Íþróttablaðið - 01.11.1991, Qupperneq 43

ADlDAS-umboðið á íslandi var með glæsilega uppákomu á skemmtistaðnum
Ömmu Lú fyrir skemmstu en þar voru markahæstu leikmenn Samskipadeild-
arinnar verðlaunaðir. Guðmundur Steinsson, hlaut gullskóinn, Hörður
Magnússon, silfurskóinn, og Leifur Geir Hafsteinsson, bronsskóinn.
Erling Pétursson, eigandi verslunar-
innar Tindastóls á Sauðárkróki, af-
henti gullskóinn í ár. Með honum á
myndinni er Sigrún, eiginkona hans,
og Guðmundur Steinsson, marka-
kóngur.
Atli Einarsson í leik gegn FH
ATLI BJÓ TIL17
MÖRK
Atli Einarsson, hinn eldfljóti
leikmaður Víkings, sem nú er
kominn í landsliðshóp Ásgeirs El-
íassonar „bjó til" 17 af þeim 36
mörkum sem Víkingur skoraði í
Samskipadeildinni í sumar.
Áhugasamir Víkingar komust að
þessari niðurstöðu um daginn
þegar þeir krufu alla leiki Víkings
til mergjar. Sjálfur skoraði Atli 6
mörk en með hraða sínum og
sprengikrafti, splundraði hann
vörnum andstæðinganna þannig
að samherjar hans skoruðu 17
mörk sem hann átti mestan þátt í.
MENN SUMARSINS
Af öðrum ólöstuðum eru GUÐ-
MUNDUR STEINSSON OG BJÖRN
BJARTMARZ, leikmenn íslands-
meistara Víkings, menn sumarsins í
íslenskri knattspyrnu. Guðmundur
skipti yfir í Víking því hann taldi sig
ekki öruggan með fast sæti í Fram-
liðinu. „The rest is history". Hann
kom, sá og sigraði í sumar. Lék eins
og engill, varð markahæstur og kjör-
inn leikmaður ársins f 1. deild. For-
ráðamenn Fram, sem fengu engan tit-
il í fyrsta skipti í áraraðir, hljóta að
naga sig í handabökin um þessar
mundir — því þeir gerðu ekkert til
þess að reyna halda í Guðmund.
Björn Bjartmarz er ótrúlegur ein-
staklingurog leikmaður — hreintgull
af manni. Hann var búinn að skipta
yfir Þrótt síðastliðið vor því Víkingur
ákvað að ráða Ómar Torfason sem
þjálfara í knattspyrnuskóla félagsins
með von um að hann gerðist leik-
maður með félaginu. Björn hafði
stjórnað skólanum árið áður. Ómar
fór hins vegar til Grindavíkur, for-
eldrar ungra knattspyrnumanna í
Víkingi heimtuðu Björn til baka og
það varð úr. Hann stjórnaði knatt-
spyrnuskóla Víkings í sumar, þjálfaði
5., 6. og 7. flokk og æfði með meist-
araflokki þegar hann hafði tíma.
Allir vita um þátt Bjössa í síðasta
leik Víkings í deildinni þar sem hann
skoraði „fallegasta og þýðingamesta
mark sumarsins" að mati íþrótta-
Björn Bjartmarz hefur skorað þýð-
ingarmestu mörk Víkings undanfar-
in ár.
blaðsins. Hann sýndi glæsileg tilþrif
þar sem hann prjónaði sig í gegnum
vörn Víðis, tók þríhyrningsspiI við
Guðmund Steinsson og skoraði á út-
sjónarsaman hátt. Hann gulltryggði
síðan Islandsmeistaratitilinn með því
að skora þriðja mark Víkings með
skalla.
Þess má að lokum geta að Bjössi
skoraði 5 mörk í síðustu tveimur
leikjum Víkings í 2. deildinni árið
1987 en þá var hann settur í framlín-
una eftir að hafa verið varamaður
lengst af. Þau mörk tryggðu Víking-
um sæti í 1. deildinni.
Björn var ráðinn framkvæmda-
stjóri aðalstjórnar Víkings í sumar og
mun því væntanlega vera hættur
knattspyrnuiðkun. Hann er mikið fé-
lagsmálatröll og verður eftirsjá af
þessum „super sub" úr boltanum
næsta sumar.
43