Íþróttablaðið - 01.11.1991, Blaðsíða 38
— Geturðu gefið okkur dæmi um
það hvernig þú æfir — t.d. hnébeygj-
ur?
„Ég tek þungar hnébeygjur aðeins
einu sinni i viku og tek svo 60% af
þeirri þyngd einhvern annan dag í
vikunni. Vanalega geri ég 8 endur-
tekningar í 3-4 settum. Þegar ég er
með miklar þyngdir geri ég 5 endur-
tekningar og gef allt í þær. Eftir að
hafa tekið miklar þyngdir létti ég
töluvert og tek 8 endurtekningar."
Ef ég ætti að ráðleggja, knattspyrn-
umönnum t.d., myndi ég mæla með
að æfa hnébeygjur á fimm daga fresti
og ekki gera þær þannig að menn
liggi dauðir á eftir. Það sem skiptir
mestu máli í hnébeygjum er að
sprengja eins hratt upp og hægt er og
fylgja vel eftir — eins háttog hægter.
Ef menn hægja á sér þegar þeir eru á
leið upp með lóðin nýtist æfingin
ekki nema um 80%. Knattspyrnu-
menn og aðrir íþróttamenn ættu ekki
að fara mikið niður fyrir 90 gráður
þegar þeir gera hnébeygjur. Það sem
er líka mikilvægt er að menn eiga að
sníða sér stakk eftir vexti og taka bara
þær þyngdir sem þeir ráða við. Ein
endurtekning gefur ekkert og þær
verða því í minnsta lagi að vera
þrjár."
— Gætir þú hugsað þér að gerast
atvinnumaður í kraftakeppnum?
„Já, en það er fjarlægur draumur
eins og er þótt allt geti gerst. O.D.
Wilson hefurhaft atvinnuaf þessu og
meðal annars er hann einn af lífvörð-
um Michaels Jackson. í kjölfar þessa
titils gefst mér vonandi tækifæri til
þess að vinna að einhverju leyti fyrir
mér með því að taka þátt í mótum
erlendis."
— Færðu einhvern stuðning hér
heima?
„Þeir sem hafa stutt við bakið á
mér eru Hi-Tec, GYM 80, ÚÍA, Aust-
urland, Seyðisfjarðarbær, Jarlinn,
Hreysti og Stáliðjan, þar sem ég vinn
núna. Yfirmenn Stáliðjunnar sýna
mér mikinn skilning og gefa mig frí
þegar ég þarf þess með. Mér finnst
ánægjulegt að þeir fyrir austan hafa
ekki gleymt mér. Svo hefur Ólafur M.
Ólafsson, föðurbróðir minn, styrkt
mig einn og sér."
— Hvernig mundir þú vilja æfa og
hvers konar stuðning þyrftir þú til
þess að eiga þess kost?
„Helst myndi ég vilja æfa tvisvar
sinnum á dag og til þess að það sé
38
Sterkasti maður heims þarf víst líka
að vinna.
hægt þyrfti ég að fá styrk upp á eina
og hálfa milljón á ári. Þetta erfjarlæg-
ur draumur en samt útiloka ég ekkert
ennþá."
— Margir segja; Miklir vöðvar —
litlar gáfur. Hefurðu heyrt þetta?
„Já, maður heyrir svo margt. Það
segir sig sjálft að menn þurfa að hafa
eitthvað í kollinum til þess að ná
þessum árangri. Eigum við ekki bara
að segja að undirrót svona setninga
sé öfund?"
— Þú ert væntanlega orðinn
þreyttur á allri umræðu um lyfjanotk-
un lyftingamanna og borðar bara
þinn hafragraut og tekur þitt lýsi?
„Auðvitað er það leiðinlegt þegar
allir vel vaxnir menn eru stimplaðir á
þennan hátt. Ég er sá íslendingur, í
þessu sporti, sem hefur oftast farið í
lyfjapróf. Ég hef keppt svo mikið er-
lendis, alveg frá því í unglingaflokk-
um að ég er alltaf að pissa í glas."
— Þekkirðu einhverja íslenska
íþróttamenn sem hafa notað ólög-
lega lyf?
„Ekki nema ívar Hauksson. Hann
játaði það opinberlega — ekki satt?"
— Finnst þér eitthvað heilla þig
sem þú átt eftir að upplifa?
„Ég hef ekki enn farið á sjóskíði og
þori það varla."
— Hverjir eru þínir bestu félagar í
sportinu?
„Jón Páll Sigmarsson, Kjartan
Guðbrandsson og Jón B. Reynisson.
Með þessum strákum æfi ég."
— Hverjar eru þínar bestu stundir
þegar stöngin er í hvíld?
„Ég á mínar bestu stundir með
dóttur minni sem er þriggja ára."
— Hvað langar þig í í jólagjöf?
„Nú fórstu alveg með það! Nýjan
bfl," svarar hann þó eftir nokkra
þögn. „Núna ek ég um á Toyota
Camry '85."
— Áttu þér eitthvert draumatak-
mark í lífinu?
„Að endast nógu lengi í þessu
sporti."
Að lokum spurði ég Magnús Ver
hvernig það væri að vera frægur á
íslandi. Hann svaraði því til að það
væru helst litlir guttar sem tækju eftir
honum. „Ég veit ekki hvort það er
gott eða slæmt að vera frægur," svar-
aði hann aðspurður. „Ég held að það
sé ekki svo slæmt á Islandi. Varla
þurfa menn lífverði og víggirðingar
umhverfis heimili sín."
ÁRANGUR MAGNÚSAR Á ER-
LENDUM VETTVANCI
1985
Þriðja sætið á heimsmeistara-
móti unglinga í kraftlyftingum.
Þriðja sætið á Evrópumeistara-
móti unglinga í kraftlyftingum.
1986
Þriðja sætið á Evrópumeistara-
móti unglinga í kraftlyftingum.
1988
Annað sætið á Le Defi Mark Ten-
mótinu.
1989
Fyrsta sætið á Evrópumeistara-
mótinu í kraftlyfingum.
Fyrsta sætið á Pure Strength-
rnótinu.
1990
Þriðja sætið á Evrópumeistara-
mótinu í kraftlyftingum.
Annað sætið á Pure Strength-
mótinu.
Annað sætið á World Muscle
Power Championship.
Þriðja sætið á Le Defi Mark Ten-
mótinu.
1991
Fyrsta sætið á Evrópumeistara-
mótinu í kraftlyftingum.
Besti árangur yfir alla flokka á
sama móti.
Stigahæstur allra á mótinu.
Og sérstök verðlaun fyrir bestu
„lyftari" mótsins.
Þriðja sætið á World Muscle
Power Championship.
Fyrsta sætið á Worlds Strongest
Man.