Bændablaðið - 16.07.2020, Qupperneq 18

Bændablaðið | Fimmtudagur 16. júlí 202018
Hallormsstaðaskóli býður nú í
fyrsta sinn upp á heilsárs náms-
braut í sjálfbærni og sköpun, sem
er nám á 4. hæfniþrepi, viðbótar-
nám á framhaldsskólastigi eða
sambærilegt og diplómunám á
háskólastigi. Bryndís Fiona Ford,
skólameistari Hallormsstaðaskóla,
segir að friðsælt umhverfi
Hallormsstaðaskógar ýti undir
sköpunarkraft einstaklinga og
leiði þá inn á nýjar brautir.
Samhliða almennu skólastarfi
stendur Hallormsstaðaskóli fyrir
MasterClass námskeiðum, þar sem
sérfræðingar koma og leiðbeina hver
á sínu sviði, fjölbreyttum námskeið-
um og fræðslu í samstarfi við fyrir-
tæki og stofnanir. Að auki stendur
skólinn fyrir opnu húsi reglulega,
málstofum og vinnustofum í sam-
starfi við ýmsa aðila.
Traustari grunnur
Bryndís fagnar því að rekstur skól-
ans er nú á traustari grunni en áður.
Verkferlar hjá mennta- og menn-
ingarmálaráðuneytinu varðandi
þjónustu- og rekstrarsamning við
skólann eru að taka breytingum til
batnaðar. Hún nefnir þar helst lengri
samningstíma en áður og því þurfi
ekki að endurnýja samning á hverju
ári með tilheyrandi vinnu beggja
aðila.
Hallormsstaðaskóli á sér langa
sögu, hann hefur verið starfandi í
næstum 90 ár, fyrsta skólasetningin
var 1. nóvember 1930. „Sigrún P.
Blöndal, sem stofnaði skólann, er
okkur mikil fyrirmynd og námskrá
skólans frá stofnun hans höfð að
leiðarljósi í áherslubreytingum í
námi skólans,“ segir Bryndís.
Námið var tveggja ára metn-
aðarfullt nám þar sem nemend-
ur útskrifuðust með hæfni til að
stýra stórum búum, hvort sem var
í rekstri, matseld eða textíl, ásamt
því að læra heilbrigðisfræði og að
geta tekið á móti börnum. Nú bæru
nemendur þessa náms marga mis-
munandi starfstitla og því leggjum
við áherslu á að mennta nýja kyn-
slóð fagfólks sem getur unnið þvert
á fræði og faggreinar,“ segir hún.
Sjálfbærni út í gegn
Bryndís segir að rauði þráðurinn
í starfi skólans sé sjálfbærni. „Í
náminu fléttast saman nýting og
meðferð hráefna hér á árum áður,
viðurkenndum vinnsluaðferðum
og hvernig neysla okkar er nú um
stundir. Af mörgu er að hyggja og
hvert skref, hvert spor, skiptir máli,“
segir hún.
Í líftextíl er lögð áhersla á nátt-
úrulegar og vistvænar aðferðir, t.d.
jurtalitun, jurtaprentun, kennslu í
vefjarefnafræði og uppruna hrá-
efna. Nýjungar eru líftextílefni
og bakteríulitun, sem er heillandi
heimur fyrir þá sem hafa áhuga á
efnafræði. Síðan tvinnast saman
fræðin og framkvæmd í kennslu
í textíl, t.d. í vefnaði, saumum,
tóvinnu og prjón.
Unnið með staðbundið hráefni
Matarfræði byggist líka upp á
efnafræðiþekkingu en hér áður
fyrr var kennd matarefnafræði.
„Við nýtum okkur matarkistu
Austurlands og vinnum mikið með
staðbundið hráefni,“ segir Bryndís,
en Hallormsstaðaskógur býður upp
á gómsæta uppskeru á haustin, villt
ber og sveppi.
Hversu sjálfbær erum við?
„Mikil vitundarvakning hefur
verið meðal þjóðar á að velja íslenskt
og lífrænt hráefni í matargerð og
fögnum við þeirri þróun. Okkur
þykir einnig áhugavert að vinna
með áskoranir, eins og hvað gerist
ef landið lokar og hversu sjálfbær
erum við,“ segir Bryndís.
Hægt er að nálgast allar upplýs-
ingar um skólann, námið og væntan-
leg námskeið á heimasíðu skólans,
www.hskolinn.is
/MÞÞ
Það fer vel um þig í vinnufatnaði frá
Hafðu samband og kynntu þér
vöruúrvalið og þjónustuna
LÍF &STARF
Hallormsstaðaskóli:
Skólinn í skóginum
– Boðið upp á heilsárs námsbraut í sjálfbærni og sköpun
Hallormsstaðaskóli á sér langa sögu, en 90 ár verða í vetur frá fyrstu skólasetningu. Myndir / Hallormsstaðaskóli Í líftextíl er lögð áhersla á
náttúrulegar og vistvænar aðferðir,
t.d. jurtalitun, jurtaprentun, kennslu í
vefjarefnafræði og uppruna hráefna.
Bryndís Fiona Ford, skólameistari
Hallormsstaðaskóla.
Hallormsstaðaskóli nýtir sér matarkistu Austurlands.
Ungar konur sækja fram í
tækniheiminum
Smart Solutions er íslenskt sprota-
fyrirtæki sem vinnur að stafrænni
væðingu hversdagsleikans með
því að þróa lausnir sem snúa
að hagræðingu á þjónustu ríkis
og sveitarfélaga við almenning.
Fyrsta lausn fyrirtækisins er
útgáfa á íslenskum ökuskírteinum
á rafrænu formi.
Fyrirtækið fékk á dögunum
styrk frá Tækniþróunarsjóði og
Nýsköpunarsjóði námsmanna og
hefur í kjölfarið ráðið inn í teymið
fimm ungar konur með það að leiðar-
ljósi að sækja fram í tækniheimin-
um. Stofnendur Smart Solutions eru
feðginin Þórdís Jóna Jónsdóttir og Jón
Jarl Þorgrímsson, en þau hafa þróað
tæknilausnir síðustu tvö ár sem snúa
að stafrænum pössum og veskis appi.
Í janúar 2020 gekk Edda Konráðs-
dóttir til liðs við Smart Solutions og
sér hún um viðskiptaþróun fyrirtæk-
isins. Nú stækkar teymið enn á ný
þar sem fimm ungar konur ganga
til liðs við Smart Solutions, þær
Vigdís Hlíf Jóhönnudóttir og Vaka
Njálsdóttir sem sölu- og markaðs-
fulltrúar og þær Andrea Skúladóttir,
Helga Lárusdóttir og Katla Rún
Arnórsdóttir sem forritarar.
/MHH
Starfsmenn Smart Solutions, frá vinstri, Helga Lárusdóttir, Katla Rún
Arnórsdóttir, Þórdís Jóna Jónsdóttir, Jón Jarl Þorgrímsson, Vaka Njálsdóttir,
Vigdís Hlíf Jóhönnudóttir, Edda Konráðsdóttir og Andrea Skúladóttir.