Íþróttablaðið - 01.11.1991, Blaðsíða 37

hefur mest lyft 1017,5 kg en fyrir það
fékk hann 507 stig af því að hann er
mun þyngri en Magnús Ver.
Árangur íslendinga í keppninni
„Worlds Strongest Man" síðustu árin
hefur verið einstaklega glæsilegur.
Jón Páll hefur fjórum sinnum unnið
titilinn, tvívegis lent í öðru sæti og
einu sinni í því þriðja. Hann átti
reyndar að vera fulltrúi íslands á mót-
inu í ár sem var haldið í Tenerife á
Kanaríeyjum en vegna meiðsla var
kallað á Magnús Ver með fimm vikna
fyrirvara.
HEFÐI GETAÐ
SLEPPT SÍÐUSTU
GREININNI
— Hver voru viðbrögð manna
þegar þú birtist, sem varamaður frá
íslandi, og skýtur öllum keppinaut-
unum aftur fyrir þig? Eru menn ekki
aðverða þreyttirá þessum kraftajötn-
um frá íslandi?
„í sögu þessa móts hefur það aldrei
gerst að varamaður annars, frá sama
landi, fari með sigur af hólmi. Það
verður að segjast eins og er að menn
voru undrandi og sumir drullufúlir
yfir því að mér gekk svona vel. Eg
náði strax öruggri forystu og lét hana
aldrei af hendi. Sigraði reyndar í
þremur af fyrstu fjórum greinunum
og hefði getað sleppt þeirri síðustu —
en unnið samt.
Þar sem Magnúsi er óheimilt að
segja frá einstökum greinum keppn-
innar fyrr en BBC hefur sýnt frá
keppninni fellst Lilja, konan hans, á
að segjafrá því hvernigeiginmannin-
um vegnaði í hverri grein fyrir sig.
„Fyrsta var keppt í hleðslu. Þeir
hlóðu sex 100 kg hlutum upp á pall
en þurftu fyrst að hlaupa með þá níu
metraupp í móti. Hann sigraði íþess-
ari grein.
Önnur greinin fólst í því að lyfta
tunnum upp fyrir höfuð og þær voru
líka misþungar. Hann sigraði í þess-
ari grein.
Þriðja greinin var trukkadráttur,
sem flestir kannast við. Flestir hinna
keppendanna voru ekki undir 140-
150 kg og þar sem Magnús er mun
léttari en þeir átti hann erfiðara um
vik. Hann hafnaði í fjórða sæti.
Fjórða greinin var réttstöð u I y fta og
hann sigraði í henni.
Fimmta greinin fólst í því að
hlaupa með sandpoka þrjátíu metra
og keyra hjólbörur með 600 kg í til
baka. Magnús varð annar.
Sjötta greinin fólst í því að halda
þungum hlutum með útréttum örm-
um. Það stóð til að þyngd hlutanna
yrði 12,5 kg en vegna mistaka voru
þeir 16 kg og við því bjuggust þeir
ekki. Með 12,5 kg halda menn út í
mínútu en sumir gáfust upp með 16
kg eftir tæpar 20 sekúndur. Magnús
náði að halda út í 37 sekúndur og
varð annar.
Sjöunda greinin fólst í því að
hlaupa á milli tunna og lyfta fimm
mismunandi þungum, hnöttóttum
steinum upp á tunnur. Magnús stakk
alla af með fyrstu fjóra steinana en
hafði ekki handleggi til þess að ráða
við þann fimmta. Tveir keppendur
gerðu það hins vegar og því varð
hann þriðji í þessari grein.
Áttunda og síðasta greinin fólst í
því að draga um 500 kg bát við
bryggju upp dálítinn halla. Magnús
hefði ekki þurft að keppa í þessu
vegna þess að hann var með yfir-
burðarforystu en lét sig samt hafa það
og varð annar."
— Voru hinir keppendurnirfúlir út
í þig, Magnús?
„Daninn var svekktur en ég skil
ekki af hverju. Ég hef aldrei tapað
fyrir honum en samt var hann betri en
ég átti von á."
— Æfir þú öðruvísi en aðrir kraft-
lyftingamenn?
„Hugsanlega. Ég æfi allavega
mjög oft. Vanalega æfi ég bak og fæt-
ur á sömu æfingunni og tek síðan
brjóstkassann, magann og handlegg-
ina áannarri æfingu. Þetta kostar það
að ég er oft fjóra tíma á æfingu. Það
kemur mér til góða í keppni því ég
hef svo gott úthald."
37