Bændablaðið - 16.07.2020, Síða 27

Bændablaðið | Fimmtudagur 16. júlí 2020 27
ÍSLAND ER LAND ÞITT
RaNgárþiNg-eYsTrA
aFþrEyInG oG útIvIsT
fYrIr aLlA!
Sundlaugin á Hvolsvelli
Landeyjasandur
Opinn landbúnaður
Gaman í sveitinniSkógar
Skógafoss
Útivist undir eyjafjöllum
www.V is itHvolsvollur . is
Einar segist hafa gengið með bændadrauma í maganum sem ungur maður
en hann fór nokkrar krókaleiðir að því markmiði sínu. Lærði m.a. myndlist og
lauk námi í Myndlista- og handíðaskóla Íslands. Þessi myndarlegi hrútshaus
varð til á vinnustofunni á Brúnum.
Íslenski hesturinn á heimavelli
Fyrir neðan húsið var gerður 170
metra langur reiðvöllur þar sem efnt
er til hestasýninga. Gott hljóðkerfi
var sett upp og fá áhorfendur innsýn
í sögu íslenska hestsins og ýmsan
fróðleik um hann, svo sem gang-
tegundir, liti og fleira á meðan sýn-
ingin stendur. „Við sýnum íslenska
hestinn á heimavelli og drögum fram
hans helstu kosti, leggjum áherslu
á að sýna fjölhæfni hans og fjöl-
breytileika,“ segir Einar. Hægt er að
horfa á hestasýningarnar bæði inni í
húsinu, á svölum sem gengið er út
á úr veitingasalnum og í áhorfenda-
brekkum sem eru við völlinn.
„Þessar sýningar voru fjölmargar
hjá okkur í fyrra og oft margt um
manninn, fór upp í 100 manns á sýn-
ingu,“ segir Einar. Engin skemmti-
ferðaskip eru á ferðinni nú og því
liggja sýningar svo til alveg niðri.
„Við komum tvíefld til leiks næsta
sumar, það voru verulega góðar bók-
anir fyrir sumarið í sumar og því ekki
um annað að ræða en bíða bara og
vera bjartsýn. Þetta gengur yfir og
allt verður gott á ný.“
Fór hægt af stað en er að glæðast
Líkt og aðrir í ferðaþjónustu hafa
upplifað á þessu sumri hefur umferð
verið mun minni en áður, júní fór
hægt af stað en eftir því sem á líður
júlímánuð fer fjöldi gesta vaxandi.
Útlendinga vantar þó enn, en landinn
er töluvert á faraldsfæti og hefur að
sögn Hugrúnar verið mikið að gera
um helgar. Þá hefur verið töluvert að
gera í mótttöku á hópum sem gjarnan
koma utan hefðbundins afgreiðslu-
tíma og eins hefur salurinn verið
leigður út til veislu- og fundahalda
en mörgum þykir gott og árangursríkt
að halda fundi í kyrrðinni í sveitinni.
Fjölbreytt ferðaþjónusta í
Eyjafjarðarsveit
Ferðaþjónusta í Eyjafjarðarsveit
hefur vaxið og fjölbreytileikinn er
þó nokkur, kaffihús og veitinga-
staðir með ýmsar kræsingar, sem
og afþreying. Ferðaþjónusta skipar
töluverðan sess í atvinnustarfsemi
innan sveitarfélagsins og fer ef eitt-
hvað er vaxandi. Þau Hugrún og
Einar segja að íbúar í ferðaþjónustu
í sveitarfélaginu starfi vel saman
innan Ferðamálafélags Eyjafjarðar
og styðji við bakið hver á öðrum.
„Það er jákvætt og hefur reynst okkur
öllum vel.“ Nú hefur verið hleypt af
stokkunum nýju verkefni sem miklar
væntingar eru gerðar til, en það er
Matarstígur Helga magra og eru þau
hjón á Brúnum innan þess. Þau selja
m.a. lambakjöt af eigin býli.
„Það er alltaf eitthvað í gangi og
mikið að gerast. Við horfum til þess
að ferðaþjónusta verði æ öflugri hér
í sveitarfélaginu í náinni framtíð og
teljum okkur eiga töluvert inni,“ segir
Einar og bendir m.a. á að Kerling, eitt
hæsta fjall í byggð á Íslandi, sé innan
sveitarfélagamarka og þá séu um 10
fjöll í byggðarlaginu yfir 1.000 metr-
ar að hæð. „Þetta er óplægður akur,
að ná til fjallgöngufólks og þeirra
sem unun hafa af því að ferðast um
íslenska náttúru án þess að fara um
langan veg úr byggð,“ segir hann.
/MÞÞ
Hrútar og allar heimsins
Maríur er ný sýning sem opnuð
var í Listaskálanum á Brúnum –
Brúnir Horse í Eyjafjarðarsveit
um liðna helgi. Þar sýna saman
þau Einar Gíslason og Katla
Karlsdóttir, Einar er með stór
olíumálverk af hrútum og Katla
með Maríumyndir.
Katla er fædd í Danmörku árið
1996 en bjó í Eyjafirði um skeið
á yngri árum og stundaði þá nám
við Hrafnagilsskóla þar sem Einar
kenndi henni myndlist. Katla
hefur bróðurpart ævi sinnar búið
í útlöndum, síðustu 8 ár í Belgíu.
Hún lauk alþjóðlegu stúdentsprófi
árið 2014 og stundaði fornám við
Paris Collage of Art í Frakklandi.
Undanfarin fjögur ár hefur hún
lagt stund á skartgripahönnun,
gull- og silfursmíði við Royal
Academy of Fine Art í Antwerpen
og lauk nýverið BA-prófi þaðan.
Á sýningunni í Listaskálanum
sýnir hún teikningar gerðar
fríhendis með penna og bleki.
Einar er myndlistarmaður
og bóndi á Brúnum, fæddur á
Akureyri árið 1960. Hann rekur
vinnustofu á heimili sínu. Hann
sýnir olíumálverk á striga, en
viðfangsefni hans er hrútar sem
lengi hafa verið honum hugleiknir.
Sýning í Listaskálanum á Brúnum:
Hrútar og allar heimsins Maríur
Einar Gíslason og Katla Karlsdóttir við opnun sýningarinnar. Mynd / Brúnir
Ný brú yfir Eyjafjarðará
heitir Vesturbrú
Ný brú yfir vestari kvísl
Eyjafjarðar ár, Vesturbrú, var
tekin í notkun með hátíðlegri
athöfn fyrir skemmstu. Brúin
hlaut nafnið Vesturbrú en hátt
í 60 tillögur bárust í nafna-
samkeppni sem efnt var til. Þeir
voru nokkrir sem lögðu þetta
nafn sem varð fyrir valinu til.
Ráðherra klippti á borða
Dagskráin hófst með hópreið hesta-
mannafélagsins Léttis og með í þeirri
för var Sigurður Ingi Jóhannsson
samgönguráðherra en hann klippti
á borðann í athöfninni. Karlakór
Eyjafjarðar söng og Guðmundur
Baldvin Guðmundsson, formaður
bæjarráðs Akureyrarbæjar, flutti
stutt ávarp.
Framkvæmdir gengu vel
Brúin er ríflega 60 metra löng stálbrú
með þriggja metra breiðu timbur-
gólfi. Heildarlengd nýrra malarstíga
hvort sínum megin við brúarstæði
eru um 600 metrar. Framkvæmdir
hófust síðla árs 2019 og gengu vel.
Í þeim fólst einkum stígagerð að
brúarstæði og sjálf brúarsmíðin.
Niðurrekstur staura undir brúar-
stöpla hófst í mars síðastliðnum og
lauk steypuvinnu og frágangi nú
í júní. Samhliða smíðinni hófust
framkvæmdir við Hólasandslínu 3
með því að leggja ídráttarrör fyrir
jarðstreng meðfram brúnni.
Mikil samgöngubót
Nýja brúin er mikil samgöngubót
fyrir útivistarfólk og nýtist jafnt
gangandi, ríðandi, hlaupandi og
hjólandi vegfarendum. Hún leysir af
hólmi gamla brú sem þurfti að færa
sunnar vegna uppsetningar á að-
flugsbúnaði við Akureyrarflugvöll.
Verkefnið var unnið í samstarfi
Akureyrarbæjar, Vegagerðarinnar
og Landsnets.
/MÞÞ
Vesturbrú er mikil samgöngubót fyrir útivistarfólk. Myndir / Kristófer Knutsen
Hestamenn fagna tilkomu nýju brúarinnar yfir Eyjafjarðará.