins átti
leið framhjá DANSSTÚDÍÓ SÓLEYJ-
AR í hádeginu um daginn og rann á
forvitnilegt hljóð sem samanstóð af
hressri tónlist, hröðum andardrætti
karlmanna og skærri stúlkurödd sem
réð greinilega ferðinni. Þegar betur
var að gáð kom í Ijós að þarna var
samankominn hópur karlmanna, á
besta alt^ri, sem stundar þrek og teyj-
ur í hádeginu, þrisvar í viku undir
stjórn hressrar stúlku.
Hvað er ákjósanlegra en að fara á
eldfjöruga þrekæfingu í hádeginu í
stað þess að háma í sig hamborgara
ogfranskar? Þeir karlmenn, sem æfa í
hádeginu hjá Sóleyju, ákváðu að
breyta um lífsstíl og halda sér í góðu
formi ístað þess að safna aukakílóum
utan á kroppinn. Það er staðreynd að
eftir að hafa púlað í um klukkustund
er vellíðanin svo mikil að starfsorkan
eykst til muna. Það er í raun löngu
orðið tímabært að fólk nýti tíma sinn
til fullnustu oggeri eitthvað fyrir sjálft
sig í stað þess að horfa út um glugg-
ann, naga á sér neglurnar og nenna
aldrei að drífa sig af stað.
Tíminn í hádeginu hjá Sóleyju
samanstendur af skemmtilegri upp-
hitun, fjölbreyttum æfingum, sippi,
hlaupum upp stiga, magaæfingum
og armbeygjum, teygjum og slökun.
Er hægt að verja hádeginu á betri
hátt? Varla! Þarnavoru samankomnir
nokkrir vinir, menn úr ýmsum starfs-
greinum í lítilli æfingu eða mikilli æf-
ingu (þeir eru reyndar allir að komast
í toppæfingu) en tíminn nýtist öllum
til fullnustu. Af stað nú!
ÚR ÝMSUM ÁTTUM
* DINO ZOFF, fyrrum lands-
liðsmarkvörður ítala og núver-
andi þjálfari, hefur verið heiðrað-
ur af hinni alþjóðlegu FAIR-PLAY
nefnd fyrir það að hafa verið tákn
hins sanna íþróttamanns þegar
hann lék sem atvinnumaður.
* BERGÞÓR MAGNÚSSON,
fyrrum leikmaður Vals í knatt-
spyrnu, sem lék með Skallagrími í
fyrrasumar, ætlar að leika með
Val að nýju á næsta ári.
* JÓNAS HALLGRÍMSSON,
sem hefur leikið með HSÞ-b og
Völsungi ætlar hugsanlega að
leika með Völsungi næsta sumar
en ekki HSÞ-b.
* SÆVAR GEIR GUNNLEIFS-
SON, fyrrum leikmaður Snæfells
og Breiðabliks, hefur hug á því að
taka fram knattspyrnuskóna
næsta sumar eftir nokkurra ára
hvíld. Hann er 27 ára gamall og
ætlar að reyna fyrir sér hjá Val.
Menn fara endurnærðir í vinnuna
eftir þrek- og teygjuæfingar með
Bryndísi í hádeginu.
61